17-Jan-2025

    ସମ୍ବଲପୁର :(ସଂଜୀବ ପାଣିଗ୍ରାହୀ)  - ଆଜି ବିଜେଡି ପକ୍ଷରୁ ସମ୍ବଲପୁର ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ବିକ୍ଷୋଭ ରେ ଉପସ୍ଥିତ ବିଜେଡି ନେତୃ ମଣ୍ଡଳୀ ପକ୍ଷରୁ ବିଜେପିର ଡବଲ ଇଞ୍ଜିନ ସରକାରକୁ ଆକ୍ଷେପ କରି ଅନେକ ଅଭିଯୋଗ କରାଯାଇଥିଲା । ଏହାଙ୍କୁ ନେଇ ବିଜେପି ପକ୍ଷରୁ ପୂର୍ବତନ ରେଙ୍ଗାଲୀ ବିଧାୟକ ତଥା ରାଜ୍ୟ ଉପସଭାପତି ନାଉରୀ ନାୟକ ପ୍ରତିକ୍ରିୟା ରେ କହିଛନ୍ତି ଯେ ବିଜେଡି ର ଅଭିଯୋଗ ଚିରାଚରିତ ଢଙ୍ଗରେ ମିଥ୍ୟାପୂର୍ଣ୍ଣ ଓ ଭିତ୍ତିହୀନ ।
  
   ବିଜେପି କ୍ଷେତ୍ରୀୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି ଙ୍କ ଦ୍ବାରା ଦେଇଥିବା ପ୍ରେସ ବିଜ୍ଞପ୍ତି ରେ ଶ୍ରୀ ନାୟକ କହିଛନ୍ତି ଯେ....
     
     ଦୀର୍ଘ ୨୪ ବର୍ଷ ଧରି ରାଜ୍ୟ ରେ ନିରଙ୍କୁଶ ଭାବେ ବିଜେଡି ସରକାର ରେ ରହିଥିଲା । ୨୪ ବର୍ଷ ର ଅପାରଗ, ସ୍ଥାଣୁ , ଦୁର୍ନୀତିଗ୍ରସ୍ତ , ଭ୍ରଷ୍ଟାଚାର ରେ ଲିପ୍ତ ବିଜେଡି ସରକାର କେବଳ ଓଡ଼ିଶାବାସୀ ଙ୍କୁ ମିଥ୍ୟା ପ୍ରତିଶ୍ରୁତି ଓ ପ୍ରତାରଣା ଦେଇଥିଲା ଓ ଲୁଣ୍ଠନ କରିଥିଲା । ୨୪ ବର୍ଷ ଧରି ଶ୍ରୀପୂର୍ଣ୍ଣ ରାଜ୍ୟ କୁ ଶ୍ରୀହୀନ କରି ଛାଡି ଦେଇଛି । ୨୪ ବର୍ଷ ରେ ଦେଇଥିବା କୌଣସି ପ୍ରତିଶ୍ରୁତି ପାଳନ କରି ନଥିବା ବିଜେଡି ଦଳର ନେତା ବିଜେପିର ପ୍ରତିଶୃତି କୁ ନେଇ ଆକ୍ଷେପ କରିବା ଯେତିକି ହାସ୍ୟାସ୍ପଦ ସେତିକି ନିନ୍ଦନୀୟ ।
     ରାଜ୍ୟରେ ମୋହନ୍ ମାଝୀ ଙ୍କ ନେତୃତ୍ୱ ରେ ଚାଲୁଥିବା ବିଜେପି ସରକାର ମାତ୍ର ୭ ମାସ ରେ ଗତ ନିର୍ବାଚନୀ ପ୍ରତିଶ୍ରୁତି କୁ ପ୍ରଥମ ଦିନ ରୁ ହିଁ ପାଳନ କରିବା ଆରମ୍ଭ କରି ଦେଇଛି । ସେ ସୁଭଦ୍ରା ଯୋଜନା ହେଉ କି ଚାଷୀ ଙ୍କୁ ଧାନ କ୍ୟୁଣ୍ଟାଲ୍ ପ୍ରତି ୩୧୦୦ ଟଙ୍କା ଦେବାର ହେଉ କିମ୍ବା ଆୟୁଷ୍ମାନ ଭାରତ ଯୋଜନା ହେଉ କି ରେଳ ରାସ୍ତା ର ବିକାଶ କଥା ହେଉ । ନିକଟରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ବିଭଗ ପକ୍ଷରୁ ପ୍ରଧାନମନ୍ତ୍ରୀ ଉଚ୍ଚତର ଶିକ୍ଷା ଅଭିଯାନ ଯୋଜନା ରେ ରାଜ୍ୟ କୁ ମିଳିଥିବା ୬୭୬.୭ କୋଟି ର ଅନୁଦାନ, ରେଳ ମନ୍ତ୍ରୀ ଅଶ୍ଵିନୀ ବୈଷ୍ଣବ ଙ୍କ ଦ୍ବାରା ଘୋଷଣା ହୋଇଥିବା ବିଭିନ୍ନ ରେଳ ପ୍ରକଳ୍ପ ଏହା ସହିତ ସମସ୍ତ୍ ସରକାରି ବିଭାଗ ପାଇଁ ଆସୁଥିବା କେନ୍ଦ୍ରୀୟ ଅନୁଦାନ ଆଗମୀ ଦିନରେ ରାଜ୍ୟ କୁ ଆହୁରି ଗତିଶୀଳ ଓ ବିକଶିତ କରିବ । ରାଜ୍ୟ ରେ ଡିଜି ସମ୍ମିଳନୀ, ନୌସେନା ଦିବସ, ପ୍ରବାସୀ ଭାରତ ଦିବସ ଭଳି କାର୍ଯ୍ୟକ୍ରମ ମାନେ ରାଷ୍ଟ୍ରୀୟ ଓ ଅର୍ନ୍ତରାଷ୍ଟ୍ରୀୟ ସ୍ତରରେ ଓଡ଼ିଶା ର ସମ୍ମାନ କୁ ବହୁଗୁଣିତ କରିଛି । ଡବଲ ଇଞ୍ଜିନ ସରକାର ରେ ରାଜ୍ୟ ର ବିକାଶ ଓ ରାଜ୍ୟବସୀ ଙ୍କ ସାମାଜିକ ଆର୍ଥିକ ଜୀବନ ରେ ପରିବର୍ତ୍ତନ ପରିଲକ୍ଷିତ ହେବାକୁ ବସିଲାଣି । ଏହାକୁ ଦେଖି ବିଜେଡି ଯେତିକି ଭୟଭୀତ ସେତିକି ଇର୍ଷାନ୍ଵିତ୍ ହୋଇ ଯାଇଛି ।
     ବିଜେଡି ସରକାର୍ ୨୪ ବର୍ଷ ରେ କେବଳ କେନ୍ଦ୍ରୀୟ ଯୋଜନା ର ନାମ ପରିବର୍ତ୍ତନ କରି କେନ୍ଦ୍ରୀୟ ଅନୁଦାନ କୁ ହରିଲୁଟ କରୁଥିଲା । ବିଜେଡି ସରକାର ସମୟରେ ବିକାଶ କେବଳ ବିଜ୍ଞାପନ ରେ ସୀମିତ ଥିଲା ଏବଂ ରାଜ୍ୟ ର ଅସାଧୁ ସରକାରୀ କର୍ମଚାରୀ ଅଧିକାରୀ ଓ ବିଜେଡି ନେତା ମନ୍ତ୍ରୀ ଙ୍କ ର ହିଁ ବିକାଶ ହୋଇଥିଲା । ୨୦୧୬ ରେ ସୋହେଲା ଚାଷୀ ସମାବେଶ ରେ ଧାନ କ୍ୟୁଣ୍ଟାଲ୍ ପ୍ରତି ୧୦୦ ଟଙ୍କା ବୋନସ ଭଳି ସାମାନ୍ୟ ପ୍ରତିଶ୍ରୁତି କୁ ୨୦୨୪ ଯାଏଁ ପୂରଣ କରି ପାରି ନଥିବା ପୂର୍ବତନ ବିଜେଡି ସରକାର୍ ନେତା କେଉଁ ମୁଁହ ରେ ପ୍ରତିଶ୍ରୁତି ର କଥା କହୁଛନ୍ତି । ରାଜ୍ୟବାସୀ ଙ୍କୁ ପ୍ରକୃତ ବିକାଶ ଠୁଁ ଦୂରେଇ ରଖିଥିବା ବିଜେଡି ସରକାର୍ ର ଅପାରଗ ତଡ଼ାଖିଆ ମନ୍ତ୍ରୀ ଆଜି ଆମକୁ ବିକାଶ ର ଜ୍ଞାନ ଓ ପ୍ରତିଶ୍ରୁତି ପାଳନ ର ଶିକ୍ଷା ଦେଉଛନ୍ତି ।
    *ବିଜେଡି ର ଏଭଳୀ ମୂଲ୍ୟହୀନ ଓ ଭିତ୍ତିହୀନ ଅଭିଯୋଗ କୁ ନେଇ ନେଇ ଶ୍ରୀ ନାୟକ କହିଛନ୍ତି ଯେ "ଯେଭଳି ଶ୍ରାବଣ ମାସ ରେ ଅନ୍ଧ ହୋଇଥିବା ବ୍ୟକ୍ତି କୁ ସବୁ ସବୁଜ ଦିଶେ ଠିକ ସେହି ଭଳି ମିଥ୍ୟା ଓ ଫମ୍ପା ବିକାଶ କରିଥିବା ପୂର୍ବବର୍ତ୍ତୀ ସରକାର୍ ର ନେତା ଙ୍କୁ ଆମର ପ୍ରକୃତ, ଗଠାନତ୍ମକ ଓ ସକାରାତ୍ମକ ବିକାଶ ଦିଶୁ ନାହିଁ ।"*