11-Jan-2025

କୁଚିଣ୍ଡା; ସମ୍ବଲପୁର ଜିଲ୍ଲା କୁଚିଣ୍ଡା ମହାବିଦ୍ୟାଳୟ ଜାତୀୟ ସେବା ଯୋଜନା, ଜାତୀୟ ସମର ବାହିନୀ, ଯୁବ ରେଡକ୍ରସର ମିଳିତ ଆନୁକୁଲ୍ୟରେ ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ ପାଳିତ ହୋଇଯାଇଛି । ଏହି ଅବସରରେ ଅଧ୍ୟକ୍ଷା ସୁଚିତ୍ରା ମିଶ୍ର ଯୋଗ ଦେଇ ସଡ଼କ ନିରାପତ୍ତା ସମ୍ପର୍କ ରେ ଆହ୍ବାନ ଦେଇ ଥିଲେ । ଯୁକ୍ତ ୨ ଓ ଯୁକ୍ତ ୩ ବିଭାଗରୁ ବହୁ ସଂଖ୍ୟାରେ ଛାତ୍ରଛାତ୍ରୀ ଯୋଗଦେଇ ଏକ ବିଶାଳ ରାଲିରେ ବାହାରିଥିଲେ । ଯୁକ୍ତ- ୩ ଜାତୀୟ ସେବା ଯୋଜନା ସୁଶ୍ରୀ ବେଲମତି କୁମୁରା, ଯୁବରେଡକ୍ରସ୍ ଅଧିକାରୀ ଭିକାରୀ ଓରାମ, ଦିବ୍ୟ ନାଗ, ଏନସିସି ଅଧିକାରୀ ରୋସନ କୁଲୁ , ଇଂରାଜୀ ବିଭାଗ ଅଧ୍ୟାପିକା ଜାଗୃତି ବାଗଙ୍କ ତତ୍ତ୍ଵାବଧାନରେ ରାଲି କଲେଜ ପରିସରରୁ  ବାହାରି ସହର ପରିକ୍ରମା କରିଥିଲା। କାର୍ଯ୍ୟକ୍ରମ ରେ କୁଚିଣ୍ଡା ଥାନା ଅଧିକାରୀଙ୍କ ସମେତ ପୋଲିସ କର୍ମଚାରୀ ମାନେ ଉପସ୍ଥିତ ରହି ଶାନ୍ତି, ଶୃଙ୍ଖଳା ରକ୍ଷା କରିଥିଲେ ।

ଅଧ୍ୟାପକ କିରଣ ମହାପାତ୍ର, ସୁଧାଂଶୁ ମହାପାତ୍ର, ମନୋଜ ଜେନା, କାହ୍ନୁ ଚରଣ ମୁନ୍ନା, ମହାଦେବ ମେହେର, ଅଧ୍ୟାପିକା ସଂଜୁଶ୍ରୀ ସାହୁ, ଯୁକ୍ତ ଦୁଇ NSS ଅଧିକାରିଣୀ ଖୁର୍ସିଦହାରା ବେଗମ୍, ମୁଖ୍ୟ କିରାଣୀ ମାନସ ନାୟକ ଉପସ୍ଥିତ ରହିଥିଲେ । ସ୍ୱେଚ୍ଛାସେବୀ ମଧ୍ୟରେ ସିଲୁ ସୁନାନୀ, ରାକ୍ଷୀ ଅର୍କ, ତନୁ ବେହେରା, ଧରଣୀ, ଅଞ୍ଜଳି ପ୍ରମୁଖ ସହଯୋଗ କରିଥିଲେ ।
(ସମ୍ବଲପୁର କୁଚିଣ୍ଡାରୁ ସିଲୁ ସୁନାନୀ ଙ୍କ ରିପୋର୍ଟ)