09-Jan-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ଆଜି ସ୍ଥାନୀୟ ସାମ୍ବାଦିକ ଭବନ ଜିଲ୍ଲା ବିଜେଡି ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଜଣେ ଯୁବକଙ୍କ ଅପହରଣ ମାମଲାରେ ବିଜେଡି ର ଜଣେ ଯୁବ ନେତାଙ୍କ ହାତ ଥିବା ଓ ତାଙ୍କୁ ଗିରଫ କରାଯିବାକୁ କଂଗ୍ରେସ ଦାବି କରିଥିବାବେଳେ ଆଜି କଂଗ୍ରେସ କୁ ଟାର୍ଗେଟ କରିଛି ବିଜେଡି l ଆଜି ବିଜେଡି ପକ୍ଷରୁ ଉକ୍ତ ଅଭିଯୋଗକୁ ଖଣ୍ଡନ କରାଯାଇଛି ଓ ତାହା କଂଗ୍ରେସର ର ହୀନ ରାଜନୀତି ବୋଲି କୁହାଯାଇଛି। ସୂଚନା ଅନୁଯାୟୀ ମାଙ୍କଡ଼ ଚୁଆଁ ଗ୍ରାମର ଜଣେ ଯୁବକ ନିଖୋଜ ହୋଇଥିବା ନେଇ ଶୁକ୍ରବାର ଦିନ କଂଗ୍ରେସ ପକ୍ଷରୁ ସଦର ଥାନା ଘେରାଉ କରାଯାଇଥିଲା ଓ ସାମ୍ବାଦିକ ସମ୍ମିଳନୀ କରାଯାଇ ଗ୍ରାମର ସରପଞ୍ଚ ରାଜେନ୍ଦ୍ର ହୋତା ଉକ୍ତ ଯୁବକ ଙ୍କୁ ଅପହରଣ କରି ମାଡ ମରାଯାଇଛି ଏବଂ ତାଙ୍କୁ ଗିରଫ କରାଯାଇ ପଦବୀରୁ ବହିଷ୍କାର କରାଯାଉ ବୋଲି ଦାବି କରାଯାଇଥିଲା । ଏହି ସମ୍ମିଳନୀରେ ବିଜେଡି ର ବିନୁ ସତପଥୀ, ଗୁଂଞ୍ଜ ଖାଁ, ବି ଜେ ଡି ଜିଲ୍ଲା ଛାତ୍ର ସଭାପତି ରାଜେନ୍ଦ୍ର ହୋତା, ବିଜେଡି ଜିଲ୍ଲା ଯୁବ ସଭାପତି, ଟିମା ମହାନ୍ତି, ବରିଷ୍ଠ ବିଜେଡି ନେତା ଲକ୍ଷ୍ମଣ ମେହେର ଓ  ପ୍ରଦୀପ ସାହୁ ଙ୍କ ସମେତ ଅନ୍ୟାନ୍ୟ କାର୍ଯ୍ୟକର୍ତ୍ତାଙ୍କ ଉପସ୍ଥିତ ଥିଲେ।