03-Dec-2024

ତୁରେକେଲା(କୈଳାସ ସଗ୍ରିଆ)ଗତ ଡ଼ିସେମ୍ବର ୨ତାରିଖ ସୋମବାର ଦିନ ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଅନ୍ତର୍ଗତ ହିଆଲ ଗ୍ରାମପଞ୍ଚାୟତ ସଭା ଗୃହରେ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମିଣ ) ଅଧିନସ୍ଥ ନୂତନ ସର୍ଭେ ସମ୍ପର୍କରେ ସୂଚନା କାର୍ଯ୍ୟକ୍ରମ ଆରମ୍ଭ ହୋଇଯାଇଛି। ଏହି କାର୍ଯ୍ୟକ୍ରମ ରେ କେନ୍ଦ୍ର ସରକାର ଓ ରାଜ୍ୟ ସରକାରଙ୍କ ପ୍ରଧାନ ମନ୍ତ୍ରୀ ଆବାସ ଯୋଜନାରେ କେଉଁମାନେ ଆବାସ ପାଇବା ଯୋଗ୍ୟ ଓ କେଉଁମାନେ ଆବାସ ପାଇବା ରେ ଅଯୋଗ୍ୟ ଏବଂ ନୂତନ ସର୍ଭେ ସମ୍ପର୍କରେ ପଞ୍ଚାୟତ ନିର୍ବାହି ଅଧିକାରୀ ସତ୍ୟ ଝାଙ୍କର ଟିକିନିଖି ଭାବରେ ଗ୍ରାମପଞ୍ଚାୟତ ଅନ୍ତର୍ଗତ ବିଭିନ୍ନ ଗାଁ ଗୁଡ଼ିକରୁ ଉପସ୍ଥିତ ଥିବା ହିତାଧିକାରୀ ଙ୍କୁ ବୁଝାଇ କହିଥିଲେ। କେନ୍ଦ୍ର ସରକାର ଓ ରାଜ୍ୟ ସରକାରଙ୍କ ନିୟମ ଅନୁସାରେ ପୂର୍ବର ସମସ୍ତ ସର୍ଭେ କେବଳ କ୍ଷେତ୍ର କର୍ମଚାରୀ ଙ୍କ ଦ୍ଵାରା ହେଉଥିବା ସ୍ଥଳେ, ଚଳିତ ସର୍ଭେ ରେ ଆଶାୟୀ ପରିବାର ମଧ୍ୟ ଆବାସ ଗୃହ ପାଇବାରେ ନିଜର ସର୍ଭେ କରିପାରିବେ,ଏହି ସର୍ଭେ ର ଏକ ପ୍ରମୂଖ ବିଶେଷତ୍ବ।ଏହା ଦ୍ଵାରା ଯୋଗ୍ୟ ହିତାଧିକାରୀଙ୍କର ସର୍ଭେରୁ ବାଦ୍ ପଡିବା ଆଶଙ୍କା ଦୂର ହୋଇ ପାରିବ ଓ ସେମାନେ ତାଳିକା ଭୁକ୍ତ ହୋଇପାରିବେ ବୋଲି ବିଭିନ୍ନ ବିଷୟ ସବୁ ବୁଝାଇ କହିଥିଲେ।ଏହି କାର୍ଯ୍ୟକ୍ରମ ରେ ସରପଞ୍ଚ, ସମିତି ସଭ୍ୟ,ନାଏବ ସରପଞ୍ଚ, ସମସ୍ତ ୱର୍ଡ ମେମ୍ବର ସଦସ୍ୟ ସଦସ୍ୟା ପ୍ରମୂଖ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମ ରେ ପ୍ରାୟ ଶହେ ସ°ଖ୍ୟାରେ ହିତାଧିକାରୀ ମାନେ ଉପସ୍ଥିତ ହୋଇଥିଲେ।