20-Dec-2024

ବଲାଙ୍ଗୀର(ପ୍ରେରଣା ଖବର): ଇଣ୍ଡିୟାନ ଡେଣ୍ଟାଲ ଏସୋସିଏସନ, ଓଡ଼ିଶା ଶାଖା ତରଫରୁ ଦନ୍ତ ଚିକିତ୍ସା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ବଲାଙ୍ଗୀରର ଯୁବ ଦାନ୍ତ ଡାକ୍ତର ଙ୍କୁ ମର୍ଯ୍ୟାଦାଜନକ ଅଲ ଇଣ୍ଡିଆ ଡେଣ୍ଟାଲ ଏସୋସିଏସନ ଏୱାର୍ଡରେ  ସମ୍ମାନିତ କରାଯାଇଥିଲା l ଭୁବନେଶ୍ବର ଠାରେ ଅନୁଷ୍ଠିତ ଏକ ବର୍ଣ୍ଣାଢ୍ୟ ଉତ୍ସବରେ ଅଲ୍ ଓଡ଼ିଶା ଡେଣ୍ଟାଲ ଏସୋସେସନର ଉପସଭାପତି ବଲାଙ୍ଗୀରର ଡ. ଯଶବୀର୍ ମେହରଙ୍କୁ ମାନପତ୍ର,ଉପାୟନ ଓ ଫଳକ ପ୍ରଦାନପୂର୍ବକ ସମ୍ମାନୀତ କରାଯାଇଛି l ଏହି ଉତ୍ସବରେ ମୁଖ୍ୟ ଅତିଥି ଭାବେ ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂହଦେଓ ଯୋଗ ଦେଇ ଏହି ପୁରସ୍କାର ପ୍ରଦାନ କରିଥିଲେ l ଏହି ସମାରୋହରେ ଅନ୍ୟମାନଙ୍କ ମଧ୍ୟରେ ସମ୍ବଲପୁରର ଦାନ୍ତ ଡାକ୍ତର୍ ତଥା ଅଲ୍ ଓଡ଼ିଶା ଡେଣ୍ଟାଲ ଏସୋସେସନର ସଭାପତି ଡ. ଦୁର୍ଗା ଶଙ୍କର ସତପଥୀ ଉପସ୍ଥିତ ଥିଲେ l  ଡ ଯଶବୀର ମେହେରଙ୍କୁ ବଲାଙ୍ଗୀରର ପ୍ରାଇଭେଟ କ୍ଲିନିକାଲ୍ ଏସୋସିଏସନ ପକ୍ଷରୁ ଅଭିନନ୍ଦନ ଜ୍ଞାପନ କରାଯାଇଛି l