07-Dec-2024

ଅତାବିରା(ଆକାଶ ମିଶ୍ର): ଆଜି ସନ୍ଧ୍ୟା ୫ ଟାରେ ଅତାବିରା  ବ୍ଲକ ଅନ୍ତର୍ଗତ ସୁକୁଟା ପାଲି  ଛକ  ୫୩  ନଂ ଜାତୀୟ ରାଜପଥ କଡ଼ରେ ଥିବା ରାଜସ୍ଥାନୀ ଢ଼ାବା ସମ୍ମୁଖରେ ବରଗଡ଼ ପଟକୁ ମୁହଁ କରି  ଛିଡ଼ା  ହୋଇଥିବା ଏକ ଟ୍ରଲର ନଂ ସି ଜି ୦୭ ବି ଟି ୮୬୮୪ ସହ ବାଇକ୍  ଧକ୍କା ହୋଇ ଦୁଇ ଜଣେ ଯୁବକ ଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛନ୍ତି ।  ଘଟଣା ସୂତ୍ରରୁ ଜଣା ପଡ଼ିଛି ଯେ  ଜହ୍ନାପଡା  ଗ୍ରାମ  ମୁଲାର ବନ୍ଧ ପଡ଼ା ର ଯୁବକ ସୁଶିଲ ଦୀପ (୨୫) ଓ  ଗୁଦ୍ଦୂ  ମୃରଚୁଲିଆ  ଏକ ବାଇକ୍ ନଂ  ଓ ଡି ୧୭ ଭି  ୬୮୨୫  ରେ ନିଜ ଗ୍ରାମ ଅଭିମୁଖେ ଯାଉଥିବା ବେଳେ    ଟ୍ରଲର ରେ  ଧକ୍କା ହୋଇ ପଡ଼ିଯାଇଥିଲେ ।ଘଟଣା ସ୍ଥଳରେ ସୁଶିଲ ଙ୍କ ମୃତ୍ୟୁ ଘଟିଥିବା ବେଳେ  ଗୁବ୍ଦୁ ଗୁରୁତର ହୋଇଛନ୍ତି ।ଖବର ପାଇ ଅତାବିରା ପୋଲିସ ପହଞ୍ଚି  ଗୁରୁତର କୁ  ଚିକିତ୍ସା ପାଇଁ ପଠେଇଥିବା ବେଳେ  ମୃତ ଶରୀରକୁ ବ୍ୟବଚ୍ଛେଦ ପାଇଁ ବୁର୍ଲା ପଠେଇଛି ।    ମୃତକ ଙ୍କ  ପରିବାର ବର୍ଗ ଙ୍କ ସହ ଗ୍ରାମର ଶତାଧିକ ମହିଳା ଓ ପୁରୁଷ

ଜାତୀୟ ରାଜପଥ  ରେ  କ୍ଷତିପୂରଣ ଦାବିରେ  ରାସ୍ତା  ଅବରୋଧ କରିଥିଲେ । ସନ୍ଧ୍ୟା ୫ ଟା ରୁ ଦୀର୍ଘ ସମୟ ଧରି  ଜାତୀୟ ରାଜପଥ ଅବରୋଧ ରହିବା ଯୋଗୁଁ ଉଭୟ ପାର୍ଶ୍ଵରେ ୩ କିମି ପର୍ଯ୍ୟନ୍ତ ଜଣ ବହନ ସବୁ ଅଟକି ରହିବା ସହ ବାସ ରେ ଯାତାୟାତ କରୁଥିବା ନାହିଁ ନଥିବା ସମସ୍ୟାର ସମ୍ମୁଖୀନ ହୋଇଥିଲେ ।ଖବର ପାଇ ବରଗଡ଼  ଡି ଏସ ପି  ପଦାରବିନ୍ଦ ତ୍ରିପାଠୀ, ବରଗଡ଼ ଟାଉନ ଥାନା ଅଧିକାରୀ  ସତ୍ୟଜିତ  ତାନ୍ଦଳକେଲ, ଅତାବିରା ତହସିଲଦାର, ଅତିରିକ୍ତ ତହସିଲଦାର  ଅଙ୍କିତ ପଣ୍ଡା, ଥାନା ଅଧିକାରୀ ସୁକୁମାର ତ୍ରିପାଠୀ  ଘଟଣା ସ୍ଥଳକୁ ପହଞ୍ଚି ଥିଲେ । ରାତି ୯ ଟl ପର୍ଯ୍ୟନ୍ତ ରାସ୍ତା ବନ୍ଦ ରହିଥିଲା ।କ୍ଷତିପୂରଣ ନ  ରାସ୍ତାରୁ  ଉଠିବେ ନାହିଁ ବୋଲି ପରିବାର ଉତ୍ୟକ୍ତ ହୋଇ ଅଡି  ବସିଥିଲେ ।ପରେ ରେଡକ୍ରସ୍ ପାଣ୍ଠି ରୁ ୨୦ ହଜାର ଟଙ୍କା କ୍ଷତିପୂରଣ  ଦେବା  ପାଇଁ ପ୍ରତିଶ୍ରୁତି ପରେ ରାସ୍ତା  ରୁ ହଟିଥିଲେ  ।  ଦୀର୍ଘ ୪ ଘଣ୍ଟା   ଧରି ରାସ୍ତା ଅବରୋଧ ଯୋଗୁଁ ହଜାର ହଜାର ସଂଖ୍ୟକ ଗାଡ଼ି ଅଟକି ରହିଥିଲା ।ତେଣୁ  ରାସ୍ତା ଅବରୋଧ ହଟି ବା  ର  ବହୁ ସମୟ  ଯାତାୟାତ ସ୍ଵାଭାବିକ  ହୋଇଥିଲା ।