31-Jan-2025

ବିନିକା(ହିମାଂଶୁ ଶେଖର ପୁଟେଲ) ଦିନେ ନୁହେଁ କି ଦୁଇ ଦିନ ନୁହେଁ ଦୀର୍ଘ ୨ବର୍ଷ ହେଲା ବିନିକା ସହର ମୁଖ୍ୟ ରାସ୍ତା ମରଣଯନ୍ତା ପାଲଟିଛି।ଇତି ମଧ୍ୟରେ ରାଜ୍ୟରେ ନୂଆଁ ସରକାର ଶାସନ କରିବାର ୬ମାସ ମଧ୍ୟ ସମ୍ପୂର୍ଣ୍ଣ ହେଲାଣି । ତଥାପି ବି ରାସ୍ତାର ଅବସ୍ଥା ଯଥା ପୂର୍ବମ ତଥା ପରମ ହୋଇ ପଡ଼ିଛି।ବିନିକା ସହର ମୁଖ୍ୟ ରାସ୍ତା ର ପାପକ୍ଷୟ ଛକ ଠାରୁ ଦାନିପାଲି ଛକ ପର୍ଯ୍ୟନ୍ତ ପ୍ରାୟ ୪କିମି ରାସ୍ତା ସମସ୍ତଙ୍କ ପାଇଁ ମରଣଯନ୍ତା ସାଜିଛି ।ଯାଉଥିବା ଯାନବାହନ ଗୁଡିକ ହାତୀ ଝୁଲିଲା ପରି ଯିବା ଆସିବା କରୁଛି ।ବାଇକ,ସାଇକଲ ଆରୋହୀ ରାସ୍ତାରେ ବିଶେଷ ହଇରାନ ହରକତ ହେଉଛନ୍ତି ।ଅସଂଖ୍ୟ ଖାଲ ଖମାରେ ପରିପୂର୍ଣ୍ଣ ଏହି ରାସ୍ତାରେ ଯିବା ଆସିବା କରୁଥିବା ଲୋକଙ୍କ ଛାତି ଧଡ଼ ଧଡ଼ କରୁଛି ତ ଆଉ କେତେକ ବିଭିନ୍ନ ରୋଗରେ ଆକ୍ରାନ୍ତ ହେଲେଣି ବୋଲି ସାଧାରଣରେ ଆଲୋଚନା ହେଉଛି ।୪କିମି ରାସ୍ତା ଅବସ୍ଥା ଯୋଗୁଁ ଯାନବାହାନ ଗୁଡ଼ିକୁ ୩୦/୪୦ମି ସମୟ ଲାଗୁଥିବା ବେଳେ ବାଇକ ଆରୋଗୀଙ୍କୁ ପ୍ରାୟ ୧ଘଣ୍ଟା ସମୟ ଲାଗୁଛି ।ଧୁଲିମୟ ଦଦରା ରାସ୍ତାରେ ନୀତି ପ୍ରତିଦିନ ଦିନକୁ ୨/୩ ଥର ପାଣି ଛିଞ୍ଚନ କରାଯାଉଛି ସତ ହେଲେ ଅଧିକାଂଶ ସ୍ଥାନରେ ପଡ଼ିଥିବା ମାଟି ସ୍ଲିପ ହେଉଛି ।ଯାହା ଫଳରେ ପ୍ରାୟ ଦିନ ମାନଙ୍କରେ ଦୁର୍ଘଟଣା ଘଟୁଥିବାରୁ ନଜିର ରହିଛି। କିଛି ଦିନ ତଳେ ଜଣେ ମହିଳା ବାଇକରୁ ପଡ଼ି ଯିବାରୁ ରାସ୍ତାରେ ଯାଉଥିବା ଏକ ଟ୍ରକ ମାଡ଼ି ଯାଇଥିଲା ଫଳରେ ତାଙ୍କର ଗୋଡ଼ କଟି ଯାଇଥିଲା ।ରାସ୍ତା ଅବସ୍ଥା ଯୋଗୁଁ ଅଞ୍ଚଳ ବାସିଙ୍କ ଙ୍କ ତରଫରୁ ୨୭ତାରିଖରେ ବିନିକା ଠାରେ ଅନୁଷ୍ଠିତ ଜିଲ୍ଲାପାଳଙ୍କ ଅଭିଯୋଗ ଶୁଣାଣୀ ଶିବିରରେ ଦାବିପତ୍ର ପ୍ରଦାନ କରାଯାଇଥିଲା ।ହେଲେ ଜିଲ୍ଲା ପ୍ରଶାସନ ତରଫରୁ ଅଦ୍ୟାବଧି କୌଣସି ପଦକ୍ଷେପ ନିଆ ଗଲା ନାହିଁ ।ଯାହା ଫଳରେ ଆଜି ଶୁକ୍ରବାର ଅଞ୍ଚଳ ବାସୀଙ୍କ ତରଫରୁ ବିନିକା ତହସିଲଦାରଙ୍କ ଜରିଆରେ ଏକ ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରାଯାଇଛି ।ସୂଚନା ଯୋଗ୍ୟ ଯେ  ବିନିକା ସହରର ମୁଖ୍ୟରାସ୍ତା ୨ବର୍ଷ ହେଲା ମରଣଯନ୍ତା ପାଲଟିଥିବା ବେଳେ କଚ୍ଛପ ଗତିରେ ଚାଲିଛି ରାସ୍ତାକାମ । ଫଳରେ ନିତିଦିନ ଛୋଟବଡ଼ ଦୁର୍ଘଟଣା ଘଟିବା ସହିତ ଖାଲଢିପ ଓ ଧୂଳିମୟ ରାସ୍ତାରେ ଯାତାୟାତ କରି ଲୋକେ ନାହିନଥିବା ଅସୁବିଧାର ସମ୍ମୁଖୀନ ହେଉଥିବାରୁ ଏହାକୁ ସହ୍ୟ କରି ନପାରି ଅଞ୍ଚଳ ବାସୀଙ୍କ ତରଫରୁ ଆସନ୍ତା ଫେବୃୟାରୀ 3 ତାରିଖ ସୋମବାର ଦିନ ସକାଳ ୬ଘଣ୍ଟାରୁ ଅପରାହ୍ନ ୨ଘଣ୍ଟା ପର୍ଯ୍ୟନ୍ତ ବିନିକା  ବନ୍ଦ ପାଳନ କରାଯିବ । ଏଇ ବନ୍ଦ ପାଳନରେ କେବଳ ଜରୁରୀ ସେବାକୁ ବାଦଦେଇ ସହରର ସମସ୍ତ ସ୍କୁଲ, କଲେଜ,ବ୍ୟାଙ୍କ,ଦୋକାନବଜାର,ସରକାରୀ ବେସରକାରୀ ଅନୁଷ୍ଠାନ ବନ୍ଦ କରାଯିବା ସହିତ ଗାଡି ଚଳାଚଳ ଠପ ରହିବ ବୋଲି ବିନିକା ଅଞ୍ଚଳ ବାସିଙ୍କ ତରଫରୁ ତହସିଲଦାର ସୀତାରାମ ଭୋଇଙ୍କ ଜରିଆରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।