20-Jan-2025

ବଲାଙ୍ଗିର(ପ୍ରେରଣା ଖବର):   ଐତିହ୍ଯ, ପରମ୍ପରା,ସାହିତ୍ୟ ଓ ସଂସ୍କୃତିର ମହାପର୍ବ ଲୋକ ଉତ୍ସବ ପାଇଁ ଆଜି ଉତ୍ସବମୁଖର ହୋଇଛି ବଲାଙ୍ଗିର ସହର l ଜିଲ୍ଲା ସଂସ୍କୃତି ପରିଷଦ ଓ ଲୋକ ଉତ୍ସବ ସମିତି, ବଲାଙ୍ଗିର ଆନୁକୂଲ୍ୟରେ ତଥା ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଓ ଓରମାସ(ପଲ୍ଲୀଶ୍ରୀ ମେଳା) ସହଯୋଗରେ ୪ ଦିନ ଧରି ଅନୁଷ୍ଠିତ ହେବାକୁ ଥିବା ଏହି ଉତ୍ସବର ପ୍ରଥମ ଦିନରେ ଆଜି ସକାଳ ୯ଟା  ସମୟରେ ମଞ୍ଚ ପୂଜା ୧୦ଟା ରେ ବଲାଙ୍ଗୀର କୋଶଳ କଳା ମଣ୍ଡଳ ପଡିଆ ଠାରୁ ବିଶାଳ ସାଂସ୍କୃତିକ ଶୋଭାଯାତ୍ରାରେ ବାହାରି ମାଁ ସମଲେଶ୍ବରୀ, ମାଁ ପଟନେଶ୍ବରୀ, ମାଁ ଦୂର୍ଗାଙ୍କ ମନ୍ଦିର ଦେଇ କୋସଲ କଳା ମଣ୍ଡଳ ପଡ଼ିଆରେ ପହଞ୍ଚିବ  l ଏଥିପାଇଁ କୋଶଳ କଳା ମଣ୍ଡଳ ପଡିଆ  ସମ୍ପୂର୍ଣ୍ଣ ପ୍ରସ୍ତୁତ ହୋଇ ସାରିଛି l ଏଥି ସହିତ ଅପରାହ୍ନ ୨ଟା ସମୟରେ କଳା ମଣ୍ଡଳ ପୁରୁଣା ମଞ୍ଚରେ ସମ୍ପାନ କମିଟି ତରଫରୁ ମିନିଗଳ୍ପ 

ଓ ବହୁଭାଷୀ କବିତା ପାଠୋତ୍ସବ ଅନୁଷ୍ଠିତ ହେବ l ସେମିନାର କମିଟି ତରଫରୁ ଅନୁଷ୍ଠିତ ଏହି ସାହିତ୍ୟ କାର୍ଯ୍ୟକ୍ରମରେ ନାରୀ କବୀ ଡ. ଜ୍ଯୋତିର୍ମୟୀ ସାହୁ ଅତିଥି ଭାବରେ ଯୋଗ ଦେବାକୁ ଥିବା ବେଳେ ବରିଷ୍ଠ କବି ପ୍ରହଲ୍ଲାଦ ସତପଥୀଙ୍କୁ ସମ୍ବର୍ଦ୍ଧିତ କରିବାର କାର୍ଯ୍ୟକ୍ରମ ରହିଛି l ସନ୍ଧ୍ୟା ୬ଟା ସମୟରେ ଉଦଘାଟନୀ ସଭା ଓ ବିବିଧ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ l ମେଘାଳୟର ଲାହୋ,ହରିୟାଣାର ଫାଗ,କଳାହାଣ୍ଡିର ସାନ୍ତାଳୀ ନୃତ୍ୟ,ମହାରାଷ୍ଟ୍ରର ଲlବଣୀ, ସୁନ୍ଦରଗଡର ଝୁମର, ଗଞ୍ଜାମର ଯୋଡି ଶଂଖ  ଓ ଭଦ୍ରକର ମୋଗଲ ତାମସା ଆଦି କାର୍ଯ୍ୟକ୍ରମ ଆଜିର ମୁଖ୍ୟ ଆକର୍ଷଣ ହେବ l ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ଲୋକ ଉତ୍ସବ ସମିତି ତରଫରୁ ଏକ ସ୍ମରଣିକା ପ୍ରକାଶିତ ପାଇବl  ସନ୍ଧ୍ୟାର  ବରେଣ୍ୟ ଅତିଥିଙ୍କ ଦ୍ଵାରା ଏହି ସ୍ମରଣିକା ଉନ୍ନୋଚିତ ହେବ l