30-Jan-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ସହର ସ୍ଥିତ ସମସ୍ତ ସରକାରି କାର୍ଯ୍ୟାଳୟ ମାନଙ୍କରେ ଅନଲାଇନ ସିଷ୍ଟମ ରେ କାର୍ଯ୍ୟ ଗୁଡିକ ହେଉଥିବା ବେଳେ,ଦିର୍ଘ ୫ ଦିନ ହେଲା ଭାରତ ଦୂରସଂଚାର ନିଗମ ଦ୍ୱାରା ପରିଚାଳିତ ନେଟ ସିଷ୍ଟମ ଠପ୍ ହୋଇ ପଡ଼ିଯାଇଥିବା ଫଳରେ ଜନସାଧାରଣ ବହୁ ଅସୁବିଧାର ସମ୍ମୁଖିନ ହେଉଥିବା ହୃଦବୋଧ ହେଉଛି।ଏ ସମ୍ପର୍କରେ ବିଭିନ୍ନ ବିଭାଗରୁ ବିଏସଏନଏଲ ଉଚ୍ଚ ଅଧିକାରୀଙ୍କୁ ଅବଗତ କଲା ପରେ ମଧ୍ୟ ଅଧିକାରୀ ମହୋଦୟ ନିରବଦ୍ରଷ୍ଟା ହେବା  ଅତ୍ୟନ୍ତ ପରିତାପର ବିଷୟ ଅଟେ।ସରକାରଙ୍କ ବିଏସଏନଏଲ ବିଭାଗର ନେଟ ସିଷ୍ଟମ ଯଦି ଲୋକଙ୍କ ସମସ୍ୟାର ସମାଧାନ ଦିଗରେ ତତ୍ପରତା ଦେଖାଉ ନାହିଁ ତେବେ ଅନ୍ୟ ବିକଳ୍ପ ବାଛି ଆମ ଅଧୁରା କାମ କରାଯାଉ ବୋଲି ଜନସାଧାରଣ ଦାବି କରୁଥିବା ବେଳେ, ସରକାରଙ୍କ ପ୍ରତିବନ୍ଧକ ପାଇଁ ତାହା ସମ୍ଭବପର ନୁହେଁ ବୋଲି ବିଭିନ୍ନ ସରକାରୀ କାର୍ଯ୍ୟାଳୟରେ କାର୍ଯ୍ୟରତ ଅଧିକାରୀ ମାନେ ଲୋକଙ୍କୁ ଜଣାଉଥିବା ଶୁଣାଯାଉଛି । ଏଣୁ ଦୟାକରି ବିଏସଏନଏଲ ବିଭାଗ କୁମ୍ଭକର୍ଣ୍ଣ ନିଦ୍ରାରୁ ଉଠି ବିଜେପୁର ଆଡ଼କୁ ଅନେଇବାକୁ ଜନସାଧାରଣରେ ପ୍ରବଳ ଦାବି ହେଉଛି।