30-Jan-2025

ବଲାଙ୍ଗିର(ପ୍ରେରଣା ଖବର); ଆଜି ସ୍ଥାନୀୟ ଗାନ୍ଧୀଭବନ ସମ୍ମୁଖରେ ଥିବା ଗାନ୍ଧୀପ୍ରତିମୂର୍ତ୍ତିଠାରେ ମହାତ୍ମାଗାନ୍ଧୀଙ୍କ ମହାପ୍ରୟାଣ ଦିବସ ପାଳିତ ହୋଇଯାଇଛି । ଏଠାରେ ଥିବା ଗାନ୍ଦୀଜୀଙ୍କ ପ୍ରତିମୂର୍ତ୍ତିରେ ଦୀପପ୍ରଜ୍ୱଳନ ଓ ପୁଷ୍ପମାଲ୍ୟ ଅର୍ପଣ କରି ବଲାଙ୍ଗୀରର ବୁଦ୍ଧିଜୀବୀ ଓ ଗାନ୍ଧୀଭବନର ପାଠକଗଣ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଗାନ୍ଧୀସ୍ମୃତି କମିଟି ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଆବାହକ ଯୁଧିଷ୍ଠିର ମେହେର ଙ୍କ ସଂଯୋଜନା କରିଥିବା ବେଳେ ବିଶିଷ୍ଠ ସୂଚନାଅଧିକାର କର୍ମୀ ହେମନ୍ତ କୁମାର ପଣ୍ଡା, ଶିକ୍ଷାବିଦ ସନାତନ ଠାକୁର ଓ ବରିଷ୍ଠ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ଗାନ୍ଧିଜୀଙ୍କ ଆଦର୍ଶର ସ୍ମୃତିଚାରଣ କରିଥିଲେ । ମହାତ୍ମାଗାନ୍ଧୀଙ୍କୁ ହତ୍ୟା କରାଗଲା କିନ୍ତୁ ତାଙ୍କ ଆହିସାଂ ରୂପକ ଆଦର୍ଶକୁ କେହି କେବେ ହତ୍ୟା କରିପାରିବେ ନାହିଁ । ଅହିଂସା ମାର୍ଗ ହିଁ ବିଶ୍ୱରେ ଶାନ୍ତିପ୍ରତିଷ୍ଠା କରିପାରିବ ବୋଲି ବକ୍ତାଗଣ ମତବ୍ୟକ୍ତ କରି ଥିଲେ । ଆଜି ସଂଗ୍ର ବିଶ୍ୱ ଯୁଦ୍ଧଖୋର ମନୋବୃତ୍ତିରେ ପରିଚାଳିତ ହେଉଥିବା ବେଳେ ଗାନ୍ଧୀଙ୍କ ଅହିଂସାର ପଥ ହିଁ ଏହାକୁ ପ୍ରଶମିତ କରିପାରିବ ବୋଲି ଆଲୋଚନା ହୋଇଥିଲା । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଶିକ୍ଷାବିଦ ଗୋପଭୂଷଣ ନାଥ,ମନୋରଂଜନ  ପୁରୋହିତ, ଯଥା ବିଶ୍ୱାଳ, ଅରୁଣ ମିଶ୍ର, ଗାନ୍ଧୀଭବନର ପାଠକଗଣଙ୍କ ବହୁସଂଖ୍ୟାରେ ଯୁବକ/ଯୁବତୀଗଣ ଯୋଗଦେଇଥିଲେ । ଶେଷରେ ସାମ୍ବାଦିକ ବିଭୁକଲ୍ୟାଣ ଗଡତ୍ୟା ଧନ୍ୟବାଦ ଅର୍ପଣ କରିଥିଲେ ।