08-Jan-2025

ଯାଜପୁର/ବରୀ(ରଞ୍ଜିତ ମହାନ୍ତି): ବର୍ଷା ପାଇଁ ବନ୍ଦ ହୋଇ ଯାଇଥିବା ଯଯାତି କେଶରୀ ସ୍ମାରକୀ ରାଜ୍ୟ ସ୍ତରୀୟ ଦିବାରାତ୍ର ଭଲିବଲ ପ୍ରତିଯୋଗିତା ଚଳିତ ୧୮ ତାରିଖରେ ଅନୁଷ୍ଠିତ ହେବ । ବରୀ ବ୍ଲକ ଧାରପୁର କଚେରୀ ପଡ଼ିଆ ଠାରେ ଅନୁଷ୍ଠିତ ହେବାକୁ ଥ‌ିବା ଏହି ପ୍ରତିଯୋଗିତା କିଟ୍ ଭୁବନେଶ୍ୱର, କେଏସଆର ସର୍ଭିସର ପାରାଦ୍ବୀପ, ଏପି ସିକ୍ସର ବାଲେଶ୍ୱର, ଖୋର୍ଦ୍ଧା ରେଳବାଇ ଖୋର୍ଦ୍ଧା ଭଳି ରାଜ୍ୟ ତଥା ଜାତୀୟ  ଖେଳିଥ‌ିବା ଦଳ ଏଠାରେ ମ୍ୟାଚ୍ ଖେଳିବେ ବୋଲି ଗଣମାଧ୍ୟମ ସମ୍ମିଳନୀ ଜରିଆରେ ଆୟୋଜକ
ଯୁବ ସମାଜସେବୀ ସଞ୍ଜିବ ଜେନା ପ୍ରକାଶ କରିଛନ୍ତି। କଚେରୀ ପଡ଼ିଆ ଟୁର୍ଣ୍ଣାମେଣ୍ଟ ସ୍ଥାନରେ ଅନୁଷ୍ଠିତ ଏହି ଗଣମାଧ୍ଯମ ମାଧ୍ଯମ ସମ୍ମିଳନୀରେ ସଞ୍ଜୀବଙ୍କ ନାମରେ ଗଢା ହୋଇଥିବା । ସଞ୍ଜୀବ ସେନାର କର୍ମୀମାନଙ୍କ ସହ ମ୍ୟାଚ୍ ପରିଚାଳକ କ୍ରୀଡ଼ାବିତ୍ ଅମିୟ କୁମାର ପରିଡ଼ା, ଉଦ୍‌ଘୋଷକ ରବୀନ୍ଦ୍ର ନାରାୟଣ ଜେନା, ପୂର୍ବତନ ସମବାୟ ସଭାପତି ସରୋଜ ଜେନା,ନରେନ୍ଦ୍ର ସାହୁ, ଅଶୋକ ପଣ୍ଡା, ମନୋଜ ମହାପାତ୍ର ପ୍ରମୁଖ ଉପସ୍ଥିତ ଥିଲେ। ଦୀର୍ଘ ଦିନ ତଳେ ଧାରପୁର ଅଞ୍ଚଳ ଭଲି ବଲ ଖେଳରେ ସମଗ୍ର ଜିଲାରେ ଏକ ସ୍ଵତନ୍ତ୍ର ପରିଚୟ ସୃଷ୍ଟି କରିଥିବାରୁ ଫି ବଗତ କ୍ରୀଡ଼ାବିତ୍ ଯଯାତି କେଶରୀଙ୍କ ନାମରେ ଏହି ଖେଳ ଉତ୍ସର୍ଗ କରି ଭଲି ବଲ ଖେଳକୁ ପୁନର୍ଜୀବିତ କରାଯାଉଥିବାରୁ ଗ୍ରାମବାସୀମାନେ ଆନନ୍ଦ ପ୍ରକଟ କରିଛନ୍ତି।