08-Dec-2024

ଲୋଇସିଂହା, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ଥାନା  ଅଧିନସ୍ଥ ବକଟି ପଂଚାୟତ ଅନ୍ତର୍ଗତ ବଙ୍ଗାବାହାଲ ଗ୍ରାମ ରେ ଗତକାଲି ନିଶାଗ୍ରସ୍ତ ହୋଇ ବଡଭାଇ କୁ ମରଣାନ୍ତକ ଆକ୍ରମଣ କରିଥିବା ସାନ ଭାଇକୁ ବିଳମ୍ବିତ ରାତ୍ରି ପ୍ରାୟ ୧୨ ଟାରେ ଲୋଇସିଂହା ପୋଲିସ ଗିରଫ କରିଥିବା ସୂଚନା ମିଳିଛି l  ଗିରଫ ଅଭିଯୁକ୍ତ ହେଲେ ରଘୁରାଜ ଗଡୁଆ ।  ସୂଚନା ଅନୁସାରେ ଗତକାଲି ଘରୋଇ କଳହ କୁ କେନ୍ଦ୍ର କରି ନିଶାଶକ୍ତ ରଘୁରାଜ ଗଡୁଆ ନିଜ ବଡ଼ଭାଇ ରାଜିନ ଗଡୁଆ ଙ୍କୁ ପେଟରେ ଛୁରୀଭୁଷି ହତ୍ୟା ଉଦ୍ୟମ କରିଥିବା ବେଳେ ତାଙ୍କ ଭାଉଜ କମଳିନୀ ଗଡୁଆ ଙ୍କୁ ମଧ୍ୟ ଆକ୍ରମଣ କରିଥିଲେ ଯାହାଦ୍ୱାରା କମଳିନୀ ଙ୍କ ହାତରେ କ୍ଷତ ଚି଼ହ୍ନ ରହିଥିବା ପ୍ରକାଶ କରିଛନ୍ତି l ପଡୋଶୀ ମାନେ ଗୁରୁତ୍ତର ଅବସ୍ଥା ରେ ରାଜିନ କୁ ଉଦ୍ଧାର କରିବା ସହ ପୁଲିସ କୁ ଖବର ଦେଇଥିଲେ l ଘଟଣା କୁ ନେଇ ରାଜିନ ଙ୍କ ସ୍ତ୍ରୀ କମଳିନୀ ଗଡୁଆ ଥାନାରେ ଲିଖିତ ଅଭିଯୋଗ କରିଥିଲେ l ପରେ ଗୁରୁତର ରାଜିନ ଙ୍କୁ ବଲାଙ୍ଗୀର ଭୀମଭୋଇ ହସ୍ପିଟାଲ ପଠାଇଥିଲେ l ଅବସ୍ଥା ସଂକଟାପନ୍ନ ହେବାରୁ ବଲାଙ୍ଗୀର ଡାକ୍ତର ସେଠାରୁ ବୁର୍ଲା କୁ ସ୍ଥାନାନ୍ତରିତ କରିଥିଲେ l ଏପଟେ ଅଭିଯୁକ୍ତ ସାନଭାଇ ରଘୁରାଜ କୁ ଲୋଇସିଂହା ପୁଲିସ ଗିରଫ କରିବା ସହ ଏକ ମାମଲା ରୁଜୁ କରି ତଦନ୍ତ ଚଳାଇଛି l ଆଜି ରଘୁରାଜ ଙ୍କ ଡାକ୍ତରୀ ପରୀକ୍ଷା କରାଯିବା ସହ ଲୋଇସିଂହା ପୋଲିସ କୋର୍ଟ ଚାଲାଣ କରିଥିବା ବିଶ୍ୱସ୍ତ ସୂତ୍ରରୁ ପ୍ରକାଶ l