31-Jan-2025

ବୌଦ୍ଧ (ପ୍ରେରଣା ଖବର): ସରକରୀ ଉଚ୍ଚ ବିଦ୍ୟାଳୟ ,ମେଣ୍ଢୀମାଳ ଠାରେ ମୌଳିକ ସାକ୍ଷରତା  ଓ ଭାଷା ଜ୍ଞାନ ସମ୍ପର୍କିତ ଗଳ୍ପ ଉତ୍ସବ କାର୍ଯ୍ୟକ୍ରମ ଆୟୋଜନ ହୋଇଯାଇଛି  । ପିଏମ ଶ୍ରୀ ଜୱାହର ନବୋଦୟ ବିଦ୍ୟାଳୟ ପାଲଝରର ବରିଷ୍ଠ ଶିକ୍ଷକ ଦିଲୀପ କୁମାର ବାଡତ୍ୟାଙ୍କ ତତ୍ତ୍ଵାବଧାନରେ  ଆୟୋଜିତ କାର୍ଯ୍ୟକ୍ରମକୁ ବିଦ୍ୟାଳୟର ପ୍ରଧାନଶିକ୍ଷକ ସନ୍ତୋଷ କୁମାର ସାହୁ   ଉଦଘାଟନ କରିଥିଲେ । ସେ ତାଙ୍କ ଅଭିଭାଷଣ ରେ  ମାତୃଭାଷା ର ଉନ୍ନତି କୁ ଗୁରୁତ୍ଵାରୋପ କରିବା ସଙ୍ଗେ ସଙ୍ଗେ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ । ନୂତନ ଶିକ୍ଷା ନୀତି ୨୦୨୦ ର  ଆଧାରରେ ମାତୃଭାଷା ପ୍ରତି ଆଗ୍ରହ ଓ ବାଚନ କୌଶଳ ର ବୃଦ୍ଧି ଉଦ୍ଦେଶ୍ୟ ରେ ଆୟୋଜିତ ଏହି ଗଲ୍ପ ଉତ୍ସବ କୁ ଅତିଥିମାନେ ଏକ ଅଭିନବ ପ୍ରୟାସ ବୋଲି ମତ ବ୍ୟକ୍ତ କରିଥିଲେ । ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ମଧ୍ୟରେ ଗଲ୍ପ କଥନ ପ୍ରତିଯୋଗିତା ଆୟୋଜନ କରାଯାଇଥିଲା ଯେଉଁଥିରେ ଛାତ୍ରଛାତ୍ରୀମାନେ  ଆଗ୍ରହର ସହ ଭାଗ ନେଇ ଥିଲେ । ଜେ ଏନ ଭି ର ବରିଷ୍ଠ ଶିକ୍ଷକ ଦିଲୀପ କୁମାର ବାଡତ୍ୟା  “ତଅପୋଇ” ଗପ କହି ଗଳ୍ପ ଉତ୍ସବକୁ ମନୋଜ୍ଞ  କରିଥିଲେ । ଗଳ୍ପ ଉତ୍ସବର କୃତୀ ପ୍ରତିଯୋଗୀମାନଙ୍କୁ  ପ୍ରମାଣପତ୍ର ପ୍ରଦାନ କରାଯାଇଥିବା ସଙ୍ଗେ ସଙ୍ଗେ ଉତ୍ସବର ଅତିଥି ମାନଙ୍କୁ ଧନ୍ୟବାଦ ପ୍ରଦାନ କରାଯାଇ ଥିଲା ।  ଏହି କାର୍ଯ୍ୟକ୍ରମକୁ ବିଦ୍ୟାଳୟ ର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ସହଯୋଗ କରିଥିଲେ ।