18-Dec-2024

ବଲାଙ୍ଗୀର(ପ୍ରେରଣା ଖବର) -ଆଗଲପୁର ବ୍ଲକ ଅନ୍ତର୍ଗତ ହରଭଙ୍ଗା ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ କ୍ରୀଡା ଅନୁଷ୍ଠିତ ହୋଇଯାଇଛି । ପ୍ରଧାନଶିକ୍ଷକ ଦୂର୍ଯ୍ୟୋଧନ ପଶାୟତଙ୍କ ଅଧ୍ୟକ୍ଷତାରେ ଆୟୋଜିତ ହୋଇଯାଇଥିବା ସଭାରେ ମୁଖ୍ୟ ଅତିଥି ଭାବରେ ମୁର୍ଷୁଣ୍ଡ ସରପଂଚ ରଥି ସାହୁ, ସାଲେଭଟା ସିଆରସିସି ସଦାନନ୍ଦ ଭୁଏ, ସେମେଲମୁଣ୍ଡା ବିଦ୍ୟାଳୟର ପ୍ରଧାନଶିକ୍ଷକ ସୁଶାନ୍ତ କୁମାର ନନ୍ଦ ଓ କୁଟାସିଂଗା ଉଚ୍ଚ

ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଅରୁଣ ବଗର୍ତି ପ୍ରମୁଖ ସମ୍ମାନୀତ ଅତିଥି ଭାବରେ ଯୋଗଦେଇଥିଲେ । ପ୍ରଥମେ ସମସ୍ତ ଶିକ୍ଷକ ଛାତ୍ରଛାତ୍ରୀ ଓ ଆଲୁମିନି ମଶାଲ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରିଥିଲେ ।

ସିନିୟର , ଜୁନିୟର ଓ ସବଜୁନିୟର ବିଭାଗରେ ଦୌଡ ପ୍ରତିଯୋଗିତା,ଲମ୍ବ ଡିଆଁ , ସ୍କିପିଙ୍ଗ ଦୌଡ, ଗଣିତ ଦୌଡ, ମ୍ୟୁଜିକ ଚେୟାର, ସେକରେସ ଆଦି ପ୍ରତିଯୋଗିତା ହୋଇଥିଲା । କୃତି ଛାତ୍ରଛାତ୍ରୀଙ୍କୁ  ଫୂଲତୋଡା,ମାନପାତ୍ର ଓ ଟ୍ରଫି ଦେଇ ପୁରସ୍କୃତ କରାଯାଇଥିଲା । ଶିକ୍ଷକ ଗୋବିନ୍ଦ ସାହୁ, ଦିଲ୍ଲୀପ କୁମାର ଥନାପତି, ରାଜ କିଶୋର ମହାକୁର, ମଂଟେଶ ସାହୁ, ପିଙ୍କି କର୍ଣ୍ଣ, ବିଦ୍ୟାଳୟ ସଭାପତି ବିପିନ ସାହୁ ତଥା କମିଟି ସଭ୍ୟସଭ୍ୟା ସହଯୋଗ କରିଥିଲେ। ବରିଷ୍ଠ ଶିକ୍ଷକ ଗୋବିନ୍ଦ ସାହୁ ଧନ୍ୟବାଦ ଅର୍ପଣ କରିଥିଲେ ।