07-Dec-2024

ତରଭା(କପିଳାସ ସେଠ) ସୋନପୁର ଜିଲ୍ଲା ତରଭା ବ୍ଲକ ଅଞ୍ଚଳ ଦେଇ ପ୍ରତ୍ୟେକ ଦିନ ଗଞ୍ଜେଇ ଅନ୍ଯ ଜିଲ୍ଲା ଓ ରାଜ୍ଯ ମାନଙ୍କୁ ଚୋରାଚାଲାଣ ହୋଇ ଗଞ୍ଜେଇ ଚୋରା ଚାଲାଣର କରିଡର ପାଲଟିଛି I ଦଲାଲଙ୍କ ସହଯୋଗିତା ହେଉ ଅବା ନିଶା ମାଫିଆଙ୍କ ଚତୁରତା ନେଇ ଅନେକ ସମୟରେ ପୋଲିସ ଟେର ପାଇପାରୁ ନାହିଁ I ଅନ୍ୟ ପଟେ ତରଭା ପୋଲିସ ଗଞ୍ଜେଇ ଧରୁଛି କିନ୍ତୁ ଗଞ୍ଜେଇ ଚୋରା ଚାଲାଣ ଆସାମୀ ପୋଲିସ ଆଖିରେ ଧୂଳି ଦେଇ ଫେରାର ମାରୁଛି I ତରଭା ପୋଲିସ ପକ୍ଷରୁ ଦିଆ ଯାଇଥିବା ସୂଚନା ଅନୁଯାୟୀ ଗତ ଗୁୁରୁବାର ୫/୧୨  ତାରିଖ ଦିନ ତରଭା ଥାନା ସବ ଇନ୍ସପେକ୍ଟର ମାରୁତ ଚନ୍ଦ୍ର ପ୍ରଧାନଙ୍କ ସହିତ କମସରା ଫାଣ୍ଡି ଅଧିକାରୀ ଗଜାନନ ବେହେରା, କନେଷ୍ଟବଳ ନାରାୟଣ ଭୋଇ, ପ୍ରକାଶ ଧରୁଆ, ନାରାୟଣ ଭଞ୍ଜ ଓ ଶକ୍ତି ଭେଷରା ପ୍ରମୁଖ ସି°ଘାରୀ ଅଞ୍ଚଳରେ ପେଟ୍ରୋଲିଙ୍ଗ କରୁଥିବା ବେଳେ ସି°ଘାରୀ ହାଇସ୍କୁଲ ପାଖରେ ଗଞ୍ଜେଇ ଥିବା କୌଣସି ବିଶ୍ବସ୍ତ ସୂତ୍ରରୁ ଖବର ପାଇଥିଲେ।  ପୁଲିସ ଦଳ ଉକ୍ତ ସ୍ଥାନ କୁ ଯାଇ ଏକସ୍ଥାନ ରେ ଗଞ୍ଜେଇ ଥିବାର ଦେଖିବାକୁ ପାଇଥିଲେ। ପୁଲିସ ଦଳକୁ ଦେଖି ସେଠାରେ ଥିବା ଜଣେ ବ୍ଯକ୍ତି ଗଞ୍ଜେଇ ଓ ସ୍କୁଟି ଛାଡି ଫେରାର ହୋଇ ଯାଇ ଥିଲା। ପୁଲିସ ସେଠାରେ ପହଞ୍ଚି ୫ ଗୋଟି ଜରି ବ୍ୟାଗରେ ଥିବା ଗଞ୍ଜେଇ ଓ  ଓଡି ୦୩ ଏସି ୩୮୦୮ ନମ୍ବର ବ୍ରାଉନ କଲରଏକ  ସ୍କୁଟି କୁ ଜବତ କରି ଥାନାକୁ ଆଣିଥିଲେ। ଥାନା ରେ ମାଜିଷ୍ଟ୍ରେଟ ଦାୟିତ୍ବରେ ଥିବା ଅତିରିକ୍ତ ତହସିଲଦାର ଦିପ୍ତୀମୟୀ ଭୁଏ ଙ୍କ ଉପସ୍ଥିତି ରେ ଉକ୍ତ ଗଞ୍ଜେଇ ଓଜନ କରା ଯିବରୁ  ତାହା ୬୯ କେଜି ୬୦୦ ଗ୍ରାମ ହୋଇଥିଲା। ପୁଲିସ ଛାନଭିନ କରିବାରୁ ଉକ୍ତ ସ୍କୁଟି ଗୋଟିକ ଜୁନାନୀ ଗ୍ରାମର ଜିତୁ ସୁନା ର ବୋଲି ଜାଣିବାକୁ ପାଇଛି। ତଦନ୍ତ ପରେ ଜିତୁ ସୁନା ଅଭିଯୁକ୍ତ ବୋଲି ଜଣା ପଡିଲେ ତାକୁ ଗିରଫ କରାଯିବ ବୋଲି ଆଇଆଇସି ଅନିତା କିଡୋ ପ୍ରକାଶ କରିଥିବା ସହିତ 

ଏସ୍. ଆଇ ଲମ୍ବୋଦର ଡାଙ୍ଗଙ୍କୁ ତଦନ୍ତ ଦାୟିତ୍ୱ ଦିଆଯାଇ ଥିବାର ପ୍ରକାଶ କରିଛନ୍ତି। ଗଞ୍ଜେଇ ଜବତ ହେବା, ବିଭିନ୍ନ ମାମଲାରେ ଅଭିଯୁକ୍ତ, ଆସାମୀ ଗିରଫ ହେବା କିଛି ଦିନ ପରେ ଗଣମାଧ୍ୟମରେ ସୂଚନା ଦିଆ ଯାଉଛି I ବିଶେଷ କରି ଗଞ୍ଜେଇ ମାମଲା ବେଶୀ ବେଶୀ ହେଉଛି I ଯଦି ସୂଚନା ପାଇଁ ଯୋଗାଯୋଗ କଲେ ଜିଲ୍ଲାସ୍ତରରେ ପ୍ରେସ ଇସ୍ତାହାର ଦିଆ ଯାଉଛି I ଏନେଇ ବିଭିନ୍ନ ମହଳରେ ପୋଲିସ କାର୍ଯ୍ୟ ନେଇ ଅସନ୍ତୋଷ ପ୍ରକାଶ ପାଉଛି I