23-Jan-2025

ବରଗଡ଼:(ନିରଞ୍ଜନ ତ୍ରିପାଠୀ)-ଶିଶୁ ଓ ମହିଳା ବିକାଶ ସୋସାଇଟିର ସଭ୍ୟ ମାନଙ୍କ ଦ୍ୱାରା  ବରଗଡ ଜିଲ୍ଲାର ପବିତ୍ର ତୀର୍ଥ ସ୍ଥାନ ନୃସିଂହନାଥ ଠାରେ ସଫେଇ ଓ ପାଷ୍ଟିକ ମୁକ୍ତ ସଚେତନତା କାର୍ଯ୍ୟକ୍ରମ ଅନୁଷ୍ଠିତ  ହୋଇଯାଇଛି । ଶିଶୁ ଓ ମହିଳା ବିକାଶ ସୋସାଇଟିର  ଅଧ୍ୟକ୍ଷ ମେଜର ଡ. କଳ୍ପନା ଦାଶଙ୍କର ପ୍ରତ୍ୟକ୍ଷ ତତ୍ତ୍ୱାବଧାନରେ କାର୍ଯ୍ୟକ୍ରମ ସାମାପନ ହୋଇଥିଲା । କାର୍ଯ୍ୟକ୍ରମକୁ ଶିଶୁ ଓ ମହିଳା ବିକାଶ ସୋସାଇଟିର ସଭ୍ୟ  ଯଦୁମଣି ବଗର୍ତ୍ତି ସଂଯୋଜନା କରିଥିଲା ବେଳେ ପ୍ରଭାକର ଛନ୍ଦ ପରିଚାଳନା କରିଥିଲେ ।   ଶିଶୁ ଓ ମହିଳା ବିକାଶ ସୋସାଇଟିର ସଭ୍ୟମାନେ  ନୃସିଂହନାଥ ମନ୍ଦିର ଚାରିପାଖ, ରାସ୍ତା, ଝରଣା ଆଦିରୁ  ଅଲିଆ ଆବର୍ଜନା  ସଫାକରିବା ସହ ଶ୍ରଦ୍ଧାଳୁ,  ଉଠାଦୋକାନୀ ମାନଙ୍କୁ ଏକକ ପାଷ୍ଟିକ ବ୍ୟବହାର ଠାରୁ ନିବୃତ୍ତ ରହିବା ପାଇଁ ପାଖକୁ ଯାଇ ବୁଝାଇ ଥିଲେ । ପରେ  ସୋସାଇଟିର ସଭ୍ୟମାନେ ଯଥା ସ୍ଥାନ ଗୁଡିକରେ  ବିଚିଙ୍ଗ ପାଉଡର   ପକାଇ ଥିଲେ । କାର୍ଯ୍ୟକ୍ରମରେ  ଶିଶୁ ଓ ମହିଳା ବିକାଶ ସୋସାଇଟିର ସଭ୍ୟ  ହେମନ୍ତ ସାମଲ, ଗୋପେଶ ପଣ୍ଡା, ନିରଞ୍ଜନ ବିଶ୍ୱାଳ, ଅନ୍ତଜାମି ବାରିହା, ଝସକେତନ ରଣା, ରାମ ନାରାୟଣ ଦାଶ, ସ୍ଥାନୀୟ ବାସିନ୍ଦା ଅରକ୍ଷିତ କର୍ଣ୍ଣ, ପ୍ରହ୍ଲାଦ ସୁନା, ଜୀବନ ବେଭାର     ଅଂଶ ଗ୍ରହଣ କରିଥିଲେ ।