02-Dec-2024

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲା କଣ୍ଟାମାଳ ପଞ୍ଚାୟତ ମହାବିଦ୍ୟାଳୟ ଠାରେ ମାନବ ସେବା ସଦନ ରୁଗୁଡ଼ିପାଲି ଏବଂ ଯୁବ ରେଡକ୍ରସ୍ ପଞ୍ଚାୟତ ମହାବିଦ୍ୟାଳୟ, କଣ୍ଟାମାଳର ମିଳିତ ଆନୁକୂଲ୍ୟରେ ଏକ ସ୍ଵେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ବୁର୍ଲା ଭୀମସାର ରକ୍ତ ଭଣ୍ଡାର ବିଶେଷଜ୍ଞ ମାନଙ୍କ ଦ୍ୱାରା ରକ୍ତ ସଂଗୃହିତ କରାଯାଇଥିବା ବେଳେ ସର୍ବମୋଟ ୪୩ ୟୁନିଟ ରକ୍ତ ସଂଗୃହିତ ହୋଇଥିଲା l ସାଂସଦ ପ୍ରତିନିଧି ଦୀପକ ବାରିକ ମୁଖ୍ୟଅତିଥି ଏବଂ ଶ୍ରୀକାନ୍ତ ମିଶ୍ର ସମ୍ମାନିତ ଅତିଥି ଭାବେ ଯୋଗଦେଇ ଶିବିରକୁ ଉଦଘାଟନ କରିଥିଲେ l ପରେ କଲେଜ ପରିଚାଳନା କମିଟି ସଭାପତି ଭବାନୀ ଶଙ୍କର ରାଉତଙ୍କ ସଭାପତିତ୍ୱରେ ଅନୁଷ୍ଠିତ ସଚେତନତା ସଭାରେ ରେଡକ୍ରସ ପରାମର୍ଶଦାତା ଉମାକାନ୍ତ ନାୟକ ମୁଖ୍ୟଅତିଥି, କଲେଜ ଅଧ୍ୟକ୍ଷ ବସନ୍ତ କୁମାର ପଟ୍ଟନାୟକ, ଡାକ୍ତର କାହ୍ନୁଚରଣ ପାଢ଼ୀ, ସମାଜସେବୀ ଶୀତିକାନ୍ତ ମିଶ୍ର, ସମ୍ମାନିତ ଅତିଥି ଭାବେ ଯୋଗଦେଇ ରକ୍ତଦାତାଙ୍କୁ ଦିଗଦର୍ଶନ ଦେଇଥିଲେ l ମାନବ ସେବା ସଦନ ସଂଗଠନ ସଭାପତି ବଳରାମ ବାଘ ସଭାର ଉଦ୍ଧେଶ୍ୟ ବିଷୟରେ କହିଥିଲେ l ଅଧ୍ୟାପକ ସମୀର ମେହେର ଅତିଥି ପରିଚୟ ଓ ଛାତ୍ରନେତା ସାହିଲ ସାହୁ ପରିଚାଳନା କରିଥିଲେ l ସଙ୍ଗଠନ ସଦସ୍ୟ ରଞ୍ଜନ କୁମାର ପାତ୍ର ଧନ୍ୟବାଦ ଦେଇଥିଲେ l ଆଦିବାସୀ ନେତା ଡମ୍ବରୁଧର କହଁର, ମାନବ ସେବା ସଦନ ସଙ୍ଗଠନର ସମସ୍ତ ସଦସ୍ୟ, ଯୁବରେଡକ୍ରସ ସଦସ୍ୟ ଏବଂ କଲେଜର ସମସ୍ତ କର୍ମଚାରୀ ଓ ଛାତ୍ରଛାତ୍ରୀ ସହଯୋଗ କରିଥିଲେ l