11-Jan-2025

ତରଭା(କପିଳାସ ସେଠ) ଶିକ୍ଷକ ନିଯୁକ୍ତି ଦାବୀ ନେଇ ବାଲିଖମାର ଉଚ୍ଚପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ ରାସ୍ତାରେ ଧାରଣାରେ ବସିଲେ I ଦାବୀ ଆଗରେ ବ୍ଲକ ଶିକ୍ଷା ପ୍ରଶାସନ ହାର ମାନିଲା; ଶିକ୍ଷକ ନିଯୁକ୍ତି ପରେ ଧାରଣା ହଟିଲେ I ରାଜ୍ୟ ସରକାର ଶିକ୍ଷା ବ୍ୟବସ୍ଥା ସୁଧାର ପାଇଁ କୋଟିକୋଟି ଟଙ୍କା ଯୋଜନା କାର୍ଯ୍ୟ କାରି କରୁଛନ୍ତି I ହେଲେ ଶିକ୍ଷାର ଉନ୍ନତି ପାଇଁ ଶିକ୍ଷକ ନିଯୁକ୍ତି ଦିଆଯାଉ ନାହିଁ ଯାହା ଫଳରେ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ହେବା ସହ ରାସ୍ତାରେ ଛାତ୍ରଛାତ୍ରୀ I  ଗ୍ରାମବାସୀଙ୍କ ବିଭିନ୍ନ ସମୟରେ ଶିକ୍ଷକ ନିଯୁକ୍ତି ଦାବୀ ନେଇ ବାରମ୍ବାର ଅଭିଯୋଗ ପରେ ମଧ୍ଯସମସ୍ୟାର ସାମଧାନ ହେଲା ନାହିଁ । ଶେଷରେ ଗ୍ରାମବାସୀ ସ୍କୁଲରେ ତାଲା ମାରି ରାସ୍ତାରେ ବସିଲେ ଛାତ୍ରଛାତ୍ରୀ, ଅଭିଭାବକ, ଅଭିଭାବିକା ଓ ସମିତି ସଭ୍ୟ I ତରଭା ବ୍ଲକ୍ ବାଲିଖମାର ଉଚ୍ଚ ପ୍ରାଥମିକ ବିଦ୍ୟାଳୟ ଗତ  ୧୮୬୨ ମସିହାରେ ସ୍ଥାପନ କରାଯାଇଥିଲା।  ୧୬୨ ବର୍ଷର ପୁରୁଣା ସ୍କୁଲ୍ ଆଜି ଅବହେଳିତ ଅବସ୍ଥାରେ ସ୍କୁଲ୍‌ରେ ଶିକ୍ଷା ବ୍ୟବସ୍ଥା ସମ୍ପୂର୍ଣ୍ଣ ଭୁଶୁଡ଼ିପଡ଼ିଛି। ଶିକ୍ଷକ ଅଭାବ ଯୋଗୁଁ  ଛାତ୍ରଛାତ୍ରୀଙ୍କ ଭବିଷ୍ୟତ ଅନ୍ଧାର ମଧ୍ୟକୁ ଠେଲି ଦେଉଛୁ ବ୍ଲକ ଶିକ୍ଷା ପ୍ରଶାସନ ବୋଲି  ଅଭିଯୋଗ ହୋଇଛି।  ବିଦ୍ୟାଳୟ ରେ  ପ୍ରଥମରୁ ଅଷ୍ଟମ ପର୍ଯ୍ୟନ୍ତ ଶ୍ରେଣୀରେ ୧୧୧ ଜଣ ଛାତ୍ରଛାତ୍ରୀ ଅଛନ୍ତି I  ଏମାନଙ୍କୁ ଶିକ୍ଷା ଦାନ ଦେବା ପାଇଁ ମାତ୍ର  ୨ ଜଣଶିକ୍ଷକ ଅଛନ୍ତି I ପ୍ରକାଶ ଥାଉ କିଗତ  ଜାନୁୟାରୀ ୩୧ ରେ ୨୦୨୪ ଜଣେ ଶିକ୍ଷକ ଙ୍କ ଅବସର ଗ୍ରହଣ କରିବା ପରେ ସ୍କୁଲ ରେ ଶିକ୍ଷାଦାନ ପାଇଁ କେବଳ ଦୁଇ ଜଣ ଶିକ୍ଷକ ରହିଲେ l ଫଳରେ ତାଙ୍କ ସ୍ଥାନଖାଳି ରହିବା ସହ ୮ ଶ୍ରେଣୀ ପାଇଁ ୨ ଜଣ ଶିକ୍ଷକଶିକ୍ଷା ଦାନ ପାଇଁ  ରହିଲେ l ତେବେ ଗ୍ରାମବାସୀ ଓ ଅଭିଭାବକଙ୍କ ଅଭିଯୋଗ ଅନୁସାରେ ଦୁଇ ଜଣ ଶିକ୍ଷକ କେମିତି ୮ଟି ଶ୍ରେଣୀର ପିଲାଙ୍କୁ ପାଠ ପଢ଼ାଇବୋ ତେଣୁ ଆଉ  ଶିକ୍ଷକଙ୍କୁ ନିଯୁକ୍ତ କରିବାକୁ ସେମାନେ ଦାବି ଆସୁ ଥିଲେ । ଏ ନେଇ ଅଭିଯୋଗହେଉ ଥିଲେ ମଧ୍ୟ୍ୟ  ଆଜି ପର୍ଯ୍ୟନ୍ତ କୌଣସି ପଦକ୍ଷେପ ନେଇନଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରି ଛନ୍ତି । ଆଉ ୩ ଜଣ ଶିକ୍ଷକ ଦେବା ପାଇଁ ଅଭିଭାବକ ତଥା ସ୍କୁଲ ପରିଚାଳନା କମିଟି ସଦସ୍ୟ, ଗ୍ରାମବାସୀ ଦାବିକରି ଶୁକ୍ରବାର  ସ୍କୁଲ ଗେଟ ରେ ତାଲା ମାରି ଧାରଣା ଦେଇଥିଲେ l ସି ଆର ସି ସି ରୋହିତ କୁଆଁର ଖବର ପାଇ ଆସି ଧାରଣା କାରି ଙ୍କୁ ବୁଝା ସୁଝା କରିଥିଲେ ମଧ୍ୟ ଆନ୍ଦୋଳନ କାରି ନିଜ ଜିଦ ରେ ଅଟଳ ରହିଥିଲେ l ଖବର ପାଇ ତରଭା ଗୋଷ୍ଠୀ ଶିକ୍ଷା ଅଧିକାରୀ ନାରାୟଣ ମିଶ୍ର, ଏ ବି ଇ ଓ ସତ୍ୟନାରାୟଣ ମହାପାତ୍ର, ସି ଆର ସି ସି ରୋହିତ କୁଆଁର ଓ ଜୟନ୍ତ ମେହେର ଧାରଣାସ୍ଥଳରେ ପହଂଚି ଆନ୍ଦୋଳନକାରିଙ୍କୁ ବୁଝାସୁଝା କରିବା ସହ  ରାଏକେଡ଼ା ଉଚ୍ଚପ୍ରାଥମିକ ବିଦ୍ୟାଳୟର ଶିକ୍ଷକ ଭୁବନେଶ୍ୱର କରଣଙ୍କୁ ବାଲିଖମାର ସ୍କୁଲକୁ ବଦଳି  ଆଦେଶ ଦେବl ସହ  ଆଉ ଜଣେ ଶିକ୍ଷକଙ୍କୁ ୧୫ ଦିନ ଭିତରେ ଦିଆ ଯିବ ବୋଲି ବି ଇ ଓ ଶ୍ରୀ ମିଶ୍ର ପ୍ରତିଶୃତି ଦେବା ପରେ ଧାରଣା ପ୍ରତ୍ୟାହାର ହୋଇଥିଲା lଏହି ଧାରଣା ସ୍ଥାନୀୟ ଗ୍ରାମପଞ୍ଚାୟତ ରସମିତି ସଭ୍ୟ ମୁଜଲେମିନ ମହମ୍ମଦ, ପରିଚାଳନା କମିଟି ସଭାପତି ସିରିପ ରଣା,ପଦ୍ମଲୋଚନ ରଣା, ତ୍ରିଲୋଚନ ରଣା, ଉତ୍ତରା ରଣା ସେହେରା ବିବି, ଜାମ୍ବବତୀ ପୋଡ଼, ମମତା ଭୋଇ, ସରିଫ ଖାନ, ରଶ୍ମିତା ସାହୁ , ନରେନ୍ଦ୍ର ସାହୁ, ଟଙ୍କଧର ଭୋଇ, ହେମ ରଣା, ସରୋଜ ଷଢଙ୍ଗୀଙ୍କ ସମେତ ଅଭିଭାବକ, ଅଭିଭାବିକା, ଗ୍ରାମବାସୀ ଧାରଣାରେ ସାମିଲ ଥିଲେ l