02-Dec-2024

ନବରଙ୍ଗପୁର (ମିହିର ଶଙ୍କର ପାତ୍ର,)
 ଡାବୁଗାଁ ବ୍ଳକରେ ଥିବା ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟ ରେ ଗତ କାଲି ରବିବାର ଛୁଟି ଦିବସ ପଡିଥିବାରୁ କାଲିର କାର୍ଯ୍ୟକ୍ରମକୁ ଆଜି ଛାତ୍ରଛାତ୍ରୀ ମାନଙ୍କ ଦ୍ଵାରା ମହାଆଡମ୍ବର ରେ ବିଶ୍ଵ ଏଡସ୍  ଦିବସ ପାଳିତ ହୋଇଯାଇଛି l ଏହି ଅବସରରେ ଉକ୍ତ ବିଦ୍ୟାଳୟ ପରିସରରୁ ଛାତ୍ରଛାତ୍ରୀମାନେ ବିଶ୍ଵ ଏଡସ୍ ଦିବସ ବ୍ୟାନର ଧରି ହାତରେ ଏଡସ୍ ସଚେତନତା ର ପ୍ଲା କାର୍ଡ ଧରି ଏଡସ୍ ସଚେତନତା ର ନାରା ଦେଇ ଡାବୁଗାଁ ସହର ପରିକ୍ରମା କରି ବିଦ୍ୟାଳୟ କୁ ଫେରିଥିଲେ। ପରେ ବିଦ୍ୟାଳୟ ର ଏକ ଗୃହରେ ସଚେତନତାର ଏକ ସଭା ଆୟୋଜନ କରାଯାଇ ଥିଲା lଉକ୍ତ ସଭାରେ ସମ୍ପୃକ୍ତ ବିଦ୍ୟାଳୟର ଅଧ୍ୟକ୍ଷ ରମେଶ ଚନ୍ଦ୍ର ନାହାକଙ୍କ ସଭାପତିତ୍ବ କରିଥିଲେ। ଏଡସ୍ ରୋଗୀ ଙ୍କୁ ଘୃଣା ନକରି ନିଜର ଭାବି ସରଳ ବ୍ୟବହାର କରିବା,ଏଡସ୍ ଛୁଆଁ ରୋଗ ନୂହେଁ, ଡାକ୍ତରଖାନାରେ ଇଞ୍ଜେକସନ୍ ନେବା ବେଳେ ନୂଆ ସିରିଞ୍ଜ ବ୍ୟବହାର, ଚୁଟି ଓ ଦାଢ଼ି କାଟିବା ବେଳେ ରକ୍ତ ଲାଗିଥିବା ବ୍ଲେଡ ଓ କଇଁଚି ପରିଷ୍କାର କରି କିମ୍ବା ନୂତନ ବ୍ଲେଡ ବ୍ୟବହାର କରିବା ପ୍ରତି ଧ୍ୟାନ ଦେବା ଆବଶ୍ୟକ।ଏଡସ୍ ପ୍ରତି ସଚେତନ ହେବା,ଏଡସ୍ ର ଭୟାବହତl,ଏହି ଭୁତାଣୁ ର ଅବସ୍ଥାନ, ସଂକ୍ରମଣର ମାଧ୍ୟମ, ଏଡସ୍ ନିବାରଣର ଆବଶ୍ୟକତା, ଏଡସ୍ ନିବାରଣ ଶିକ୍ଷାର ଲକ୍ଷ୍ୟ, ଏହିରୋଗର ଲକ୍ଷଣ, ଚିକିତ୍ସା ପ୍ରଣାଳୀ ଏବଂ ଏହି ରୋଗ ସଂକ୍ରମଣ ବିଷୟରେ ନିଜେ ବୁଝିବା ସହ ଅନ୍ୟକୁ ବି ବୁଝାଇବା ଏଵଂ ସତର୍କତା ରହିବା ଆବଶ୍ୟକ।