19-Dec-2024

ସିନ୍ଧେକେଲାି (ଅନୀଲ କୁମାର ତ୍ରିପାଠୀ):  ପଲ୍ଲୀଶ୍ରି ନୋଡାଲ ଉଚ୍ଚବିଦ୍ୟାଳୟ ପ୍ରାଙ୍ଗଣରେ ଥିବା ପଲ୍ଲୀଶ୍ରି ଖେଳପଡ଼ିଆରେ ବଲାଙ୍ଗୀର ଜିଲ୍ଲାସ୍ତରୀୟ ୩୨ ତମ ଭାରତ ସ୍କାଉଟ ଓ ଗାଇଡ କ୍ୟାମ୍ପୋରୀର ଦ୍ଵିତୀୟ ଦିବସରେ କ୍ୟାମ୍ପ ଫାୟାର ଉତ୍ସବ ଅନୁଷ୍ଠିତ ହୋଇଯାଇଛି। ୧୬ ରୁ ୧୯ ତାରିଖ ପର୍ଯ୍ୟନ୍ତ ଚାଲି ବାକୁ ଥିବା ଏହି କାର୍ଯ୍ୟକ୍ରମର ୨ତୀୟ ଦିବସରେ ପଲ୍ଲୀଶ୍ରି ନୋଡାଲ ହାଇସ୍କୁଲର ପ୍ରଧାନ ଶିକ୍ଷକ ଲୋକନାଥ ମେହେରଙ୍କ ସଭାପତିତ୍ବରେ ହୋଇ ଥିବା ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ, ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଦସ୍ୟ ଦାମ ସୁନା, ଓୟୁଜେ ବଲାଙ୍ଗୀର ଜିଲ୍ଲା ଟ୍ରିବୁନାଲ ଅଧ୍ୟକ୍ଷ ଅନିଲ କୁମାର ତ୍ରିପାଠୀ, ସିନ୍ଧେକେଲା ବିଜେପି ମଣ୍ଡଲ ସଭାପତି ମୁନି ରାମ ନାଗ, ବଣିକ ସଂଘ ସଭାପତି ସୁବାଷ ଜୈନ, ଏସଏମସି ସଭାପତି ବିରବିକ୍ରମ ସିଂ

ଦେଓ ପ୍ରମୁଖ ମଞ୍ଚାସିନ ଥିଲେ। ବଲାଙ୍ଗୀର ଜିଲ୍ଲା ଭାରତ ସ୍କାଉଟ ଓ ଗାଇଡ ର ସମ୍ପାଦକ ପ୍ରଦିପ କୁମାର ପାତ୍ର କ୍ୟାମ୍ପୋରୀର ବିବରଣୀ ପାଠ କରି ଥିଲେ। ଏବଂ ବିନୋଦ କୁନାର ମହାପାତ୍ର ଡିଓସି ବଲାଙ୍ଗୀର ମଞ୍ଚ ପରିଚାଳନା କରି ଥିଲେ। ଏହି କ୍ୟାମ୍ପୋରୀ ରେ ୟୋଗା, ଫିଜିକାଲ ଡିସପ୍ଲେ, ଆଡ଼ଭେଞ୍ଚରସ୍ ଏକ୍ଟିଭିଟି , କ୍ବିଜ, ମାର୍ଚ୍ଚ ପାଷ୍ଟ, ଫୁଡ୍ ପ୍ଲାଜା ଏବଂ ଫୋକ ଡ୍ୟାନ୍ସ ପ୍ରତିଯୋଗିତା ଆୟୋଜିତ ହୋଇଥିଲା। ସେଥିରେ ପର୍ଯ୍ୟବେକ୍ଷକ ଭାବରେ ହରିହର ସାହୁ ଓ ନରେନ୍ଦ୍ର ଜୈନ ଯୋଗଦେଇ ଥିଲେ। ତୁରେକେଲା ବ୍ଲକ ର ମିରଚା ଆଚାର ଏବଂ ପାଟଣାଗଡ଼ ବ୍ଲକର ମାଣ୍ଡିଆ ଚା ଲୋକଙ୍କ ମଧ୍ୟରେ ବେଶ ଆଦୃତ ହୋଇପାରିଥିଲା। ପଲ୍ଲିଶ୍ରୀ ନୋଡାଲ ଉଚ୍ଚ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ କାର୍ଯ୍ୟକ୍ରମରେ ବିଶେଷ ସହଯୋଗ କରିଥିଲେ।