11-Jan-2025

ବୌଦ୍ଧ(ଦେବବ୍ରତ ଦାଶଙ୍କ ରିପୋର୍ଟ): ଶୀତରେ ନିଆଁ ତାପିବା ହେଲା କାଳ। ପାଳଗଦାରେ ଲାଗିଲା ନିଆଁ । ନିଆଁରେ ଜୀବନ୍ତ ଦଗ୍ଧ ହୋଇଗଲେ ମାମୁଁ ଭଣଜା। ବାଉଁଶୁଣି ଥାନା ଅନ୍ତର୍ଗତ ବଲାକିରା ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା। ମୃତ ମାମୁଁ ହେଲେ ବଲାକୀରା ଗ୍ରାମର ସୁବଳ ଭୋଇଙ୍କ ପୁଅ କ୍ରୀଷ୍ଣା ଭୋଇ , ଭଣଜା ହେଲେ ବସନ୍ତବାହଲ ଗ୍ରାମର ସଂଜିତ ଉର୍ମାଙ୍କ ପୁଅ କ୍ରିଷ୍ଣ। ଊର୍ମା । ଉଭୟଙ୍କୁ ଗୁରୁତର ଅବସ୍ଥାରେ ଆମ୍ବୁଲାନ୍ସ ଯୋଗେ ବାଉଁଶୁଣୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଉଭୟ ମାମୁଁ ଭଣଜାଙ୍କ ନାମ କ୍ରିଷ୍ଣ। । ସୂଚନାମୁତାବକ ଆଜି ଭଣଜା ବସନ୍ତ ବାହଲ ଗ୍ରାମର ସଂଜିତ ଉର୍ମାଙ୍କ ପୁଅ କ୍ରିଷ୍ଣ। ଊର୍ମା ନିଜ ମାମୁ ଘର ବଲାକିରା ଗ୍ରାମର ସୁବଳ ଭୋଇଙ୍କ ପୁଅ କ୍ରୀଷ୍ଣା ଭୋଇଙ୍କ ଘରକୁ ବୁଲିବା ପାଇଁ ଆସିଥିଲେ । ମାମୁଁଙ୍କ ବୟସ ୮ବର୍ଷ ଓ ଭଣଜା ୫ବର୍ଷ ବୟସ । ସନ୍ଧ୍ୟା ସମୟରେ ମାମୁଁ ଭଣଜା ଉଭୟ ଶୀତ ହେବାରୁ ନିଆଁ ତାପି ହେବା ପାଇଁ ଏକ ବଡ଼ ପାଳଗଦାରେ ନିଆଁ ଲଗାଇ ଦେଇଥିଲେ। ନିଆଁ ଜୋର ଜଳିବାରୁ ଦୁଇ ଶିଶୁ ଡରି ଯାଇ ସେହି ପାଳଗଦା ପଛରେ ଲୁଚି ଯାଇଥିଲେ । ପରେ ନିଆଁ ପୁରା ପାଳଗଦାରେ ଲାଗିଯାଇଥିଲା। ଆଉ ସେ ନିଆଁର ଆଁରେ ମାମୁଁ ଭଣଜା ଜୀବନ୍ତ ଦଗ୍ଧ ହୋଇଯାଇଥିଲେ। ପରେ ପାଟି ଶୁଣି ପରିବାର ଲୋକ ଆସି ନିଆଁକୁ ଆୟତ୍ତ କରି ଦୁହେଁ ଙ୍କୁ ବାଉଁଶୁଣୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଘଟଣାସ୍ଥଳରେ ବାଉଁଶୁଣୀ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅନ୍ୟପଟେ କ୍ରୀଷ୍ଣା  ମାମୁଁ ଭଣଜାଙ୍କ ଏଭଳି ଅଭାନୀୟ ମୃତ୍ୟୁକୁ ନେଇ ସାରା ଅଂଚଳରେ ଏକ ଶୋକର ମହୋଲ ସୃଷ୍ଟି ହୋଇଛି ।