20-Jan-2025

ନୂଆପଡ଼ା ଜିଲ୍ଲା ସିନାପାଲି କଲେଜ ନିକଟ ମଣ୍ଡି ପଡ଼ିଆ ଠାରେ ସିନାପାଲି ଓ କାପସିର ମିଳିତ ଆନୁକୂଲ୍ୟରେ ଅନୁଷ୍ଠିତ ପଞ୍ଚାୟତସ୍ତରୀୟ  ମାଁ ଗଢିଆଣି କ୍ରିକେଟ ଟୁର୍ଣ୍ଣାମେଣ୍ଟ ଦୀର୍ଘ ୭ଦିନ ଧରି ଚାଲିଥିବାବେଳେ ଆଜି ଉଦଯାପିତ ହୋଇ ଯାଇଛି। ଏହି ଅବସରରେ ମୁଖ୍ୟଅତିଥି ଭାବରେ ଖଡ଼ିଆଳ ଏନ୍.ଏ.ସି ଅଧ୍ୟକ୍ଷ ଉଜ୍ଜଳ ଗୁପ୍ତା ଯୋଗଦେଇ ଥିବା ବେଲେ ବିଶିଷ୍ଟ ଅତିଥି ଭାବେ ସାଂସଦ ପ୍ରାର୍ଥୀ ଲମ୍ବୋଦର ନିଆଲ୍ ଯୋଗଦେଇ ଥିଲେ। ସମ୍ମାନିତ ଅତିଥି ଭାବରେ ସିନାପାଲି ବ୍ଲକ ବିଜେଡି ସଭାପତି ଗରୁଡ଼ଧ୍ଵଜ୍ ବେହେରା, ତ୍ରିନାଥ ମେହେର, ସମିତି ସଭ୍ୟ ମନିଷ କୁମାର ପଟେଲ,ରବି ଯୋଶୀ, ଶ୍ରୀମାନ ସାହୁ, ବରିଷ୍ଠ ସାମ୍ବାଦିକ ଅଜିତ ଯୋଶୀ, ଜଗନ୍ନାଥ ସାଗର, ନବୀନ ମେହେର, ବୈଷ୍ଣବ ମେହେର, କ୍ରୀଡାବିତ୍ ରଜନୀକାନ୍ତ ମାଝୀ, ରୁପେଶ ମେହେର,ପୀୟୂଷ ପଟେଲ, ବଂଶୀଧର ଜଗତ ମଞ୍ଚାସୀନ ଥିଲେ ଓ ଖେଳାଳି ମାନଙ୍କୁ ଉତ୍ସାହିତ କରିଥିଲେ ।ଏହି ଉଦଯାପନୀ ଦିବସରେ  ହାତିବନ୍ଧା ଓ ଖଡ଼ିଆଳ ମଧ୍ୟରେ ଫାଇନାଲ ମ୍ୟାଚ୍ ଅନୁଷ୍ଠିତ ହୋଇଥିଲା। ହାତୀବନ୍ଧା ଦଳ ଟସ୍ ଜିଣି ପ୍ରଥମେ ବ୍ୟାଟିଙ୍ଗ ର ନିଷ୍ପତି ନେଇଥିଲା ଓ ନିର୍ଦ୍ଧାରିତ ୧୦ ଓଭରରେ ୪ ୱିକେଟ ହରାଇ ୧୨୬ ରନ କରିଥିଲା। ୧୨୭ ରନ୍ ର ଲକ୍ଷନେଇ ଖଡିଆଳ ଦଳ ନିର୍ଦ୍ଧାରିତ ୧୦ ଓଭରରେ ୯ ୱିକେଟ ହରାଇ ୧୨୫ ରନ୍ କରି ମାତ୍ର ୧ରନରେ ପରାଜୟ ହୋଇଥିଲା। ଉକ୍ତ ଫାଇନାଲ ମ୍ୟାଚ୍ ଦେଖିବା ପାଇଁ ଅଞ୍ଚଳର ହଜାର ହଜାର ଦର୍ଶକଙ୍କ ସମାଗମ ହୋଇଥିଲା। ଉକ୍ତ ଟୁର୍ଣ୍ଣାମେଣ୍ଟରେ ହାତୀବନ୍ଧା ଦଳର ହରେନ୍ଦ୍ର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ ଓ ଖଡ଼ିଆଳ ଦଳର ଓମ୍ ଶ୍ରେଷ୍ଠ ବୋଲର ଭାବେ ବିବେଚିତ ହୋଇଥିଲେ। ଆଜିର ଏହି ଉଦଯାପନୀ ମ୍ୟାଚରେ ପୟୋଜ କଶ୍ୟପ ଓ ସ୍ୱରୂପ କୁମାର ଯୋଶୀ ଖେଳ ପରିଚାଳନା କରିଥିବାବେଳେ ନରେଶ କୁମାର ମାଝୀ, ଶୈଳେଶ ସା,ବିନ୍ଦୁସାଗର ମେହେର,ମଳୟ ତାଣ୍ଡି, ସାଗର ନାଗ, ଯୌବନ ଗହିର, ନବୀନ ଜଗତ ଖେଳର ଧାରା ବିବରଣୀ ପ୍ରଦାନ କରିଥିଲେ। ସ୍କୋରର ଭାବରେ କାହ୍ନୁ ସାଗର ଓ ଅନଲାଇନ ସ୍କୋରର ଚନ୍ଦନ ମେହେର ଓ ହେମନ୍ତ ମେହେର କାର୍ଯ୍ୟ ତୁଲାଇଥିଲେ । ଶେଷରେ ବିଜୟୀ ଦଳକୁ ଟ୍ରଫି ସହ ନଗଦ ୩୦,୦୦୦ ଟଙ୍କା ପ୍ରଦାନ କରାଯାଇଥିଲା ଓ ପରାଜୟ ଦଳକୁ ମଧ୍ୟ ଟ୍ରଫି ସହ ନଗଦ ୨୦,୦୦୦ ଟଙ୍କା ପ୍ରଦାନ କରା ଯାଇଥିଲା। ଏଥିରେ ଆୟୋଜକ କମିଟିର ସଭାପତି ଚିତ୍ତ ରଞ୍ଜନ ମେହେର, ଉପସଭାପତି ସଞ୍ଜୀବ ଭକ୍ତ, ସମ୍ପାଦକ ଅଜୟ ବାଗ, କୋଷାଧ୍ୟକ୍ଷ ଗିରିଶ ଚନ୍ଦ୍ର ମେହେର ପ୍ରମୁଖଙ୍କ ସମେତ ଆୟୋଜକ କମିଟିର ସମସ୍ତ ସଦସ୍ୟ ଉପସ୍ଥିତ ରହି ଖେଳ ପରିଚାଳନାରେ ସହଯୋଗ କରିଥିଲେ।

(ନୂଆପଡା ଜିଲ୍ଲାରୁ ପରମେଶ୍ୱର ମେହେର ରିପୋର୍ଟ)