09-Jan-2025

 ସୋନପୁର:  ଡିଗ୍ରୀ କଲେଜର ପ୍ରବାସୀ ଭାରତୀୟ ଦିବସ ପାଇଁ ସଭା ଓ ପଦଯାତ୍ରା ଅନୁଷ୍ଠିତ ହୋଇଛି । ଅଧ୍ୟକ୍ଷ ଅନିଲ ପ୍ରଧାନଙ୍କ ଅଧ୍ୟକ୍ଷତାରେ ୧୩୧ ଜଣ ଛାତ୍ରଛାତ୍ରୀ କଲେଜରୁ ଧମା ଗ୍ରାମ ପର୍ଯ୍ୟନ୍ତ ପ୍ରବାସୀ ଭାରତୀୟ ସ୍ଲୋଗାନ ଦେଇ ପରିଭ୍ରମଣ କରିଥିଲେ । ପ୍ରବାସୀ ଭାରତୀୟମାନେ କିପରି ଦେଶର ଐତିହ୍ୟ, ସଂସ୍କୃତି, ପରମ୍ପରା ରକ୍ଷାକରି ଆନ୍ତର୍ଜାତୀୟ ସ୍ତରରେ

ଭାରତର ସ୍ଥିତିକୁ ସୁଦୃଢ଼ କରିଛନ୍ତି ତାହା କଲେଜର ଅଧ୍ୟାପକ- ଅଧ୍ୟାପିକାମାନେ ମତବ୍ୟକ୍ତ କରିଛନ୍ତି । ଏହି ଅବସରରେ କଲେଜରେ ବକ୍ତୃତା ଓ ପ୍ରବନ୍ଧ ପ୍ରତିଯୋଗିତା ହୋଇଥିଲା । ଏହି ପଦଯାତ୍ରାରେ ସଂସାର ପ୍ରଧାନ, ବଳଦେବ ମହାକୁର, ସଂଜୟ କୁମାର ସାହୁ, ଲମ୍ବୋଦର ପାଢ଼ୀ, ସୁଦୀପ୍ତା ଦାସ, ଅମ୍ରିତା ପଟ୍ଟନାୟକ, ତନ୍ମୟା ବେହେରା, ସୁନୀତା ସେଠ୍, ମନିଷା ବେହେରା, ଏକାଦଶିଆ ଦଲେଇ, ଦିଲୀପ ଗୁରୁ, ଯଦୁମଣି ସାହୁ, ଚିନ୍ମୟ ପାଣିଗ୍ରାହୀ, ରତନ ଲୁହୁରା ପ୍ରମୁଖ ଅଂଶଗ୍ରହଣ କରିଥିଲେ । ଶେଷରେ କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା ।