09-Jan-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ଟିଟିଲାଗଡ ବ୍ଲକ ଅନ୍ତର୍ଗତ କୁରସୁଡ ଗ୍ରାମ ପଞ୍ଚାୟତ ପରିସରରେ ସରପଞ୍ଚ ସଙ୍ଗିତା ବେହେରାଙ୍କ ସଭାପତିତ୍ବ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି। କୁରସୁଡ ଗ୍ରାମ ପଞ୍ଚାୟତ ଟିଟିଲାଗଡ ବ୍ଲକର ସବୁଠାରୁ ବଡ ଗ୍ରାମ ପଞ୍ଚାୟତ ହୋଇ ଥିବା ବେଳେ ଏହାର ଜନସଂଖ୍ୟା  ବହୁତ ରହିଛି । ଜିଲା ମହକୁମା ଠାରୁ ୧୧୦ କିଲୋମିଟର ରହିଥିବା ବେଳେ ଟିଟିଲାଗଡ ବ୍ଲକ ଠାରୁ ୩୫ କିଲୋମିଟର ରହିଛି। ଏଣୁ ଲୋକେ ବହୁତ ହଇରାଣ ହେଉଥିବା ମତ ପ୍ରକାଶ ପାଇଥିଲା। ଏହି ଗ୍ରାମ ପଞ୍ଚାୟତକୁ ଲାଗିରହିଥିବା ଟିଟିଲାଗଡ ବ୍ଲକର ଦିଗସିରା, କୁସକେଲା, ସିଲୁଆଁ, ପରାସରା,  ଅଦାବାହାଲ ଓ ବଙ୍ଗୋମୁଣ୍ଡା ବ୍ଲକର ଜାମଖୁଣ୍ଟା, ଗନ୍ଧର୍ଲା,  ଚାନ୍ଦୋତରା,  ଭରଷାଗୁଡା ଗ୍ରାମକୁ ନେଇ ନୂତନ ବ୍ଲକ ଗଠନ ପାଇଁ ଆଲୋଚନା ହୋଇ ଥିଲା। ଆବାହକ ତଥା ସମିତିସଭ୍ଯ ଜୟପ୍ରସାଦ ନାଏକଙ୍କ ଉପସ୍ଥିତରେ ନୂତନ ବ୍ଲକ ଗଠନ ପାଇଁ ଏକ କମିଟି ଗଠିତ ହୋଇ ଯାଇଛି।  ସଭାପତି ଭାବେ ସଙ୍ଗିତା ବେହେରା ମନୋନୀତ ହୋଇ ଥିବା ବେଳେ ପୂର୍ବତନ ସରପଞ୍ଚ ମହେନ୍ଦ୍ର ମାଝୀ, ବରିଷ୍ଠ ନେତା ମୁକେଶ ଜୈନ, ପୂର୍ବତନ ଜିଲ୍ଲାପରିଷଦ ସଭ୍ଯ ତରଣୀ ସାହୁ (ସଞ୍ଜୀବ) ବିଷ୍ଣୁ ବାଗ,  ସନ୍ତୋଷ ସାହୁ, ଶାନ୍ତନୁ ପାଢୀ, ସୁନୀଲ ପଟ୍ଟନାୟକ, ସାମ୍ବାଦିକ ମନୋଜ ଜୈନ,  ଯୋଗେନ୍ଦ୍ର ବେହେରା, ଶ୍ୟାମ ମହାନନ୍ଦ, ଦୁଷ୍ମନ୍ତ ନାଏକ,  ସୁରେନ୍ଦ୍ର ସାହୁ, ଫକିର ଥଫା, ଉମେଶ ମହାନନ୍ଦ, ରୁଦ୍ର ସାହୁ, ଟୁନା ବେହେରା, ସୁଭ୍ରାଂଶୁ ଦାସ, ଅମୟ ପାଢି, ପୁରୁଷୋତ୍ତମ ବାଗ, ନାରାୟଣ ବାଗ ଆଦି ସଭ୍ଯ ରହିଥିଲେ। ନୂତନ ବ୍ଲକ ଗଠନ ପାଇଁ ମୁଖ୍ୟମନ୍ତ୍ରୀ, ରାଜସ୍ବ ମନ୍ତ୍ରୀ, ବଲାଙ୍ଗୀର ସାଂସଦ, ଟିଟିଲାଗଡ ବିଧାୟକ, ଜିଲାପାଳ, ଉପଜିଲ୍ଲାପାଳ, ତହସିଲଦାର, ରାଜସ୍ବ ନିରୀକ୍ଷକଙ୍କୁ ଭେଟିବା ସହ ଦାବୀପତ୍ର ପ୍ରଦାନ କରିବା ପାଇଁ ନିଷ୍ପତ୍ତି ନିଆଯାଇ ଥିଲା।