20-Dec-2024

ବରଗଡ଼:(ନିରଞ୍ଜନ ତ୍ରିପାଠୀ)-ଚାଷୀ ନେତାଏ ସହିଦ ମାଧୋ ସିଂ କୃଷକ ସଂଗଠନ ଅଞ୍ଚଳରେ ଯାଉଥିବା ଛୁରିଆପାଲି, ତବଡ଼ା, ପଣ୍ଡାକିପାଲି, ଝର, ଘେଁସ ଆଦି ମଣ୍ଡି ପରିଦର୍ଶନ କରିଛନ୍ତି। ଗତ ବର୍ଷ ତୁଳନା ଚଳିତ ବର୍ଷ ଚାଷୀମାନେ ସଫା ଶୁଖିଲା ଧାନ ମଣ୍ଡିକୁ ଆଣୁଛନ୍ତି ହେଲେ, ପ୍ରତ୍ୟେକ ମଣ୍ଡିରେ କ୍ୟୁଣ୍ଟାଲ ପ୍ରତି ଦୁଇ କେଜି ଧାନ କାଟୁଥିବା ଚାଷୀ ମାନେ ପ୍ରକାଶ କରୁଥିବା ବେଳେ ବିଭାଗୀୟ ଅଧିକାରୀ ମାନେ ଏଫ ଏ କ୍ଯୁ ଧାନରେ କଟିଙ୍ଗ ହେଉନଥିବା ପ୍ରକାଶ କରିଛନ୍ତି। ପ୍ରାୟ ମଣ୍ଡିରେ ମଣ୍ଡି ହେଣ୍ଡଳୀଙ୍ଗ ହେଉନାହିଁ। ଚାଷୀଙ୍କ ବସ୍ତାରେ ଚାଷୀ ଧାନ ଆଣୁଛନ୍ତି ଏବଂ ସେହି ବସ୍ତାରେ ମିଲକୁ ଧାନ ଯାଉଛି ତାହା ବସ୍ତାର ଓଜନକୁ ଧାନ ଓଜନ ସହିତ ଯୋଡି ଦିଆଯାଉଛି । ମଣ୍ଡିରୁ କିଛି ମିଲରଙ୍କ ଟାର୍ଗେଟ ଥାଇ ମଧ୍ୟ ଠିକ ହିସାବରେ ଧାନ ଉଠାଉ ନାହାନ୍ତି ଯାହାକି ଚାଷୀ ମଧ୍ୟରେ ଅସନ୍ତୋଷ ଦେଖା ଦେଉଛି l ଜମି ତୁଳନାରେ ଟୋକନ କମ ଆସିଛି,କିଛି ଚାଷୀଙ୍କ ପାଖକୁ ଜାନୁଆରୀ, ଫେବୃଆରୀ ମାସରେ ଧାନ ବିକ୍ରି ଟୋକନ ଆସିଛି ଏବଂ ବହୁତ ଚାଷୀଙ୍କ ଏପର୍ଯ୍ୟନ୍ତ ଟୋକନ ଆସି ନାହିଁ।

ପାଣି ପାଗ ବିଭାଗ ପକ୍ଷରୁ ବର୍ଷା ପାଇଁ ସତର୍କ କରାଇ ଥିବାରୁ ଚାଷୀ ମାନେ ଶୀଘ୍ର ଧାନ ଉଠେଇ ନେବା ପାଇଁ ଚେଷ୍ଟା କରୁଛନ୍ତି। ବର୍ତ୍ତମାନ ଖୋଲା ଆକାଶ ତଳେ ପଦ୍ମପୁର ଆର ଏମ ସି ଅଧୀନରେ ଅଢେଇ ଲକ୍ଷ ପକେଟ ଧାନ ପଡ଼ିରହିଛି। ଏହି ଅବସରରେ ସଂଯୁକ୍ତ କୃଷକ ସଂଗଠନର ଉପଦେଷ୍ଟା ରମେଶ ମହାପାତ୍ର, ରାଜବୋଡାସମ୍ବର କୃଷକ ସଂଗଠନର ଲିଙ୍ଗରାଜ ପଧାନ, ମାଧୋ ସିଂ କୃଷକ ସଂଗଠନର ପ୍ରଭାତ ସାହୁ, ପ୍ରେମରାଜ ସାହୁ, ଅରକ୍ଷିତ ମହାକୁର, କ୍ଷୀରୋଦ୍ର ପଟେଲ, ଅରୁଣ ବାରିକ, ସୁଶାନ୍ତ ସାହୁ,ମହକି ଚୌହାନ, ମିନି ବାରିକ, ନିର୍ମଳ ପଟେଲ, ସଂଜୀବ ପଧାନ, ବାବଲୁ ପଧାନ, ଲକ୍ଷପତି ସାହୁ, ମୋହନ ଦୀପ, ସନମ ସାହୁ ସାମିଲ ହୋଇ ମଣ୍ଡି ପରିଦର୍ଶନ ସହ ଚାଷୀଙ୍କ ସମସ୍ୟା ଉପରେ ଥିବା କଳା ବାଦଲକୁ ରାଜ୍ୟ ସରକାର ଅତି ଶିଘ୍ର ପ୍ରଶମିତ କରିବାକୁ ଦୃଢ ଦାବି କରନ୍ତି