17-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ କୁଣ୍ଡାଖାଇ ଠାରେ ଏକ ସମ୍ବର୍ଦ୍ଧନା ସମାରୋହ ଅୟୋଜିତ ହୋଇଛି। ସମ୍ବର୍ଦ୍ଧନା ସମାରୋହରେ ପ୍ରଧାନ ଶିକ୍ଷକ ଶ୍ରୀଯୁକ୍ତ ବଳରାମ ସାହାଣୀ ସଭାପତିତ୍ବ କରିଥିଲେ।  ମୂଖ୍ଯ ଅତିଥି ଶ୍ରୀମାନ ବ୍ଲକ ଶିକ୍ଷା ଅଧିକାରୀ ଶ୍ରୀଯୁକ୍ତ ରାମଲାଲ ବରିହା ଓ ସମ୍ମାନୀତ ଅତିଥି ତଥା ସରପଞ୍ଚ ଶ୍ରୀଯୁକ୍ତ ପୂର୍ଣ୍ଣଚନ୍ଦ୍ର ପଧାନଙ୍କର ଉପସ୍ଥିତି ଉତ୍ସବକୁ ଆହୁରୀ ଗୌରବାନ୍ବିତ କରିଥିଲା । ବିଦ୍ଯାଳୟ ପରିଚାଳନା କମିଟୀର ସଭାପତି ଶ୍ରୀମାନ ପୂର୍ଣ୍ଣଚନ୍ଦ୍ର ପଧାନଙ୍କ ବିଦ୍ଯାଳୟ ପ୍ରତି ନିରନ୍ତର ନିଃସ୍ବାର୍ଥ ସେବା ଓ ଉତ୍ସର୍ଗୀକୄତ ମନୋଭାବକୁ ଗୋଷ୍ଠୀ ଶିକ୍ଷା ଅଧିକାରୀ ଉଚ୍ଚ ପ୍ରସଂଶା  କରିଥିଲେ । ବିଦ୍ଯାଳୟର ଛାତ୍ର ଛାତ୍ରୀ ମାନଙ୍କର ପୂର୍ଣ୍ଣ ଗଣବେଶ, ପରିସ୍କାର ପରିଚ୍ଛନ୍ନତା,ଓ ଶୃଙ୍ଖଳିତ ବ୍ଯବହାର ଗୋଷ୍ଠୀ ଶିକ୍ଷା ଅଧିକାରୀଙ୍କ ମନକୁ ଆହ୍ଲାଦିତ କରିଥିଲା ।ଏହି ସମାରୋହରେ ତୄତୀୟ ଶ୍ରେଣୀ ବୄତ୍ତି ପରୀକ୍ଷାରେ କୃତକାର୍ଯ୍ୟ ହୋଇଥିବା ଡିଲେଶ୍ବର କୁମ୍ଭାର, ପ୍ରିନ୍ସ ପଧାନ ଓ ସମନ୍ବିତା ପଧାନଙ୍କୁ, ତଥା ପଞ୍ଚମ ଶ୍ରେଣୀ ବୄତ୍ତି ପରୀକ୍ଷାରେ କୃତକାର୍ଯ୍ୟ ହୋଇ ଥିବା ଆର୍ଯ୍ଯନ ବରଣ ରାୟ, ହେମାନନ୍ଦ ପଧାନ ଓ ବିଦ୍ଯାଞ୍ଜଳି ପଧାନଙ୍କୁ ସମ୍ବର୍ଦ୍ଧିତ କରାଯାଇ ଥିଲା ।ସମାରୋହରେ କିଚେନ ଗାଡେନ, ପରିବେଶ ଓ ପାଠ ପଢାରେ ସମସ୍ତ ଶିକ୍ଷକଙ୍କର ଅକ୍ଲାନ୍ତ ପରିଶ୍ରମର ଉଚ୍ଚ ପ୍ରଶଂସା କରାଯାଇଥିଲା, ଯାହାକି ଛାତ୍ର-ଛାତ୍ରୀ ମାନଙ୍କୁ ଅଧିକ ପ୍ରେରଣା ଦେବାରେ ସାହାଯ୍ୟ କରିଛି।ସମାରୋହରେ ଛାତ୍ର-ଛାତ୍ରୀଙ୍କର ଶିକ୍ଷାରେ ସଫଳତା ଏବଂ ସାମାଜିକ ଉନ୍ନତି ଦିଗରେ ପ୍ରମୁଖ ଆଲୋକପାତ କରାଯାଇଥିଲା, ଯାହା ଶିକ୍ଷା ପ୍ରତି ସହୃଦୟ ଜନସମାଜର ଦୃଷ୍ଟି ଆକର୍ଷଣ କରିଥିଲା। ସଭା ଶେଷରେ ବରିଷ୍ଠ  ଶିକ୍ଷକ ଶ୍ରୀଯୁକ୍ତ ଦେବନ୍ତ ପଣ୍ଡା ମହୋଦୟ ଧନ୍ଯବାଦ ଅର୍ପଣ କରିଥିଲେ ।