18-Dec-2024

ବଲାଙ୍ଗିର(ପ୍ରେରଣା ଖବର): ଜିଲ୍ଲାପାଳଙ୍କ ଅଫିସ୍ ଆଗରେ ଗର୍ଜିଲେ ଚାଷୀ। ଧାନ କିଣାକୁ ନେଇ ଗର୍ଜିଛନ୍ତି ଚାଷୀ। ଆଜି ସନ୍ଧ୍ୟାରେ ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବଲାଙ୍ଗିର ଏବଂ ଦେଓଗାଁ ବ୍ଲକର ସମବାୟ ସମିତିର ସଭାପତି ଓ ଚାଷୀ ମାନଙ୍କ ତରଫରୁ  ଜିଲ୍ଲାପାଳ ଅଫିସ୍ ସମ୍ମୁଖରେ ପ୍ରତିବାଦ କରାଯିବା ସହ ଜିଲ୍ଲାପାଳ ଗୌରବ ଶିବାଜି ଇସଲୱାରଙ୍କୁ ଏକ ଦାବିପତ୍ର ମଧ୍ୟ ପ୍ରଦାନ କରା ଯାଇଛି । ଦାବିପତ୍ରରେ ବିନା କଟନୀ ଛଟନୀରେ ମଣ୍ଡିରୁ ଧାନ କ୍ରମ ଅନୁସାରେ ଉଠାଯାଉ, ଚଳିତ ବର୍ଷ ପାଇଁ ଜରି ବସ୍ତାରେ ବିକ୍ରି କରିବା ପାଇଁ ଅନୁମତି ଦିଆଯିବା l ବଲାଙ୍ଗିର ଓ ଦେଓଗାଁ ଉଭୟ ବ୍ଲକରେ କୌଣସି ମଣ୍ଡିରୁ ଧାନକ୍ରୟ ହୋଇନଥିବା ବେଳେ ସର୍ବପ୍ରଥମେ ବିଡିଘାଟ ସମବାୟ ସମିତିରୁ ସମ୍ପାଦକ, ମିଲର ଓ କିଛି ଚାଷୀ ଦଲାଲ ମିଶି ୫କିଲୋଗ୍ରାମ କଟନୀ କରି ଧାନ ଉଠାଇଛନ୍ତି।ପରେ ପରେ କୁଡ଼ାଶିଙ୍ଘା ସମବାୟ ସମିତି ରେ ମଧ୍ଯ ସେହି ରୂପେ ଧାନ ଉଠାଯିବାର ଅଭିଯୋଗ ରହିଛି। ଏହି ମଣ୍ଡି ମାନଙ୍କର କାର୍ଯ୍ୟ ତଦାରଖ ପୂର୍ବକ ପଦକ୍ଷେପ ନିଆ ଯାଉ ବୋଲି ଏକ ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରାଯାଇଛି ଜିଲ୍ଲାପାଳଙ୍କ ସହ ହୋଇଥିବା ଏହି ଆଲୋଚନl ବେଳେ ସଦର ବ୍ଲକର ପୂର୍ବ ଅଧ୍ୟକ୍ଷ ଗୋଲାପ ବାଗ, ବିଡିସିସି ବ୍ୟାଙ୍କର ପୂର୍ବତନ ସଭାପତି ଲକ୍ଷ୍ମଣ ମେହେର, ସୁଶିଲ ଚାନ୍ଦ, ଦେଓଗାଁ ବ୍ଲକ ଅଧ୍ୟକ୍ଷ ଦୟାନିଧି ଖମାରି, ପ୍ରଦ୍ୟୁମ୍ନ ହୋତା, ଦେବଦତ୍ତ ବେହେରା ପ୍ରମୁଖଙ୍କ ସହ ବହୁ ଚାଷୀ ଉପସ୍ଥିତ ଥିଲେ ।