07-Dec-2024

ବଲାଙ୍ଗିର: ଜିଲ୍ଲାସ୍ତରୀୟ ୧୦୦ ଦିନିଆ ଯକ୍ଷ୍ମା ମୁକ୍ତ ସ୍ବତନ୍ତ୍ର ଅଭିଯାନ ଆଜି ଜିଲ୍ଲା ମୁଖ୍ୟ ଭେଷଜ ଓ ଜନ ସ୍ବାସ୍ଥ୍ୟ ଅଧିକାରୀଙ୍କ କାର୍ଯ୍ୟାଳୟଠାରେ ଜିଲ୍ଲା ପରିଷଦ ଅଧକ୍ଷା ଶ୍ରୀମତୀ ଦେବକୀ ସାହୁଙ୍କ ଦ୍ବାରା ଶୁଭଉଦ୍ଘାଟନ ହୋଇଛି । ପ୍ରଚାର ପ୍ରସାର କରିବା ପାଇଁ ଆଜି ତିନିଗୋଟି ସଚେତନତା ଗାଡି ମୁଖ୍ୟ ଭେଷଜ ଓ ଜନ ସ୍ବାସ୍ଥ୍ୟ ଅଧି କାରୀଙ୍କ କାର୍ଯ୍ୟାଳୟ ପରିସରରୁ ସବୁଜ ପତାକା ଦେଖାଇ ଶୁଭାରମ୍ଭ କରଯାଇଥିଲା । ଏହା ପରେ ଏକ ଜିଲ୍ଲା ସ୍ତରୀୟ ସଚେତନତା ସଭା ଜାତୀୟ ସ୍ବାସ୍ଥ୍ୟ ମିଶନ ସଭା ଗୃହରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ବଲାଙ୍ଗିର ଜିଲ୍ଲାପାଳ ଶ୍ରୀ ଗୌରୱ ଶିୱାଜୀ ଇସାଲୱାର , ସ୍ବାସ୍ଥ୍ୟ ମନ୍ତ୍ରୀଙ୍କ ପ୍ରତିନିଧ୍ , ରାଜ୍ୟ ସଭା ସାଂସଦଙ୍କ ପ୍ରତିନିଧ୍ , ଜିଲ୍ଲା ମୁଖ୍ୟ ଭେଷଜ ଓ ଜନ ସ୍ବଥ୍ୟ ଅଧିକାରୀ ଡ଼ା ରମେଶ ଚନ୍ଦ୍ର ସାହୁ , ଅତିରିକ୍ତ ଜିଲ୍ଲା ଜନ ସ୍ବାସ୍ଥ୍ୟ ଅଧିକାରୀ ( ଯକ୍ଷ୍ମା ) ଡ଼ା ସିଦ୍ଧେଶ୍ଵର ମାଝୀ , ଅତିରିକ୍ତ ଜିଲ୍ଲା ଜନ ସ୍ବାସ୍ଥ୍ୟ ଅଧିକାରୀ ( ରୋଗ ନିୟନ୍ତ୍ରଣ ) ଡ଼ା ନମିତା ମିଶ୍ର , ଜିଲ୍ଲା ପ୍ରକଳ୍ପ ପରିଚାଳକ(ଜାତୀୟ ସ୍ବାସ୍ଥ୍ୟ ମିଶନ) ମୃତ୍ୟୁଞ୍ଜୟ ମୁଣ୍ଡ ଉପସ୍ଥିତ ରହି କାର୍ଯ୍ୟକ୍ରମର ଗୁରୁତ୍ବ ଉପରେ ଆଶା କର୍ମୀ ମାନଙ୍କୁ ବୁଝାଇଥିଲେ । ଏହି ୧୦୦ ଦିନିଆ ଯକ୍ଷ୍ମା ମୁକ୍ତ ଅଭିଯାନରେ ତିନିଗୋଟି ଗାଡି ଜିଲ୍ଲାର ସମସ୍ତ ବ୍ଲକରେ ପ୍ରଚାର ଓ ପ୍ରସାର କରିବା ସହିତ ଏ ସମ୍ପର୍କୀତ ସଚେତନତା ପତ୍ରିକା ଗାଁ ଗାଁରେ ବଣ୍ଟନ କରିବେ । ଆଶା କର୍ମୀମାନେ ଘରକୁ ଘର ବୁଲି ସନ୍ଦିଗ୍ଧ ଯକ୍ଷ୍ମା ରୋଗୀଙ୍କୁ ଚିହ୍ନଟ କରିବେ ଏବଂ ଯକ୍ଷ୍ମା ରୋଗର ସଫଳ କାହାଣୀ ମାଧ୍ୟମରେ ଜନସାଧାରଣଙ୍କୁ ସଚେତନ କରାଇବେ । ଏହା ଦ୍ବାରା ଜିଲ୍ଲାର ଲକ୍ଷ ଧାର୍ଯ୍ୟ ହୋଇଥିାବା ସମସ୍ତ ଯକ୍ଷ୍ମା ରୋଗୀଙ୍କୁ ଚିହ୍ନଟ କରିବା ସହିତ ମୁକ୍ତ ଯକ୍ଷ୍ମା ପରୀକ୍ଷା ଓ ଚିକିତ୍ସା କରାଯିବ । ଏହି ଅଭିଯାନ ଆସନ୍ତା ମାର୍ଚ -୨୦୨୪ ଜାତୀୟ ଯକ୍ଷ୍ମା ଦିବସ ଦିନ ଉଦଯାପିତ କରାଯିବ । ବଲାଙ୍ଗିର ଜିଲ୍ଲା ସହିତ ରାଜ୍ୟର ଅନ୍ୟ ୧୮ ଗୋଟି ଜିଲ୍ଲାରେ ଏହି ୧୦୦ ଦିନିଆ ସ୍ବତନ୍ତ୍ର ଯକ୍ଷ୍ମା ମୁକ୍ତ ଅଭିଯାନ କାର୍ଯ୍ୟ କ୍ରମ ଶୁଭାରମ୍ଭ କରାଯାଇଅଛି ।