20-Dec-2024

ବଲାଙ୍ଗିର(ପ୍ରେରଣା ଖବର)- ସଦର ବ୍ଲକ ଅନ୍ତର୍ଗତ ବାରପୁଡୁଗିଆ ଗ୍ରାମର  ପ୍ରାଥମିକ ବିଦ୍ୟାଳୟକୁ ଉନ୍ନିତ ଉଚ୍ଚ ବିଦ୍ୟାଳୟ ହୋଇଛି  ତେଣୁ ପ୍ରଥମ ଥର ନୂତନ ବିଦ୍ୟାଳୟକୁ ଜିଲ୍ଲାପାଳ ଗୌରବ ଶିବାଜୀ ଇସଲୱାର ପରିଦର୍ଶନ କରି ବିଦ୍ୟାଳୟର ସୁବିଧା, ଅସୁବିଧା ବିଷୟ ଉପରେ ଆଲୋଚନା କରିଥିଲେ । ଛାତ୍ରଛାତ୍ରୀଙ୍କ ସହ ବିଭିନ୍ନ ଶିକ୍ଷା ଉପକରଣର ଉପଯୋଗ ଏବଂ ଲାଇବ୍ରେରୀ ଓ ଖେଳକୁଦ ଉପରେ ଆଲୋଚନା କରିଥିଲେ। ଏହି ଅବସରରେ ଗ୍ରାମବାସୀ ପ୍ରଥମ କରି ଉନ୍ନୀତ ଉଚ୍ଚ ବିଦ୍ୟାଳୟକୁ ଜିଲ୍ଲାପାଳଙ୍କ ଗସ୍ତକୁ ସ୍ୱାଗତ ଜଣାଇଥିଲେ ଏବଂ ସରକାରଙ୍କୁ ଧନ୍ୟବାଦ ଜ୍ଞାପନ କରିଥିଲେ । ବିଦ୍ୟାଳୟର ଶୈାଚାଳୟ, ଖେଳପଡିଆ, ଲାଇବ୍ରେରୀ ହଲ, କମ୍ପ୍ୟୁଟର ବିଭାଗ ଓ ସ୍କୁଲରେ ୧୬୫ ଛାତ୍ରଛାତ୍ରୀଙ୍କୁ ୪ଜଣ ଶିକ୍ଷକ ଥିବା ହେତୁ ପାଠପଢାରେ ଅସୁବିଧା ହେଉଛି ତେଣୁ ଅଧିକ ଶିକ୍ଷକ ଯୋଗାଇ ଦେବା ପାଇଁ ଗ୍ରାମବାସୀ ଅନୁରୋଧ

କରିଥିଲେ।  ଏହି ଗସ୍ତ କାର୍ଯ୍ୟକ୍ରମରେ ଜିଲ୍ଲା ଶିକ୍ଷାଧିକାରୀ ଧୃବ ଚରଣ ବେହେରା, ଅଧ୍ୟାପକ ସୁରେଶ ଚନ୍ଦ୍ର ଷଡଙ୍ଗି, ସିଆରସିସି ବିନାୟକ ପଟେଲ, ସର୍ବଶିକ୍ଷା ଅଭିଯାନ ଯନ୍ତ୍ରୀ ଏବଂ ସ୍କୁଲର ପ୍ରଧାନଶିକ୍ଷକ ରବିଚନ୍ଦ୍ର ଧରୁଆ, ସହଶିକ୍ଷୟତ୍ରୀ ନିର୍ଝରିକା ନାଏକ, ଲିଲି କୁମାରୀ ପଣ୍ଡା, ଅମୃତା କର, ନିମାଇଁ ପାଣିଗ୍ରାହୀ, ଲାଲ ନାଏକ, ଲବ ନାଗ, ବିଶ୍ୱରାଜ ସାଏ, ସଦାନନ୍ଦ ମହଲା, କୈଳାସ ନାଏକ, ପ୍ରମୋଦ କର୍ମୀ, ଦିନେଶ ମହଲା, ମଦନ ସାହୁ, ରମେଶ ମହଲା, କରୁଣା ନାଏକ, ନୃପରାଜ୍ ସାହୁ, ଦିଲୀପ ସାହୁ ପ୍ରମୁଖ ଉପସ୍ଥିତ ଥିଲେ। ସଂଗଠକ ଜୟକୃଷ୍ଣ ମିଶ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲେ ।