24-Dec-2024

 ଅତାବିରା (ଆକାଶ ମିଶ୍ର ) ଅତାବିରା ବ୍ଳକ ନୂଆଁ ଖଇରପାଲି ସ୍ଥିତ କୋଶଳ ସ୍କୁଲର ବାର୍ଷିକ ଉତ୍ସବ-୨୦୨୪ ମହାସମାରୋହରେ ପାଳିତ ହୋଇଯାଇଛି।ଅତିଥିଙ୍କ ଦ୍ୱାରା ବିଘ୍ନରାଜ ଗଣେଶ ଓ ବାଗ୍ଦେବୀ ସରସ୍ଵତୀ ଙ୍କ ଫଟୋ ଚିତ୍ରରେ ଦୀପ ପ୍ରଜ୍ଜ୍ଵଳନ କରି ସ୍କୁଲ ନିର୍ଦ୍ଦେଶିକା ନଳିନୀ ପଟ୍ଟନାୟକଙ୍କ ସଭାପତିତ୍ୱରେ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା। ଗୋପାଲି ଚାଟାର୍ଜୀ  ଅତିଥି ପରିଚୟ ପ୍ରଦାନ ଓ  ମଞ୍ଚ ପରିଚାଳନା କରିଥିଲେ। ପରିଚାଳନା କମିଟିର  ଉପ ସଭାପତି ପି ରାମାରାଓ ମୁଖ୍ୟ ଅତିଥି ଭାବରେ ଯୋଗ ଦେଇ ଛାତ୍ରଛାତ୍ରୀଙ୍କ ସାମଗ୍ରିକ ବିକାଶ ଦୃଷ୍ଟି ଦେବାକୁ ଦିଗ ଦର୍ଶନ ଦେଇଥିଲେ।ସ୍କୁଲ ଅଧ୍ୟକ୍ଷ ରବୀନ୍ଦ୍ର ନାଥ ବେହେରା ବାର୍ଷିକ ବିବରଣୀ ପ୍ରଦାନ କରିଥିଲେ।। ଏହି ଅବସରରେ  ବିଜ୍ଞାନ କ୍ଷେତ୍ରରେ ୨୪ ଜଣ, ମେଧା ଅନ୍ୱେଷଣ ରେ ତୃତୀୟ ଶ୍ରେଣୀ ରୁ  ଏକାଦଶ ଶ୍ରେଣୀ ପର୍ଯ୍ୟନ୍ତ ୨୮ ଜଣ, ସାମାଜିକ ବିଜ୍ଞାନ ରେ ୨୬ ଜଣ, ଭାଷା

ସାହିତ୍ୟରେ ୧୭ ଜଣ ପ୍ରତିଭା ବାନ ଛାତ୍ର ଛାତ୍ରୀଙ୍କୁ ପୁରସ୍କୃତ  କରାଯାଇଥିଲା।ଏହା ବ୍ୟତୀତ ଖେଳ ରେ  ଚମ୍ପିୟାନ ହୋଇଥିବା  ତେଜସ ପାତ୍ର ଓ ଦୀପିକା ଭୋଇ ଙ୍କୁ ମଧ୍ୟ ପୁରସ୍କୃତ କରାଯାଇଥିଲା।
ଉପ ଅଧ୍ୟକ୍ଷ ଉପେନ୍ଦ୍ର କୁମାର ପାଇକ ରାଏ ଧନ୍ୟବାଦ ଅର୍ପଣ କରିଥିଲେ।ଶିକ୍ଷକ ଶିକ୍ଷୟିତ୍ରୀଙ୍କ ନିର୍ଦେଶନାରେ ଛାତ୍ରଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମ ରେ ୨୭ ଟି ନୃତ୍ୟ ପରିବେଷଣ କରିଥିଲେ।ପରିଚାଳନା କମିଟି,ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ ଓ ଛାତ୍ରଛାତ୍ରୀ ମାନେ ପରିଚାଳନାରେ ସହଯୋଗ କରିଥିଲେ।