18-Dec-2024

ଅତାବିରା(ଆକାଶ ମିଶ୍ର): ଅତାବିରା ଶ୍ରୀରାମ ବାବା ମଠ ଶ୍ରୀ ମହନ୍ତ ସ୍ୱାମୀ ସନ୍ଥ ଗିରିଙ୍କ ତତ୍ତ୍ଵାବଧାନରେ ତିନିଦିନ ଧରି ଚାଲି ଥିବା ପଞ୍ଚକୁଣ୍ଡିୟ ବିଶ୍ୱଶାନ୍ତି ମହାଯଜ୍ଞ ଓ ଶ୍ରୀ ରାମେଶ୍ୱର ଶିବ ଲିଙ୍ଗ ପ୍ରତିଷ୍ଠା ମହୋତ୍ସବ ମହାସମାରୋହରେ ଆଜି ସମ୍ପନ୍ନ ହୋଇ ଯାଇଛି।ଏହି ଯଜ୍ଞ ପାଇଁ  ପଣ୍ଡିତ ଆଦିତ୍ୟ ମିଶ୍ର ଓ ତାଙ୍କ ସାଥି ମାନେ ପୂଜାକାର୍ଯ୍ୟ ପାଇଁ ବ୍ରହ୍ମାବରଣ ହୋଇଥିବl ବେଳେ ବିଭୂତି ଖମାରୀଙ୍କ ସମେତ  ଗୋବିନ୍ଦ ଖମାରୀ, ଝସକେତନ ସାହୁ, ବଦ୍ରିନାଥ ମିଶ୍ର,ମୁନସି ସାହୁ, ପ୍ରେମରାଜ 

ପ୍ରଧାନ, ଭେଙ୍କେଟ ରାଇଡୁ,କମଳା କାନ୍ତ ଭୋଇ,ସୁଧୀର ବାରିକ,ରୁଦ୍ର ନାରାୟଣ ଖାମାରୀ, କ୍ଷୀରୋଦ ସୋନି,ସୁରେଶ ଗଡ଼ତିଆ,ନରେନ୍ଦ୍ର ପ୍ରଧାନ,ପୁଷ୍ପଚନ୍ଦ୍ର ନାଏକ,ଗଜାନନ ପ୍ରଧାନ, ନଟବର ଲାଲ ଅଗ୍ରୱାଲ ଆଦି ୧୬ ଯୋଡ଼ି କର୍ତ୍ତା ସପତ୍ନିକ ଦାୟିତ୍ୱ ନିର୍ବାହ କରିଥିଲେ। ସର୍ବପ୍ରଥମେ ୧୩ ତାରିଖ ଦିନ ଅତାବିରା ପାର୍ବତୀ ମନ୍ଦିର ପୋଖରୀ ତୁଠରେ ସୁବିଜ୍ଞ ପଣ୍ଡିତ ମାନଙ୍କ ଦ୍ୱାରା ମନ୍ତ୍ରପାଠ,ପୂଜାର୍ଚ୍ଚନା ପୂର୍ବକ ଜଳପୂର୍ଣ୍ଣ କଳସ ମୁଣ୍ଡାଇ ଶ୍ରୀରାମ ବାବା ମଠ ଯଜ୍ଞ ମଣ୍ଡପ ସମୀପରେ ସ୍ଥାପନ କରି ଦେବତା ଆବାହନ,ଅଗ୍ନି ସ୍ଥାପନ ଓ ଯଜ୍ଞାରମ୍ଭ,ବିଷ୍ଣୁ ସହସ୍ର ନାମ ହୋମ ହୋଇଥିଲା। ୧୪ତାରିଖ ପୂଜାବିଧି ପୂର୍ବକ ଶ୍ରୀ ରାମେଶ୍ୱର ଶିବଲିଙ୍ଗ ବିଗ୍ରହଙ୍କ ମହା ସ୍ନାନ, ରୁଦ୍ରାଭିଷେକ, ଶ୍ରୀଙ୍ଗାର ଓ ମହାମୃତ୍ୟୁଞ୍ଜୟ ହୋମ, ଆରତୀ ପୁଷ୍ପାଞ୍ଜଳି ହୋଇ ଥିଲା। ପ୍ରତିଷ୍ଠା ମହୋତ୍ସବରେ ନିମନ୍ତ୍ରିତ ହୋଇଥିବା ନୂଆପଡା ଆଶ୍ରମରୁ ସ୍ୱାମୀ ବ୍ରତାନନ୍ଦ ସରସ୍ୱତୀ,କଳାହାଣ୍ଡିରୁ ସ୍ୱାମୀ ମାଧବାନନ୍ଦ ଗିରି,ସ୍ୱାମୀ ରାମ ଦାସ,ଝାଡ଼ଖଣ୍ଡରୁ ସ୍ୱାମୀ ଜୟ ରାମାନନ୍ଦ ଗିରି,ଗଜପତିରୁ ସ୍ୱାମୀ ନକୁଲାନନ୍ଦ ପୁରୀ,ବରଗଡ଼ରୁ ସ୍ୱାମୀ ନାରଦାନନ୍ଦ

ସରସ୍ବତୀ,ସ୍ୱାମୀ ତନ୍ମୟାନନ୍ଦ,ସ୍ୱାମୀ ଲିଙ୍ଗରାଜ ଦାସ, ଢେଙ୍କାନାଲରୁ ସ୍ୱାମୀ ଖଦଲ ବାନପ୍ରସ୍ତି ଓ ଗଞ୍ଜାମରୁ ସ୍ୱାମୀ ଧୁଳିଆ ଦାସ ଉପସ୍ଥିତିରେ ସମସ୍ତଙ୍କୁ ଆଶୀର୍ବାଦ ପ୍ରଦାନ କରି ଥିଲେ। ଆଜି ସକାଳ ୬ଟାରେ ସୂର୍ଯ୍ୟଅର୍ଘ୍ୟ ପ୍ରଦାନ ଓ ପୂଜା, ୧୦ ଟାରେ ବିଶେଷ ଗୀତା ହୋମଯଜ୍ଞ ସହ  ଅପରାହ୍ନ ୨ ଟା ୩୫ ମିନିଟରେ ଆରତୀ,ପୁଷ୍ପାଞ୍ଜଳି ସହ ପୂର୍ଣ୍ଣାହୁତି ହୋଇ ଥିଲା ଏଥିରେ ହଜାର ହଜାର ଶ୍ରଦ୍ଧାଳୁ ଭକ୍ତ ମାନଙ୍କର ସମାଗମ ହୋଇଥିଲା l ସମସ୍ତଙ୍କ ପାଇଁ ଅନ୍ନପ୍ରସାଦର ବ୍ୟବସ୍ଥା ରହିଥିବା ବେଳେ ଅତାବିରାର ବିଭିନ୍ନ ଗ୍ରାମରୁ ସଙ୍କୀର୍ତ୍ତନ ଦଳ ପହଞ୍ଚି ନାମ ସଙ୍କୀର୍ତ୍ତନରେ ଅଞ୍ଚଳ ଗୁଞ୍ଜରିତ ହୋଇଥିଲା।