17-Jan-2025

ବଲାଙ୍ଗୀର ଲୋକଉତ୍ସବ ସମିତି ତରଫରୁ ବଲାଙ୍ଗୀର ଜିଲ୍ଲାପାଳ ତଥା ବଲାଙ୍ଗିର ଲୋକ ଉତ୍ସବ ସମିତି ଅଧ୍ୟକ୍ଷ ଗୌରୱ ଶିବାଜୀ ଇଶଲୱାର,  ଡି.ଆର.ଡି.ଏ ମୁଖ୍ୟ କାର୍ଯ୍ୟନିର୍ବାହୀ ପ୍ରଭାତ ମହାପାତ୍ର, ଜିଲ୍ଲା ସଂସ୍କୃତି ଅଧିକାରୀ ରଶ୍ମିରଞ୍ଜନ ମିଶ୍ର ଗତକାଲି ରାଜ୍ୟ ମୋହନ ଚରଣ ମାଝୀଙ୍କୁ ଭୁବନେଶ୍ବରରେ ସାକ୍ଷାତ କରି ଆସନ୍ତା ଜାନୁୟାରୀ ୨୦ ରୁ ୨୩ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଯାଉଥିବା 

ଦ୍ଵାବିଂଶତମ ବଲାଙ୍ଗୀର ଲୋକ ଉତ୍ସବରେ ମୁଖ୍ୟ ଅତିଥି ମର୍ଯ୍ୟାଦାରେ ଯୋଗ ଦେବକୁ ନିବେଦନ କରିଥିଲେ l ମୁଖ୍ଯମନ୍ତ୍ରଙ୍କ ସମେତ ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂହଦେଓ, ବଲାଙ୍ଗିର ସାଂସଦ ସଙ୍ଗୀତା ସିଂହଦେଓ, ରାଜ୍ୟ ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୂରଜ, ସ୍ୱାସ୍ଥ୍ୟଓ ପରିବାର କଲ୍ୟାଣ ବିଭାଗ ମନ୍ତ୍ରୀ ଡ.ମୁକେଶ ମହାଲିଙ୍ଗ ଓ ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାଏକ ପ୍ରମୁଖଙ୍କୁ ସାକ୍ଷାତ କରି ବଲାଙ୍ଗିରରେ ଅନୁଷ୍ଠିତ ହେବାକୁ ଥିବା ଲୋକଉତ୍ସବରେ ବରେଣ୍ୟ ଅତିଥି ଭାବରେ ଯୋଗ ଦେବାକୁ ସାଦର ନିମନ୍ତ୍ରଣ କରିଥିଲେ ଏହି ପ୍ରତିନିଧି ଦଳ।  

ପ୍ରାଶାସନିକ ଅଧିକାରୀଙ୍କ ସମେତ ବରିଷ୍ଠ ବିଜେପି ନେତା ତଥା ବଲାଙ୍ଗିର ଲୋକ ଉତ୍ସବ ଅଭ୍ୟର୍ଥନା କମିଟିର ଉପାଧ୍ୟକ୍ଷ ଗୋପଲଜୀ ପାଣିଗ୍ରାହୀ, ବଲାଙ୍ଗୀର ସାଂସଦଙ୍କ ପ୍ରତିନିଧି ଦିନେଶ ଶର୍ମା ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ l  କଳା ସଂସ୍କୃତିର ମାଟି ବଲାଙ୍ଗିରରେ  ଲୋକଉତ୍ସବ ଆୟୋଜନ ପରିପ୍ରେକ୍ଷୀରେ ଏହାର ସଫଳତା କାମନା କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ l