17-Jan-2025

(ମନୋରଞ୍ଜନ ତ୍ରିପାଠୀ )
ବୌଦ୍ଧ ଜିଲ୍ଲାର ମୁଖ୍ୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ମନମୁଣ୍ଡା ରେ ଆଜି ' କାୟାକଳ୍ପ '  କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଜନସାଧାରଣ ଙ୍କୁ ମନମୁଣ୍ଡା ସି ଏଚ୍ ସି ତରଫ ରୁ ସ୍ବାସ୍ଥ୍ୟ ସେବା କ୍ଷେତ୍ର ରେ କି  ପ୍ରକାର ସୁବିଧା ପ୍ରଦାନ କରାଯାଉଛି ତାହାର ବାହ୍ୟ ମୁଲ୍ୟାଙ୍କନ କରାଯାଇଛି। ମୂଲ୍ୟାଙ୍କନ ପାଇଁ ରାଜ୍ୟ ସ୍ତରରୁ ଡାକ୍ତର ସନ୍ତୋଷ କୁମାର ବେହେରା ( ଏଡି ଏସ ଏଚ ଏ ଏସ ), ଡାକ୍ତର ସୂର୍ଯ୍ୟ ପ୍ରକାଶ ( କଂଶଲ୍ଟାଣ୍ଟ, ଏ ଏଚ ୟୁ ଏନ୍ ଏଫ୍ ପି ଏ) ଏବଂ ସରୋଜ କୁମାର ପାଣିଗ୍ରାହୀ ( କଂସଲ୍ଟାଣ୍ଟ ଆର ଏ ଏମ ସି ଏ ଏଚ, ଏମ ଏନ୍ ଜି ଟି )ଏକ ତିନି ଜଣିଆ ଟିମ ଆଜି ଅପରାହ୍ନ ପ୍ରାୟ ୨ ଟା ସମୟ ରେ ପହଞ୍ଚିଥିଲେ। କଳସ ସ୍ଥାପନ କରି 'ସି ଏଚ ସି ' ଅଧ୍ୟକ୍ଷ ଡାକ୍ତର ମହେନ୍ଦ୍ର କୁମାର ସ? ସାଏ ଙ୍କ ନେତୃତ୍ୱରେ ରେ ଉକ୍ତ ଟିମ୍ ଅଧିକାରୀ ମାନଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ ପୂର୍ବକ ଭବ୍ୟ ସ୍ବାଗତ ସମ୍ବର୍ଦ୍ଧନା କରାଯାଇଥିଲା। ଉକ୍ତ ଟିମ୍ ପ୍ରଥମେ ' ସି ଏଚ ସି ' ପାଚେରୀ ବାହାର ପରିବେଶ, କାନ୍ଥ ଛବି ଇତ୍ୟାଦି ଦେଖିବା ସହ ପରିସର ଭିତର ର ସ୍ବଚ୍ଛତା, ସ୍ବାସ୍ଥ୍ୟ ଜନିତ ସଚେତନତା ବୋର୍ଡ, ହୋର୍ଡିଂ, କାନ୍ଥ ଛବି ଇତ୍ୟାଦି ଦେଖିଥିଲେ। ତାପରେ ସେମାନେ ଆଇ ପି ଡି, ଓ ପି ଡି, ଔଷଧ ବିତରଣ କେନ୍ଦ୍ର - ନିରାମୟ , ରକ୍ତ ପରୀକ୍ଷାଗାର, ଲେବର ରୁମ୍, ଷ୍ଟାଫ୍ ନର୍ସ ରୁମ୍ ଇତ୍ୟାଦି ପରିଦର୍ଶନ କରି ଥିଲେ। ସେଠାରେ ନିୟୋଜିତ ଅଧିକାରୀ ମାନଙ୍କୁ ବିଭିନ୍ନ ପ୍ରଶ୍ନ ପଚାରି ରେକର୍ଡ ସବୁ ଯାଞ୍ଚ କରିଥିଲେ। ଡାକ୍ତର, ଫାର୍ମାସିଷ୍ଟ, ଷ୍ଟାଫ୍ ନର୍ସ, ଚତୁର୍ଥ ଶ୍ରେଣୀ କର୍ମଚାରୀ ମାନଙ୍କୁ ସେମାନଙ୍କ ସେବା ଉପରେ ବିଭିନ୍ନ ପ୍ରଶ୍ନ କରି ଉତ୍ତମ ସେବା ଦେବାକୁ ପରାମର୍ଶ କରିଥିଲେ l  ୱାର୍ଡ ରେ ଥିବା ରୋଗୀ ମାନଙ୍କ ସହ ଆଲୋଚନା କରି ମାଗଣା ଔଷଧ, ସ୍ବାସ୍ଥ୍ୟ ସେବା କିପରି ମିଳୁଛି, ଡାକ୍ତର, କର୍ମଚାରୀ ମାନଙ୍କ ବ୍ୟବହାର ଇତ୍ୟାଦି ଅନେକ ବିଷୟ ଉପରେ ପଚାରି ବୁଝିଥିଲେ। ସେହିପରି ଉକ୍ତ ଟିମ୍ ବୋଟାନିକାଲ ଗାର୍ଡେନ, ଶୌଚାଳୟ ଇତ୍ୟାଦି ମଧ୍ୟ ବୁଲି ଦେଖିଥିଲେ। ସ୍ବାସ୍ଥ୍ୟ ଜନିତ ସେବା କୁ ପରଖି ଆତ୍ମ ସନ୍ତୋଷ ଲାଭ କରି ଥିବା ଉକ୍ତ ଟିମ୍ ଅଧିକାରୀମାନେ  ପ୍ରକାଶ କରିଛନ୍ତି l  ମୂଲ୍ୟାଙ୍କନ ପରିଦର୍ଶନ ବେଳେ ଉକ୍ତ ଟିମ୍ କୁ ସ୍ଥାନୀୟ ଡାକ୍ତର ମାନସ କୁମାର ତ୍ରିପାଠୀ, ଡାକ୍ତର ଦିବ୍ୟଜ୍ୟୋତି ବିଶ୍ଵାଳ, ଡାକ୍ତର ଅଙ୍କିତ ଆରୁଜିତ ପ୍ରଧାନ, ଡାକ୍ତର ଦେବଶ୍ରୀ ମହାନ୍ତି, ଡାକ୍ତର ବେଲାରାଣି ପ୍ରିୟଦର୍ଶିନୀ, ଡାକ୍ତର ଶୈଳବାଳା ବିନ୍ଧାଣି, ଡାକ୍ତର କଳ୍ପନା ମିଶ୍ର,  ଫାର୍ମାସିଷ୍ଟ ବେଦବ୍ୟାସ ଡାଙ୍ଗ, ୟୁ ନିଲାଞ୍ଚଲ୍ ପାତ୍ର, ଆଇ ସି ପି ଏଚ ୟୁ ଓ ସୁଦର୍ଶନ ପ୍ରଧାନ,  ବି ଏମ୍ ଏଲ ଦବ୍ଲୁ ହୃଷୀକେଶ ଭୋଇ, ଡି ବି ଡି ଟି ଏସ ମାନସ ପଟ୍ଟନାୟକ, ଏଲ ଏଆଚ ବି ଅର୍ଚ୍ଚନା କୁମାରୀ ଦାସ ମହାପାତ୍ର, ପ୍ରମୁଖ ସହଯୋଗ କରିଥିଲେ। ସଭା ଓ ସମସ୍ତ କାର୍ଯ୍ୟକ୍ରମ କୁ ବି ପି ଏମ ରାକେଶ କୁମାର ମହାପାତ୍ର  ସୂଚାରୁରୂପେ ପରିଚାଳନା କରିଥିଲେ।