23-Dec-2024

ବୀରମହାରାଜପୁର, (ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡର କଳାପଥର ପଞ୍ଚାୟତ ଅନ୍ତର୍ଗତ ଭଙ୍ଗାମୁଣ୍ଡା ସ୍ଥିତ ଗାୟତ୍ରୀ ଆବାସିକ ଶିକ୍ଷା ନିକେତନ ର ବାର୍ଷିକ କ୍ରୀଡ଼ା ଉଦଯାପିତ ହୋଇଯାଇଛି । ପ୍ରଥମେ ଛାତ୍ର ଛାତ୍ରୀ ମାନେ ଏକ ଶୋଭାଯାତ୍ରା ରେ ଭଙ୍ଗାମୁଣ୍ଡା ମଠ ରୁ ମଶାଲ ଆଣି ପଣ୍ଡିଆପାଲି ଖେଳ ପଡ଼ିଆରେ ସ୍ଥାପନ କରିଥିଲେ । ବିଦ୍ୟାଳୟର ପ୍ରତିଷ୍ଠାତା  ପଙ୍କଜ ଖମାରୀ କ୍ରୀଡ଼ା ପତାକା ଉତ୍ତୋଳନ କରି ପ୍ରତିଯୋଗିତାକୁ ଉଦଘାଟନ କରିଥିଲେ । ପ୍ରତିଯୋଗିତାକୁ ଖେଳ ଶିକ୍ଷକ ରଣମୋହନ ଭୋଇ,ଅକ୍ରୁର ପଣ୍ଡା,ଲିପୁନ ସା,ରାଧେଶ୍ୟାମ ନେହେର,ମୀନକେତନ ମେହେର,ହିମାଂଶୁ ପାତ୍ର,ସୁଦର୍ଶନ ବିଶ୍ୱାଳ,ସଞ୍ଜୀବ ଜଗଦଲା,ବିନୋଦ ଛନ୍ଦ,ମାମିନା ମିଶ୍ର,ଯଶସ୍ୱିନୀ ସାହୁ,ପ୍ରଭାତୀ ତ୍ରିପାଠୀ,ପାର୍ବତୀ ମଲ୍ଲିକ,ରୂପାଲି ମେହେର,ପ୍ରଭାସିନୀ ପଟନାୟକ,ଯୋଶବନ୍ତି ମହାକୁର ପ୍ରମୁଖ ପରିଚାଳନା କରିଥିଲେ । ୫ଟି ବର୍ଗର ୩୭ ଟି ବିଭାଗରେ ୩୯୦ ଜଣ ଛାତ୍ର ଛାତ୍ରୀ ପ୍ରତିଯୋଗିତାରେ ଭାଗ ନେଇଥିଲେ । ଶ୍ରୀଯୁକ୍ତ ପଙ୍କଜ ଖମାରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ  ଉଦଯାପନି ଉତ୍ସବରେ ମୁଖ୍ୟବକ୍ତା ଭାବେ ସାଂସଦ ପ୍ରତିନିଧି  ନଳିନୀ ପଣ୍ଡା, ମୁଖ୍ୟ ଅତିଥି ଭାବେ ଉଫୁଲା ଗ୍ରାମପଞ୍ଚାୟତ ସରପଞ୍ଚ  ଶ୍ରୀୟା କର୍ମୀ ଏବଂ ସମାଜସେବୀ  ମୀନକେତନ ମହାକୁର ଯୋଗ ଦେଇଥିଲେ । ପ୍ରଧାନ ଶିକ୍ଷକ ଯୁଧିଷ୍ଠିର ଖମାରୀ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ । ପରିଶେଷରେ କୃତି ଛାତ୍ର ଛାତ୍ରୀ ମାନଙ୍କୁ ଅତିଥିଙ୍କ ଦ୍ଵାରା ପୁରସ୍କାର ବିତରଣ କରାଯାଇଥିଲା । ଲକ୍ଷ୍ମଣ ମହାନ୍ତି, ବୀଣାପାଣି ଭୋଇ, ବିକାଶ ମହାକୁଡ, ବିଶ୍ୱଜିତ୍ ନନ୍ଦ ପୁରସ୍କାର ବିତରଣ ରେ ସାହାଯ୍ୟ କରିଥିଲେ ।ଏହି ଅବସରରେ ଛାତ୍ରଛାତ୍ରୀମାନଙ୍କ ଦ୍ୱାରା ନୃତ୍ୟ,ଗୀତ ଓ ସଚେତନତା ଧର୍ମୀ ନାଟକ ପରିବେଷଣ କରାଯାଇଥିଲା।