09-Jan-2025

ବଲାଙ୍ଗୀର (ପ୍ରେରଣା ଖବର): କୌଣସି ପୃଷ୍ଠପୋଷକତା ବିନା ଏହିଭଳି ଏକ ନାଟ୍ୟ ମହୋତ୍ସବ ଆୟୋଜନ କରିବା ନିଶ୍ଚିତ ଭାବେ କଷ୍ଟକର | ସରକାରୀ ପ୍ରୋତ୍ସାହନ ବିନା ଏହା ଆହୁରି କଷ୍ଟସାଧ୍ୟ ହୁଏ | ଆମ ଅଞ୍ଚଳରେ ଥିବା ଦର୍ଶନୀୟ ସ୍ଥାନମାନଙ୍କରେ ସାଂସ୍କୃତିକ କାର୍ଯ୍ୟକ୍ରମ ହେଲେ ଆମ ଅଞ୍ଚଳର କଳା, ସଂସ୍କୃତି ଓ ପର୍ଯ୍ୟଟନର ଉନ୍ନତି ହେବ | ଆମ ଏହି ମହୋତ୍ସବକୁ ମଧ୍ୟ ସରକାରୀ ପ୍ରୋତ୍ସାହନ ପୂର୍ଣ୍ଣ ରୂପରେ ମିଳୁ ତାହାହେଲେ ଏହା ଦୀର୍ଘାୟୁ ହେବ | ଭୀମପାହାଡ଼, ହରିଶଙ୍କର ଓ ରାଣିପୁର ଝରିଏଲ ରେ ମଧ୍ୟ ଏହିପରି ମହୋତ୍ସବ ଆୟୋଜିତ ହେଲେ ଏହି ଅଞ୍ଚଳ ଉପକୃତ ହେବ ବୋଲି ଦୃଢ଼ୋକ୍ତି ପ୍ରକାଶ କରିଛନ୍ତି ମଠ ଖାଇ ମହୋତ୍ସବର ଅଧ୍ୟକ୍ଷ

ନରସିଂହ ମିଶ୍ର l

  ଜାନୁୟାରୀ ୫ ତାରିଖରୁ ଭୂମିକା ଅନୁଷ୍ଠାନ ତରଫରୁ ସ୍ଥାନୀୟ କୋଶଳ କଳା ମଣ୍ଡଳ ପଡିଆରେ ଚାଲିଥିବା ସର୍ବଭାରତୀୟ ବହୁଭାଷୀ ନାଟ୍ୟ ସମାରୋହର ଆଜି ଉଦଯାପନୀ ଦିବସ l ଭୂମିକା ଅନୁଷ୍ଠାନ ର ସମସ୍ତ ସଦସ୍ୟ/ସଦସ୍ୟା ଓ ଅଗଣିତ ନାଟ୍ଯ ପ୍ରେମୀ ମାନଙ୍କ ନିଷ୍ଠା ଏବଂ ସହଯୋଗ ବଳରେ ଏହି ମହୋତ୍ସବ ଶାନ୍ତିଶୃଙ୍ଖଳା ଓ  ସଫଳତାର ସହ ଅନୁଷ୍ଠିତ ହୋଇଯାଇଛି l ମଠଖାଇ ମହୋତ୍ସବର ଉଦଯାପନୀ ସନ୍ଧ୍ୟାରେ  ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଅଧ୍ୟକ୍ଷ ଶିକ୍ଷାବିତ୍ ପ୍ରଫେସର ଶିବପ୍ରସାଦ ନନ୍ଦ ଯୋଗଦେଇ ନିଜର ବକ୍ତବ୍ୟରେ  ମହୋତ୍ସବ ମାଧ୍ୟମରେ ସାମାଜିକ ଚେତନା ସୃଷ୍ଟି କରିବାର ଭୂମିକା ଅନୁଷ୍ଠାନର  ପ୍ରୟାସକୁ ଶୁଭେଚ୍ଛା ଜଣାଇଥିଲେ |  ସମ୍ମାନିତ ଅତିଥି ଭାବେ ନାଟ୍ୟ ନିର୍ଦ୍ଦେଶକ ଅରୂପ ଜେନା ଯୋଗ  ଦେଇ ନିଜ ବକ୍ତବ୍ୟରେ  କଳାକାର ଓ କଳା ବଞ୍ଚିଛି କିନ୍ତୁ ମଞ୍ଚର ଅଭାବ ଅନେକ ରହିଛି ବୋଲିକହିଥିଲେ | ଏହି ମହୋତ୍ସବ ନିଶ୍ଚୟ ଏହାର ଅଭାବ ଦୂର କରିବ | ଦୈନନ୍ଦିନ

ସମାଜରେ ଯାହା ହୁଏ ନାଟକ ମାଧ୍ୟମରେ ତାହା ପ୍ରଦର୍ଶିତ ହୁଏ | ଏହି ଜଗତ ଯଦି ଏକ ନାଟକର ମଞ୍ଚ ତାହାହେଲେ ଆମେମାନେ ତାର କଳାକାର | ମଠଖାଇ ତାର ୧୧୬ ତମ ମହୋତ୍ସବ ପାଳନ କରୁ ବୋଲି ଶ୍ରୀ ଜେନା ଶୁଭକାମନା କରିଥିଲେ  l ଏହି ମହୋତ୍ସବ ବାଲାଙ୍ଗୀରର ସମସ୍ତଙ୍କୁ ଏକାକାର କରିବାରେ ସମର୍ଥ ହୋଇଛି ବୋଲି ମତପ୍ରକାଶ ପାଇଥିଲା | 'ଭୂମିକା' ର ସଭ୍ୟ ସିରିଶ ଚନ୍ଦ୍ର ହୋତା ଙ୍କ ସଭାପତିତ୍ବରେ ଅନୁଷ୍ଠିତ ଉଦଯାପନୀ ଦିବସରେ ଭୂମିକାର ସମ୍ପାଦକ ରାଜୀବ ଲୋଚନ ଆଚାର୍ଯ୍ୟ ପ୍ରାରମ୍ଭିକ ଭାଷଣ ଦେଇଥିଲେ   l ଏହି ଅବସରରେ ନାଟ୍ୟ କଳାକାର ମୀନା ବୋଷଙ୍କୁ ମଠଖାଇ ସମ୍ମାନ ପ୍ରଦାନ କରାଯାଇଥିଲା l  ଭୂମିକାର ସଭ୍ୟ ତଥା ସାମ୍ବାଦିକ ମୁକେଶ ବହିଦାର ମାନପତ୍ର ପଠନ କରିଥିଲେ  l  ସଭା ପରେ ପରେ ଦେଖଣାହାରୀ ଙ୍କ ମନୋରଞ୍ଜନ ପାଇଁ ପୁଇଁତଳା ବ୍ଲକ ଘାଙ୍ଗୁରୁ କଳା ପରିଷଦ ଦ୍ଵାରା କୁଟି ଡାଲଖାଇ ନୃତ୍ୟ ପରିବେଷିତ ହୋଇଥିଲା l ସରକାରୀ ବାଳିକା ବିଦ୍ୟାଳୟ ଓ ପୃଥ୍ଵୀରାଜ ଉଚ୍ଚ ବିଦ୍ୟାଳୟର ଛାତ୍ର ଛାତ୍ରୀଙ୍କୁ କ୍ଷୁଦ୍ର ନାଟକ ପରିବେଷଣ ପାଇଁ ସମ୍ବର୍ଦ୍ଧିତ କରାଯାଇଥିଲା l
  l ପରେ ପରେ ଲଳିନୀ ନିହାର ନାୟକଙ୍କ   ନିର୍ଦ୍ଦେଶନାରେ ତଥା ପ୍ରଫେସର ବିଜୟ ସତପଥୀଙ୍କ ଲିଖିତ ଓଡ଼ିଆ  ନାଟକ  'କାରାଗାରର କାହାଣୀ'  ମଞ୍ଚସ୍ଥ ହୋଇଥିଲା  l