29-Dec-2024

ଚାନ୍ଦୋଳ:(ନିରଞ୍ଜନ ତ୍ରିପାଠୀ)-କେନ୍ଦ୍ରାପଡା ଜିଲ୍ଲା ଡେରାବିଶ ବ୍ଲକ ଅନ୍ତର୍ଗତ ଦୋହଳୀ କେଶରପୁର ବନମାଳୀ ବ୍ରହ୍ମଚାରୀ ହାଇସ୍କୁଲର ୧୯୮୩ ମସିହାରେ ପାଠ ପଢି ରାଜ୍ୟ ତଥା ରାଜ୍ୟ ବାହାରେ କାର୍ଯ୍ୟରତ ଥିବା ସମସ୍ତ ବଂଧୁ ବାନ୍ଧବ ତଥା ସ୍ଥାନୀୟ ବଂଧୁ ମାନଙ୍କୁ ନେଇ ଏକ ବଂଧୁ ମିଳନ ଉତ୍ସବ ମହାସମାରୋହରେ ପାଳିତ ହୋଇଯାଇଛି। ଏଅବସରରେ ହାଇସ୍କୁଲ ପରିସରରେ ଏକ ସୁନ୍ଦର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ପରସ୍ପର ମଧ୍ୟରେ ଅଭୁଲା ସ୍ମୃତିକୁ ମନେ ପକାଇବା ସହ ସ୍ନେହ ଶ୍ରଦ୍ଧା,ପ୍ରେମ ସହ ସୁଖ ଦୁଃଖ ଆଦାନ ପ୍ରଦାନ କରିବା ଦେଖିବାକୁ ମିଳିଥିଲା। ଏକ୍ରମରେ ସମସ୍ତ ବନ୍ଧୁ ଏକତା ସୂତ୍ରରେ ବାନ୍ଧି ହୋଇ ରହିବାକୁ ଶପଥ ନେଇଥିଲେ। ଆସନ୍ତା ୨୦୨୫ ବର୍ଷକୁ ନେଇ ଏକ ଖସଡ଼ା ପ୍ରସ୍ତୁତି କରାଯାଇଛି।ପ୍ରଥମ ପ୍ରସ୍ତାବ ଆଗାମୀବର୍ଷରେ ଗୁରୁପୂଜା ଅର୍ଥାତ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ସମ୍ପର୍ଦ୍ଧିତ କରାଯିବ।ଏହି କାର୍ଯ୍ୟକ୍ରମରେ ସଭ୍ୟା ଓ ସଭ୍ୟା ସପତ୍ନୀଙ୍କ ସାମିଲ ପାଇଁ ପ୍ରସ୍ତାବ ଆଗତ କରାଯାଇଛି।

ଏହାକୁ ନେଇ ଏକ କମିଟି ଚୁଡାନ୍ତ ଋପରେଖ ପ୍ରସ୍ତୃତି ପାଇଁ ପ୍ରସ୍ତାବ ରଖାଯାଇଛି,ଆଗତୁରା ବନ୍ଧୁ ମିଳନ -୨୦୨୫ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହେବ, ପ୍ରତିବର୍ଷ ଡିସେମ୍ବର ଶେଷ ସପ୍ତାହର ରବିବାର ଦିବସରେ ବନ୍ଧୁ ମିଳନ ଉତ୍ସବର ଆୟୋଜନ ହେବାକୁ ସର୍ବସମ୍ମତି କ୍ରମେ ପ୍ରସ୍ତାବ ଗୃହୀତ ହୋଇଛି।ପରେ ଏକ କୋର କମିଟି ଗଠନ ହୋଇଥିଲା।କୋର କମିଟିରେ ସର୍ବଶ୍ରୀ ଅଜୟ ପ୍ରଧାନ,ସତ୍ୟ ସ୍ୱାଇଁ,ଯଜାତୀ କେଶରୀ ଭଦ୍ର, ପ୍ରମୋଦ କୁମାର ସ୍ୱାଇଁ ଏବଂ ଶ୍ରୀମତୀ ଅବନୀ ପ୍ରଭା ପଣ୍ଡା। ଆସନ୍ତା ଡ଼ିସେମ୍ବର ୨୦୨୫ରେ ଗୁରୁ ସମ୍ବର୍ଦ୍ଧନାର ସମସ୍ତ କାର୍ଯ୍ୟ ତ୍ୱରାନ୍ୱିତ ପାଇଁ ଅଜୟ ଦାସ,ଅଜୟ ପ୍ରଧାନ, ରାଜୀବ ପଣ୍ଡା,ସତ୍ୟନାରାୟଣ ସ୍ୱାଇଁ, କିଶୋର ବେହେରା,ଯଜାତୀ କିଶୋରୀ ଭଦ୍ର, ଜୟନ୍ତ ନାୟକ, ହେମନ୍ତ ସାହୁଙ୍କୁ ଦାୟିତ୍ଵ ପ୍ରଦାନ କରିବା ସହ ଗାଁ ଅନୁସାରେ ସଭ୍ୟ ସଭ୍ୟା ସଂଗ୍ରହ ଏବଂ ଫୋନ ନମ୍ବର ସହ ସଂଗ୍ରହ କରିବେ ବୋଲି ଉପସ୍ଥିତ ସମସ୍ତ ସଭ୍ୟ ସଭ୍ୟା ଗୁରୁଦାୟିତ୍ଵ ପ୍ରଦାନ କରିଥିବା ଜଣାପଡିଛି। ଏହି ବନ୍ଧୁ ମିଳନ ଉତ୍ସବରେ ସମୁଦାୟ ୬୦ ଜଣ ଅଂଶଗ୍ରହଣ କରିଥିଲେ।