14-Jan-2025

ବଲାଙ୍ଗୀର(ପ୍ରେରଣା ଖବର): ସୋମବାର ଦିନ ରାଜ୍ୟ ଉଚ୍ଚଶିକ୍ଷା, ଭାଷା,ସାହିତ୍ୟ,ସଂସ୍କୃତି, କ୍ରୀଡା ଓ ଯୁବବ୍ୟାପାର ମନ୍ତ୍ରୀ ସୂର୍ଯ୍ୟବଂଶୀ ସୂରଜ ବଲାଙ୍ଗୀର ପିଆର ହାଇସ୍କୁଲ ଇଣ୍ଡୋର ବେଡମିଣ୍ଟନ ଷ୍ଟାଡିୟମକୁ ପରିଦର୍ଶନ କରିଛନ୍ତି ।

ସକାଳ ୧୦ଟା ସମୟରେ ସେ ସର୍କିଟ ହାଉସରୁ ବାହାରି ପ୍ରଥମେ ସମଲେଶ୍ୱରୀ ମନ୍ଦିର ଓ ପାଟଣେଶ୍ୱରୀ ମନ୍ଦିର ଦର୍ଶନକରି ଗାନ୍ଧୀନଗରପଡାଠାରେ ଥିବା ଇଣ୍ଡୋର ଷ୍ଟାଡିୟମରେ ପହଞ୍ଚିଥିଲେ । ସେଠାରେ ଜିଲ୍ଲା ବେଡମିଣ୍ଟନ ଏସୋସିଏନ ପକ୍ଷରୁ ତାଙ୍କୁ ସ୍ୱାଗତ କରାଯାଇଥିଲା । ଷ୍ଟାଡିୟମରେ ମନ୍ତ୍ରୀଙ୍କ ସହିତ ଜିଲ୍ଲା ବେଡିମିଣ୍ଟନ ଏସୋସିଏସନ କର୍ମକର୍ତ୍ତା ଷ୍ଟାଡିୟମର ବିଭିନ୍ନ ସମସ୍ୟା ବିଷୟରେ ଆଲୋଚନା କରିଥିଲେ । ଗତ ୨୦୨୨ ମସିହାରେ ଗେଲସହାୟତାରେ ନିର୍ମିତ ଏହି ଇଣ୍ଡୋର ଷ୍ଟାଡିୟମକୁ ତତକାଳିନ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉଦଘାଟନ କରିଥିଲେ । ଏହା ପରେ ପ୍ରଶାସନର ସହାୟତାରେ ପିଆର ହାଇସ୍କୁଲ ପକ୍ଷରୁ ଏହାର ପାରିଚାଳନା କରାଯାଇ ଆସୁଛି । ତେବେ ଗେଲ କମ୍ପାନୀ ଷ୍ଟାଡିୟମରେ ସୋଲାରପ୍ଲେଟ ବସାଇଥିଲେ ହେଁ ପରେ ତାହାର ବ୍ୟାଟେରୀ ତଥା ଅନ୍ୟାନ୍ୟ ଆନୁଷଙ୍ଗିକ ବ୍ୟବସ୍ଥା ନକରିବାରୁ ଏପର୍ଯ୍ୟନ୍ତ ସୋଲାର ଲାଇଟ ଲାଗିପାରୁନଥିବା ବିଷୟରେ ମନ୍ତ୍ରୀଙ୍କୁ ଅବଗତ କରାଯାଇଥିଲା । ଏହା ବାଦ ଏହି କ୍ୟାମ୍ପସରେ ଏକ ସ୍ୱିମିଂପୁଲ, ଜିମ, ହଷ୍ଟେଲ, ରନ୍ଧାଘର ଇତ୍ୟାଦି ନିର୍ମାଣ କରିବାକୁ ପ୍ରସ୍ତାବ ଦିଆଯାଇଥିଲା। ଏହି ସମସ୍ୟାଗୁଡିକର ସମାଧାନ କରିବା, କ୍ରୀଡାବିଭାଗ ପକ୍ଷରୁ ଅଧିକ ଷ୍ଟାଫ ଦିଆଯିବା ତଥା ଆହୁରି ଭିତ୍ତିଭୂମୀ ନିର୍ମାଣ କରି ଆଗକୁ ଇଷ୍ଟଜୋନ ଟୁର୍ଣ୍ଣାମେଣ୍ଟ ପାଇଁ ସହଯୋଗ କରିବେ ବୋଲି ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ପ୍ରତିଶୃତି ଦେଇଥିଲେ। ଆଜି ମନ୍ତ୍ରୀଙ୍କ ଏହି ପରିଦର୍ଶନ ସମୟରେ ଜିଲ୍ଲା ବେଡମିଣ୍ଟନ ଏସୋସିଏସନର ସୁରୁଲାଲ ମଟାରୀ, ମାନସ ମହାନ୍ତି, ଘନଶ୍ୟାମ ମିଶ୍ର, ଅନନ୍ତ ବେହେରା, କହ୍ନେ୍ଲୟା ଲାଲ, ରୋଶନ ଜୈନ, ସୁରେନ୍ଦ୍ର ନେପାଳ, ଆଦିତ୍ୟ ମହାପାତ୍ର ,ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ପ୍ରମୁଖ ଉପସ୍ଥିତ ରହି ସମସ୍ୟା ବିଷୟରେ ଅବଗତ କରିଥିଲେ । ଠିକ ସେହିପରି ମନ୍ତ୍ରୀଙ୍କ ସହ ବିଜେପିର ଜିଲ୍ଲାସଭାପତି ଶିବାଜୀ ମହାନ୍ତି, ବରିଷ୍ଠନେତା ଗୋପାଳଜୀ ପାଣିଗ୍ରାହୀ, ଯୁବମୋର୍ଚ୍ଚା ସଭାପତି ଅମରଜିତ ପଟେଲ,ପ୍ରମୋଦ ସାହୁ, ସୁରେନ୍ଦ୍ର ପଣ୍ଡା ପ୍ରମୁଖଙ୍କ ସହ ଶତାଧିକ କାର୍ଯ୍ୟକର୍ତ୍ତା ଉପସ୍ଥିତ ରହି ସହଯୋଗ କରିଥିଲେ ।