30-Jan-2025

ଅତାବିରା(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ବ୍ଲକ ଜାଙ୍ଗେଡ ପଞ୍ଚାୟତ ଅଧିନରେ ଥିବା ଭାଲୁପତ୍ରା ଗ୍ରାମରେ  ଦେଢ଼ କୋଟି ଅର୍ଥ ବିନିମୟରେ  ନିଖୁଣ  ଶିଳ୍ପୀ ମାନଙ୍କ ଦ୍ଵାରା  ସୁନ୍ଦର କାରୁକାର୍ଯ୍ୟ  ରେ ରାମ ମନ୍ଦିର ନିର୍ମାଣ ହୋଇଛି । ଏହି ମନ୍ଦିର ର ପ୍ରତିଷ୍ଠା ଉତ୍ସବ ଆଜିଠାରୁ ଦୀର୍ଘ ତିନିଦିନ   ଧରି ଚାଲିବ ।ତେଣୁ ଆଜି ପ୍ରଥମ ଦିବସରେ  ଏକ ଭବ୍ୟ କଳସ ଶୋଭାଯାତ୍ରା ହୋଇଥିଲା । ଆଜି ସକାଳ ୯ ଟାରେ ହଜାର ହଜାର ଶ୍ରଦ୍ଧାଳୁ ମହିଳା ଓ ପୁରୁଷ ଏହି ଶୋଭାଯାତ୍ରାରେ ସାମିଲ ହୋଇଥିଲେ ।

ଭାଲୂପତ୍ରା ରୁ  ବାହାରି ବାବେବୀରା ର ଦୁଲୁଦୁଲି ବାଜା, ରାୟଗଡ଼ା ର ଦାଣ୍ଡିଆ ନୃତ୍ୟ ଓ ରେଶମ ର ଘଣ୍ଟବାଦ୍ୟ  ସହିତ ବିଶାଳ ସମାବେଶ ରେ ବାହାରି ଜାଙ୍ଗେଡ଼ ମହାଦେବ ମନ୍ଦିର ପୋଖରୀ ପର୍ଯ୍ୟନ୍ତ ପହଞ୍ଚିଥିଲା ।  ପଣ୍ଡିତ ରୂପେ ବରଣ ହୋଇ ଆସିଥିବା ଆନ୍ଧ୍ରପ୍ରଦେଶ ର ରାଜମଣ୍ଡ୍ରି  ର ମୁଖ୍ୟ ପଣ୍ଡିତ  ରାଏ ଗଡି  ମିଲ୍ଲି ରାମଦେବ ଶର୍ମା ଓ ତାଙ୍କ ୧୨ ଜଣ ସାଥିଙ୍କ ମନ୍ତ୍ର  ପାଠରେ ମନ୍ତ୍ରିତ  ପବିତ୍ର ଜଳ ପୂର୍ଣ୍ଣ କଳସ ନେଇ ଶୋଭାଯାତ୍ରା ଟି ପୂଜା ମଣ୍ଡପରେ ପହଞ୍ଚିଥିଲା ।  ସପତ୍ନିକ ଭଣ୍ଡାଭିଲ୍ଲି ସତ୍ୟନାରାୟଣ, ବଡ୍ଡୁ ସୁବା ରାଓ, ୟେଳେଟି ରାଜା, ଗୁନମ ରାମବାବୁ, ଭଳୁରି ନାଗବାବୁ, ମୁତ୍ୟାଲା ଶ୍ରୀନିବାସ, ମଡ୍ଡି ପଟ୍ଟି ପାପା ରାଓ,ଓ ମଡ୍ଡି ପାଟାଲା ରାଜବେନ୍ଦ୍ର ପ୍ରମୁଖ ଆଠାଯୋଡ଼ି  କର୍ତ୍ତା ଦାୟିତ୍ଵ ନିର୍ବାହ କରୁଛନ୍ତି ।  କଳସ ସ୍ଥାପନ ପୂର୍ବକ ମନ୍ଦିର କୁ ସୁଦ୍ଧା କରାଯାଇ  ଷୋଡଶ ପଚାର ପୂଜା କାର୍ଯ୍ୟ ଓ ହୋମ ଆଦି ଆଜି ସମ୍ପନ୍ନ ହୋଇଛି ।ସନ୍ଧ୍ୟାରେ ରୂପାଲି ପାଣ୍ଡେ , ଭାନୁମତୀ  ସେଠ୍ ର ମହିଳା କୀର୍ତ୍ତନ ଓ ବିଶ୍ୱ ଦୁଲୁଦୁଲି ଆଦି ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା ।ଆଖ ପାଖଅଞ୍ଚଳରୁ  ଶ୍ରଦ୍ଧାଳୁ ଭକ୍ତ ତଥା ଦର୍ଶକ ମାନଙ୍କର ସୁଅ ଛୁଟିଛି । ଏହି ମନ୍ଦିର ର ଉଚ୍ଚତା  ୨୭ ଫୁଟ, ଶ୍ରୀ ରାମଙ୍କ ମୂର୍ତ୍ତି ର ଉଚ୍ଚତା ୩ ଫୁଟ ୯ ଇଞ୍ଚ, ଲକ୍ଷ୍ମଣ  ଙ୍କ ବିଗ୍ରହ ଉଚ୍ଚତା ୩ ଫୁଟ ୫ ଇଞ୍ଚ , ସୀତା ଙ୍କ ବିଗ୍ରହ ୩ ଫୁଟ ୬ ଇଞ୍ଚ ହୋଇଥିବା ବେଳେ  ହନୁମାନ ବିଗ୍ରହ ଙ୍କ ଉଚ୍ଚତା ୨ ଫୁଟ ଏବଂ ମନ୍ଦିର ର ବାମ ପାର୍ଶ୍ଵରେ ରହିଛନ୍ତି ୪ ଫୁଟ ଉଚ୍ଚତା ର ତିରୁପତି ବାଲାଜୀ  ବିଗ୍ରହ ଓ ଦକ୍ଷିଣ ପାର୍ଶ୍ଵରେ  ୩ ଫୁଟ ଉଚ୍ଚତାର ବିଘ୍ନରାଜ ଙ୍କ ବିଗ୍ରହ  ରଖାଯିବ ।ଏହି ବିଗ୍ରହ ମାନଙ୍କୁ  ଶସ୍ୟ ଉପରେ  ରଖାଯାଇଛି ।ପ୍ରାଣ  ପ୍ରତିଷ୍ଠା ପରେ ଗମ୍ଭୀର ଭିତରକୁ ପ୍ରବେଶ କରାଯିବ । ଏହି

ପ୍ରତିଷ୍ଠା ଉତ୍ସବ  ପାଇଁ ଅଞ୍ଚଳ ଚଳ ଚଞ୍ଚଳ ହୋଇ ଉଠୁଛି ।ପ୍ରତି ଘରେ ସ୍ଥାୟୀ  ଝୋଟି ସହ ପୂର୍ଣ୍ଣ କଳସ  ବସା ଯାଇଛି । ମୀନା ବଜାର, ଦୋକାନ ବଜାର ସହ ରଙ୍ଗୀନ ଆଲୋକମାଳାରେ ପୂଜା ମଣ୍ଡପ ଅତ୍ୟନ୍ତ ଆକର୍ଷଣୀୟ  ହୋଇଉଠିଛି । ପ୍ରତ୍ୟହ ଅନ୍ନପ୍ରସାଦ ର ବ୍ୟବସ୍ଥା କରାଯାଇଛି ।ଶ୍ରଦ୍ଧାଳୁ ମାନେ ଯେପରି ସୁରକ୍ଷିତ ଓ ସୁବିଧାରେ  ମହୋତ୍ସବ  କୁ ଉପଭୋଗ କରିପାରିବେ , ସେଥିପାଇଁ ଭିଡ଼ କୁ ନିୟନ୍ତ୍ରଣ ପାଇଁ ସ୍ବେଚ୍ଛାସେବୀ