09-Dec-2024

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ରେ ବ୍ଲକ ସ୍ତରୀୟ ଜନ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛି l ଏହି ଅବସର ରେ  ଜିଲ୍ଲାପାଳ ଗୌରବ ଶିବାଜି ଈଶ୍ୱରୱାଲ ଯୋଗ ଦେଇଥିବା ବେଳେ ଉପ ଜିଲ୍ଲାପାଲ ଆଲୋକ କୁମାର ପଟେଲ ,ଆରକ୍ଷୀ ଅଧ୍ୟକ୍ଷକ ଋଷିକେସ ଖିଲାରି ଉପସ୍ଥିତ ଥିଲେ l ଏହାସହ ଜଙ୍ଗଲ ବିଭାଗ ଅଧିକାରୀ ସୁଦର୍ଶନ ବେହେରା ମଧ୍ୟ ଯୋଗ ଦେଇ ଥିଲେ  l ଉକ୍ତ କାର୍ଯ୍ୟକ୍ରମ ରେ    ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର  କୁଲଦୀପ ମହାନ୍ତି ଙ୍କ ଅଧ୍ୟକ୍ଷତା ରେ ଶିବିର ପରିଚାଳିତ  ହୋଇଥିଲା l ତା ସଙ୍ଗେ ସଙ୍ଗେ  ଜିଲ୍ଲା ର ସମ୍ପଦ ବିଭାଗ , ଅବକାରୀ ବିଭାଗ , ଯୋଗାଣ ବିଭାଗ , ମଙ୍ଗଳ ବିଭାଗ , ମହିଳା ଓ ଶିଶୁ ବିଭାଗ , ସାମାଜିକ ସମୀକ୍ଷା ବିଭାଗ , ଶିକ୍ଷା ବିଭାଗ ,  ସ୍ଵାସ୍ଥ୍ୟ ବିଭାଗ , ବିଦ୍ୟୁତ୍ ବିଭାଗ , ପ୍ରକଳ୍ପ ବିଭାଗ ,  ଉଦ୍ୟାନ ବିଭାଗ , , କୃଷି ବିଭାଗ ଓ ଅନ୍ୟାନ୍ୟ ବିଭାଗ ର ମୁଖ୍ୟ  ଅଧିକାରୀ ମାନେ  ଯୋଗ ଦେଇଥିଲେ l

ଆଜିର ଅଭିଯୋଗ ଶୁଣାଣି କାର୍ଯକ୍ରମରେ ତଥା ଅଭିଯୋଗ କାରି ମାନଙ୍କ ସମସ୍ୟା ଗୁଡ଼ିକ ର ଶୁଣାଣି ରେ ସମସ୍ତ ବିଭାଗୀୟ ଅଧିକାରୀ ଜିଲ୍ଲାପାଲ୍ ଙ୍କୁ ସହଯୋଗ କରିଥିଲେ l ସମୁଦାୟ 50 ଟି ଅଭିଯୋଗ ଉପ ରେ ଶୁଣାଣି ହୋଇଥିଲା l ବିଶେଷ କରି ଆଗଲପୁର ବ୍ଲକ ର 13 ଗୋଟି ପେକ୍ସ ର ଖରିଫ ଋତୁ ପାଇଁ ଧାନକ୍ରୟ ବିକ୍ରୟ ର ସମସ୍ୟା ଉପରେ ସଭାପତି ମାନେ ଲିଖିତ ଅଭିଯୋଗ କରିଥିଲେ l ଧାନ ମଣ୍ଡି ରେ କାମ କରୁଥିବା ମଣ୍ଡି ଶ୍ରମିକ ମାନଙ୍କ  ମଜୁରି ଦିଆଯାଉ ବୋଲି ଲିଖିତ ଅଭିଯୋଗ କରିଥିଲେ l ଉକ୍ତ ଶିବିର ରେ ସହକାରୀ ଯନ୍ତ୍ରୀ ଟଙ୍କଧର କାଲୋ, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ରୁଦ୍ର ପ୍ରସାଦ ସୁନା , ଉନ୍ନୟନ ବିଭାଗ  ର କନିଷ୍ଠ ଯନ୍ତ୍ରୀ , ଜଳ ଓ ପରିମଳ ବିଭାଗ ଯନ୍ତ୍ରୀ ଦୁର୍ଗା ପ୍ରସାଦ ମିଶ୍ର , ଅଂଶୁମାନ ଦେବ ବାବୁ , ଜ୍ଞାନ ରଞ୍ଜନ ଶା, ସୁଶାନ୍ତ ମହାକୁର, ସୌମ୍ୟରଞ୍ଜନ ମହାନନ୍ଦ ଓ ବ୍ଲକ ର ଅନ୍ୟାନ୍ୟ କର୍ମଚାରୀ ମାନେ ସହଯୋଗ କରିଥିଲେ l