25-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ସ୍ଥିତ ସ୍ୱୟଂ ସହାୟକ ଭବନ ଠାରେ ଓଡିଶା ଶ୍ରମିକ ସମବାୟ ସମିତି ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଯାଇଛି । ସମବାୟ ସମିତି ବିଜେପୁରର ବିଜ୍ଞାପିତ ଅଞ୍ଚଳ ପରିଷଦର ଶାଖା ପରିଚାଳକ ଶ୍ରୀମାନ ଦିନବନ୍ଧୁ ଦେହେରୀଙ୍କ ଅଧ୍ୟକ୍ଷତାରେ ଏକ ଭବ୍ୟ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏଅବସରରେ ମୁଖ୍ୟ ଅତିଥି ଭାବେ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀମାନ ପ୍ରହଲ୍ଲାଦ ମେହେର  ଯୋଗଦାନ କରିଥିଲେ।ସେ ବର୍ତ୍ତମାନ ବରଗଡ,ସୁବର୍ଣ୍ଣପୁର,ବଲାଙ୍ଗୀର ଏବଂ ନୂଆପଡା ଜିଲ୍ଲାର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଭାବେ କାର୍ଯ୍ୟରତ ଥିବା ବେଳେ,ସମ୍ମାନୀତ ଅତିଥି ଭାବେ ବରଗଡ ଜିଲ୍ଲା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀମାନ ପ୍ରଦୀପ ନନ୍ଦ ଯୋଗଦାନ କରିଥିଲେ। ବିଜେପୁର ଶାଖା ପରିଚାଳକ ଚନ୍ଦ୍ରଶେଖର ସାହୁ ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ। ଏ ପରିପ୍ରେକ୍ଷୀରେ ମଞ୍ଚାସୀନ ଅତିଥିଙ୍କ ସମେତ ବିଜ୍ଞାପିତ ଅଞ୍ଚଳ ପରିଷଦର ଦାୟିତ୍ଵ ଥିବା ସଂଯୋଜିକା ଶ୍ରୀମତୀ କ୍ରୀଷ୍ଣା ସାବତଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା । ଗରିବ ଶ୍ରେଣୀର ଶ୍ରମିକମାନେ କିପରି ସମିତିରୁ ସହଯୋଗ ନେଇ ଆର୍ଥିକ ସ୍ଥିତିକୁ ସୁଦୃଢ଼ କରିପାରିବେ ଏବଂ ଗ୍ରାମାଞ୍ଚଳ ଓ ସହରାଞ୍ଚଳର ବେକାର ଯୁବକ ଯୁବତୀ କର୍ମସଂସ୍ଥାନ ପାଇ ନିଜେ ଆତ୍ମନିର୍ଭରଶୀଳ  ହୋଇପାରିବେ ସେ ସମ୍ପର୍କରେ ସି.ଇ.ଓ ଶ୍ରୀମାନ ମେହେର ମତବ୍ୟକ୍ତ କରିଥିଲେ। ଅଞ୍ଚଳ ବିକାଶ ଦିଗରେ ଯତ୍ନଶୀଳ ହୋଇ ସମସ୍ତେ ଏଥିରେ କିପରି ସାମିଲ ହୋଇ ପାରିବେ ସେ ସମ୍ପର୍କରେ ସି.ଇ.ଓ ଶ୍ରୀମାନ ନନ୍ଦ ବୁଝାଇଥିଲେ । ବିଜେପୁର ବ୍ଲକ ତଥା ବିଜ୍ଞାପିତ ଅଞ୍ଚଳ ପରିଷଦର ସମସ୍ତ ଫିଲ୍ଡ ଏକଜ୍ୟୁକୁଟିଭ ଅଫିସର,ଏ.ବି.ଏମ,ପି.ଇ.ଓ ଏବଂ ଶତାଧିକ ସ୍ୱୟଂ ସହାୟକ ଗୋଷ୍ଠୀର ସଭ୍ୟା ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିବା ବେଳେ, ବିଜେପୁର ବିଜ୍ଞାପିତ ଅଞ୍ଚଳ ପରିଷଦର ଏ.ବି.ଏମ ଶ୍ରୀମାନ ପ୍ରେମଚାନ୍ଦ ମେହେର ଧନ୍ୟବାଦ ଜ୍ଞାପନ କରିଥିଲେ