20-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ଼ରୁ ପ୍ରକାଶିତ  କୋଶଳ ଟାଇମ୍ ର ସମ୍ପାଦକ ସଞ୍ଜୀବ ମହାପାତ୍ର ରାୟପୁର ଠାରେ ଛତିଶଗଡ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରି ସିଙ୍ଗୋଡା ଘାଟିରେ ମଧୋ ସିଂହଙ୍କ ସ୍ମାରକୀ ନିର୍ମାଣ ପାଇଁ ନିବେଦନ କରିଛନ୍ତି । ଏହି ଖବରକୁ ନେଇ ବିଭିନ୍ନ ମହଲରେ ଆନନ୍ଦ ପ୍ରକାଶ ପାଇଛି।ଓଡ଼ିଶା ମାଟିର ଗୌରବ ଜାତୀୟ ଶହୀଦ ମାଧୋସିଂହଙ୍କ ବଳିଦାନ ଦିବସ ଡିସେମ୍ବର ୩୧ ତାରିଖ ସମଗ୍ର ଓଡ଼ିଶାରେ ବୀରତା ଦିବସ ରୂପେ ପାଳିତ ହୋଇଆସୁଛି । ଇଂରେଜ ବିରୋଧୀ ଆନ୍ଦୋଳନର ଅନ୍ୟତମ ସାରଥୀ ଘେଁସ ଜମିଦାର ମାଧୋ ସିଂହ ଓ ତାଙ୍କ ପୁଅ ମାନେ ଓଡ଼ିଶା-ଛତିଶଗଡ ସୀମାନ୍ତ ସିଂଘୋଡା ଘାଟିଠାରେ ଜଗି ରହି ଇଂରେଜ ମାନଙ୍କର ସମ୍ବଲପୁର ପ୍ରବେଶ ପଥ ଅବରୋଧ କରି ଆସିଥିଲେ  । ଫଳରେ ଉକ୍ତ ସ୍ଥାନ ଏକ ଯୁଦ୍ଧ ଭୂମି ପାଲଟି ଥିଲା ।  ଏହି ସଂଗ୍ରାମରେ ନିଜର ଚାରି ପୁଅ ସହିତ ମାଧୋ ସିଂହ ମଧ୍ଯ ନିଜ ଜୀବନର ବଳିଦାନ ଦେଇଥିଲେ ।ଛତିଶଗଡ଼ର ଅଧିବାସୀ ମାଧୋସିଂହଙ୍କର ଜ୍ବାଇଁ ଓ ସମୁଦୀ ମଧ୍ଯ ସ୍ବାଧୀନତାର ଯଜ୍ଞବେଦୀରେ ନିଜନିଜ ପ୍ରାଣର ଆହୂତି ଦେଇଛନ୍ତି । ଏ ସମସ୍ତ ଦେଶପ୍ରେମୀ ଶହୀଦଙ୍କ ପୁଣ୍ଯସ୍ମୃତିରେ ସିଂଘୋଡାଘାଟିଠାରେ ଏକ ସ୍ମାରକୀ ନିର୍ମାଣର ଅନୁରୋଧ ନେଇ ଓଡିଶାର ବରଗଡ ଜିଲ୍ଲାରୁ ପ୍ରକାଶିତ ପାକ୍ଷିକପତ୍ରିକା କୋଶଲଟାଇମ୍ ର ସମ୍ପାଦକ ତଥା ସମାଜସେବୀ ସଞ୍ଜୀବ କୁମାର ମହାପାତ୍ର ଛତିଶଗଡ଼ର ମାନନୀୟ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ବିଷ୍ଣୁଦେଓ ସାଏଙ୍କୁ ଭେଟି ଏକ ସ୍ମାରକପତ୍ର ପ୍ରଦାନ କରିଛନ୍ତି । ମୁଖ୍ୟମନ୍ତ୍ରୀ ଶ୍ରୀଯୁକ୍ତ ବିଷ୍ଣୁଦେଓ ସାଏ ମଧ୍ଯ ଏ ବିଷୟକୁ ଗୁରୁତ୍ବର ସହ ନେଇ ଏ ଉପରେ କାର୍ଯ୍ଯ କରିବାର ପ୍ରତିଶ୍ରୁତି ଦେଇଛନ୍ତି ।ସ୍ବାଧୀନତାର ଯଜ୍ଞବେଦୀରେ ନିଜନିଜ ପ୍ରାଣର ଆହୂତି ଦେଇଛନ୍ତି । ଏ ସମସ୍ତ ଦେଶପ୍ରେମୀ ଶହୀଦଙ୍କ ପୁଣ୍ଯସ୍ମୃତିରେ ସିଂଘୋଡାଘାଟିଠାରେ ଏକ ସ୍ମାରକୀ ନିର୍ମାଣର ଅନୁରୋଧ ନେଇ ଓଡିଶାର ବରଗଡ ଜିଲ୍ଲାରୁ ପ୍ରକାଶିତ ପାକ୍ଷିକପତ୍ରିକା କୋଶଲଟାଇମ୍ ର ସମ୍ପାଦକ ତଥା ସମାଜସେବୀ ସଞ୍ଜୀବ କୁମାର ମହାପାତ୍ର ଛତିଶଗଡ଼ର ମାନନୀୟ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ବିଷ୍ଣୁଦେଓ ସାଏଙ୍କୁ ଭେଟି ଏକ ସ୍ମାରକପତ୍ର ପ୍ରଦାନ କରିଛନ୍ତି । ମୁଖ୍ୟମନ୍ତ୍ରୀ ଶ୍ରୀଯୁକ୍ତ ବିଷ୍ଣୁଦେଓ ସାଏ ମଧ୍ଯ ଏ ବିଷୟକୁ ଗୁରୁତ୍ବର ସହ ନେଇ ଏ ଉପରେ କାର୍ଯ୍ଯ କରିବାର ପ୍ରତିଶ୍ରୁତି ଦେଇଛନ୍ତି ।