03-Dec-2024

(ତ୍ରିନାଥ ବେଶ୍ରା)
ପାଣି ପାଇଁ ତାତିଲେ ଚାଷୀ, ରାଜ ରାସ୍ତାରେ ବସିବା ସହ ରାସ୍ତା ଅବରୋଧ କଲେ ଅନ୍ନଦାତା l କୋକସରା ବ୍ଲକ ମୋଟେରଠାରେ ଜାତୀୟ ରାଜପଥ ୨୬ ଆବାରୋଧ କଲେ ଚାଷି।କଳାହାଣ୍ଡି ଜିଲ୍ଲା କୋକସରା ବ୍ଲକକୁ ଉପର ଇନ୍ଦ୍ରାବତୀ ଜଳସେଚନ ପ୍ରକଳ୍ପର କେନାଲ ଓ ଉଠା ଜଳସେଚନ ପ୍ରକଳ୍ପ ଜରିଆରେ ଚକିତ ରବି ରୁତୁ ପାଇଁ ଜଳ ଯୋଗାଣ ନେଇ ରାସ୍ତା ଆବରୋଧ କଲେ ଚାଷୀl ପ୍ରଶାସନ ଓ ଉପର ଇନ୍ଦ୍ରାବତୀ ଜଳସେଚନ ପ୍ରକଳ୍ପ ଅଧିକାରୀଙ୍କ ସହ ଆଲୋଚନା କରି ବିଫଳ ଓ ଜଳ ଯୋଗାଣ ଅନିଶ୍ଚିତ ହେବାରୁ ଜୟପୁର ଭବାନୀପାଟଣା ମୁଖ୍ୟରାସ୍ତା ଅବରୋଧ କଲେ ଚାଷିl ଭବାନୀପାଟଣା ଜୟପୁର ମଧ୍ୟରେ ଯାତାୟାତ ଠପ୍ । 
ଏଠାରେ ପ୍ରକାଶ ଯେ’ କୋକସରା , ଜୟପାଟଣା ଓ ଧର୍ମଗଡ ବ୍ଲକରେ ଉପର ଇନ୍ଦ୍ରାବତୀ ଉଠା ଜଳସେଚନ ପ୍ରକଳ୍ପ ଜରିଆରେ ୨୬ ହଜାର ହେକ୍ଟର ଚାଷ ଜମିରେ ଚାଷ ହେଉଥିବା ବେଳେ ସର୍ବାଧିକ ୨୮କିମି କେନାଲ ରହିଛି ଏହି ବ୍ଲକ ଗୁଡିକରେ। ହେଲେ ଏହି ବ୍ଲକର ଚାଷି ଚକିତ ରବି ରୁତୁ ପାଇଁ ଜଳ ଯୋଗାଣରୁ ବଞ୍ଚିତ ହୋଇଛି ଅଥଚ ଇନ୍ଦ୍ରାବତୀର ପାଣି ଶିଳ୍ପକୁ ଦିଆଯାଉ ଥିବାକୁ ବିରୋଧ କରିଛି ଚାଷି । 
ଏହି ରାସ୍ତା ରୋକ ଆନ୍ଦୋଳନରେକୋକସରାବ୍ଲକ କୃଷକସଂଗଠନ ସଭାପତି ଶିବ ପ୍ରସାଦ ପ୍ରଧାନୀ, ବ୍ଲକ ଉପlଦକ୍ଷ୍ୟ ରାଜୀବ କୁମାର ଅଗ୍ରୱାଲ, ଙ୍କ ଉପସ୍ଥିତ ରେ କୋକସରା ବ୍ଲକ ର ଚାଷୀଙ୍କ ଆନ୍ଦୋଳନକୁ ସମର୍ଥନ କରି ପାଣି ପାଇଁ କଲମପୁର ଓ ଜୟପାଟଣା ବ୍ଳକର ଶହ ଶହ ଚାଷୀ ସାମିଲ ହୋଇଛନ୍ତି। ଘଟଣା ସ୍ଥଳରେ କୋକସରା ତହସିଲଦାର, ଧର୍ମଗଡ ଉପଖଣ୍ଡ ପୋଲିସ୍ ଅଧିକାରୀ ଘଟଣା ସ୍ଥଳରେ ପହଞ୍ଚିଛନ୍ତି l ସେମାନଙ୍କ ଦାବୀ ପୁରାଣ ନ ହେଲେ ଆଗାମୀ ଦିନରେ ଚାଷୀ ସମସ୍ତ ସରକାରୀ କାର୍ଯ୍ୟାଳୟ ଅଚଳ କରିବୁ ବୋଲି କହିଛନ୍ତି l ଚାଷୀ ଙ୍କ ଏହି ଆନ୍ଦୋଳନକୁ ସମର୍ଥନ କରି ମହିଳା ଚାଷୀ ମାନେ ମଧ୍ୟ ସାମିଲ ହୋଇଛନ୍ତି l