-+91-9937148622 |
prerana_bgr@rediffmail.com |
Saturday 7th March 2026 |
R.N.I. Regd No. ODIODI/2010/46693
Breaking News
06-Jan-2025
ବରଗଡ଼(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଝାରବନ୍ଧ ବ୍ଲକର ବିଭିନ୍ନ ମଣ୍ଡି ବ୍ୟବସ୍ଥା ସମ୍ପୂର୍ଣ୍ଣ ଭାବେ ବେପାରୀ, ମିଲ ଏଜେଣ୍ଟଙ୍କ ମର୍ଜିରେ ଚାଲିଛି l ପ୍ରସାଶନର ଅପାରଗ ପଣିଆ ଯୋଗୁଁ ମଣ୍ଡି ବ୍ୟବସ୍ଥା ପ୍ରହସନରେ ପରିଣତ ହେଇଥିବା ଅଭିଯୋଗ ହୋଇଛି l ଧାନ କିଣା ନଭେମ୍ବର ୨୦ ତାରିଖରୁ ଖୋଲା ଯାଇ ଧାନ କିଣା ଆରମ୍ଭ ହୋଇଛି l ମାତ୍ର ପରିସ୍ଥିତି ଦେଖିଲେ ଧାନ କିଣା ପ୍ରକ୍ରିୟା ପ୍ରସାଶନ ଦ୍ୱାରା ନୁହେଁ ବରଂ ବେପାରୀ ଏବଂ ମିଲ ଏଜେଣ୍ଟଙ୍କ ମର୍ଜି ରେ ଚାଲିଥିବା ଜଣାପଡୁଛି। ଧାନ କ୍ରୟ ନୀତି ଅନୁସାରେ ଚାଷୀ ମଣ୍ଡିକୁ ଧାନ ଆଣି ଗାଡି ରୁ ଓଲ୍ହାଇବା ପରେ ଆର. ଏମ.ସି ଏହାର ମାନ ଯାଞ୍ଚ କରିବ ଧାନ ଯଦି ଏଫ. ଏ.କ୍ଯୁ ମାନର ବାହାରିବ କ୍ରୟ ଦାୟିତ୍ୱରେ ଥିବା ସଂସ୍ଥା ଧାନ କିଣିବ ନ ହେଲେ ଧାନକୁ ଚାଷୀ ଫେରାଇନେବ।ମାତ୍ର ଡ଼ଭା ସେବା ସମବାୟ ଅଧୀନ ରେ ଥିବା ଛୋଟ ଅନକି ପଞ୍ଚାୟତର ଛୋଟଅନକି ମଣ୍ଡିରେ ଏହି ନିୟମ ଲାଗୁ ହେଉ ନାହିଁ। ଏଠାରେ ବେପାରୀ ଏବଂ ମିଲ ଏଜେଣ୍ଟର ନିୟମ ଅନୁଯାୟୀ ଧାନ କିଣା ହେଉଅଛି l ମଣ୍ଡିକୁ ଧାନ ଆସିଲେ,ଏହାର ମାନ ଯାଞ୍ଚ ହେଉନାହିଁ ବେପାରୀ ଏବଂ ମିଲ ର ଏଜେଣ୍ଟ ସାଜିଥିବା ଚାଷୀ ସହିତ ମୁଲଚାଲ କରି ଧାନକୁ ସିଧା ସଳଖ ମିଲକୁ ପଠାଇ ଦେଉଛନ୍ତି l ଏଠାରେ ସେମାନଙ୍କ ମୋହରା ସାଜିଛନ୍ତି କ୍ରୟ ସଂସ୍ଥା।ଏହି ବେଆଇନ କାମକୁ ବିରୋଧ କରିବା ପରିଵର୍ତ୍ତେ ଏହାକୁ ଖୋଲାଖୋଲି ସମର୍ଥନ କରି ବେପାରୀ ଚୟନ କରିଥିବା ଧାନକୁ ନିଜ ଖାତାରେ ଏଣ୍ଟ୍ରି କରି ଧାନକୁ କିଣି ମିଲକୁ ପଠାଇ ଦେଉଛନ୍ତି। ଏଠାରେ ସବୁଠାରୁ କୌତୁହଳ ର ବିଷୟ ହେଲା ଯେଉଁ ଧାନକୁ ଚାଷୀ ଆଣିଲେ ଏଫ ଏ କ୍ଯୁ ମାନର ହେଉନାହିଁ ସେହି ଧାନକୁ ବେପାରୀ, ମିଲ ଏଜେଣ୍ଟ କିଣିଲେ ସେହି ମଣ୍ଡିରେ ହିଁ ସଙ୍ଗେ ସଙ୍ଗେ ଏଫ ଏ କ୍ଯୁ ମାନର ହୋଇଯାଉଛି। ସେହି ଧାନକୁ କ୍ରୟ ସଂସ୍ଥା କିଣି ନେଉଛି। ଏହା ବ୍ୟତୀତ ମଣ୍ଡିକୁ ଧାନ ଆଣିବା ପାଇଁ ଶେଷ ସମୟ ଦିନ ୧୨ଟା ପର୍ଯ୍ୟନ୍ତ ରଖଯାଇଥିବା ବେଳେ ଗାଡି ଗୁଡିକୁ ମନଇଚ୍ଛା ଭାବେ ମଣ୍ଡି ରେ ପ୍ରବେଶ ପାଇଁ ଅନୁମତି ଦିଆଯାଉଛି। ଏତେ ସବୁ ଅନିୟମିତତା ଭିତରେ ଧାନ କିଣା ଚାଲୁଥିବା ବେଳେ ପ୍ରସାଶନ ନୀରବଦ୍ରଷ୍ଟା ସାଜିଥିବା ଅଭିଯୋଗ ହେଉଛି। ପ୍ରସାଶନର ଏହି ଅପାରଗ ପଣିଆ ଯୋଗୁଁ ଚାଷୀ ଶୋଷଣର ଶିକାର ହେଉଛନ୍ତି।ମଣ୍ଡିରେ ହିଁ ବେପାରୀ ଏବଂ ମିଲ ଏଜେଣ୍ଟ ଚାଷୀ ସହିତ ମୁଲଚାଲ କରି କୁଇଣ୍ଟାଲ ପ୍ରତି ୫କେଜିରୁ ଅଧିକ କଟନୀ ଛଟନୀ କରୁଛନ୍ତି। ମଣ୍ଡି ରେ ମିଲର ଏଜେଣ୍ଟ ର କିଛି କାମ ନାହିଁ ଧାନ ର ମାନ ଆର ଏମ ସି ଯାଞ୍ଚ କରିବ ଏବଂ ଧାନକୁ କ୍ରୟ ସଂସ୍ଥା କିଣିବ ତଥାପି ମିଲ ର ଏଜେଣ୍ଟ ବେପାରୀକୁ ମଣ୍ଡିରେ ପ୍ରବେଶ ପାଇଁ କାହିଁକି ଅନୁମତି ଦିଆଯାଉଛି ତାକୁ ନେଇ ଚାଷୀ ମହଲରେ ଅସନ୍ତୋଷ ପ୍ରକାଶ ପାଉଛି। ତେବେ ଧାନ କିଣାକୁ ସୁବ୍ୟବସ୍ଥିତ କରି ଚାଷୀ ଙ୍କୁ ଶୋଷଣ ରୁ ରକ୍ଷା କରିବା ପାଇଁ ଦାବି ହେଉଛି। ଏଇ ନିକଟରେ ଛୋଟଅନକି ମଣ୍ଡିରେ ଚାଷୀ ଏବଂ ମିଲ ଏଜେଣ୍ଟ ଙ୍କ ମଧ୍ୟ୍ୟ ରେ କଟନୀ ଛଟନୀକୁ ନେଇ ତୁ ତୁ ମେ ମେ ହୋଇଥିଲା ଏହି ଭିଡିଓ ମୋବାଇଲରୁ ମୋବାଇଲକୁ ଘୁରି ବୁଲୁଛି। ଏଥି ପ୍ରତି ପ୍ରଶାସନ ଦୃଷ୍ଟି ଦେବେ କି ?