30-Nov-2024

ବରଗଡ:(ନିରଞ୍ଜନ ତ୍ରିପାଠୀ)-ଅମ୍ବାଭୋନା ବ୍ଳକ ଭୁକ୍ତା ଜନତା ସରକାରୀ ଉଚ୍ଚ ବିଦ୍ୟାଳୟର ଧନ୍ଦାମୂଳକ ଶିକ୍ଷାର୍ଥୀଙ୍କ ଖୁଚୁରା ବ୍ୟବସାୟ ପ୍ରତିଷ୍ଠାନ ପରିଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ପରିପ୍ରେକ୍ଷୀରେ ବିଦ୍ୟାଳୟର ପ୍ରଧାନ ଶିକ୍ଷକ ଦୁର୍ଗା ପ୍ରସାଦ ନାୟକଙ୍କ ତତ୍ତ୍ଵାବଧାନରେ ଉକ୍ତ ବିଦ୍ୟାଳୟ ର ଛାତ୍ରଛାତ୍ରୀମାନେ ଭୁକ୍ତା ସ୍ଥିତ ଶ୍ରୀ ଶିଭମ ସୁପର ମାର୍ଟ କୁ ଶୈକ୍ଷିକ ଶିଳ୍ପ ପରିଭ୍ରମଣ କରିଥିଲେ। ବ୍ୟବସାୟ ପ୍ରତିଷ୍ଠାନ ର ପରିଚାଳକ ଶ୍ରୀ ସୁରେଶ ପଟେଲ ପରିଚାଳନା  ବିଷୟରେ ଛାତ୍ରଛାତ୍ରୀମାନଙ୍କୁ ଅବଗତ କରାଇଥିଲେ ଏବଂ ପଣ୍ୟଦ୍ରବ୍ୟ କୁ କିପରି ସଜାଇ ରଖିବା, ଗ୍ରାହକ ମାନଙ୍କ ର ଆବଶ୍ୟକତାକୁ ଗୁରୁତ୍ବ ଦେବା, ବାରକୋଡ଼ ଦ୍ଵାରା ସ୍କାନ ସହିତ ଅନଲାଇନ ମାଧ୍ୟମ ରେ ଟଙ୍କା ଦେବା ବାବଦରେ ବୁଝାଇଥିଲେ।ଏହି କାର୍ଯ୍ୟକ୍ରମରେ ଧନ୍ଦାମୂଳକ ପ୍ରଶିକ୍ଷକ ସୁବାସ ଚନ୍ଦ୍ର ଖମାରୀ, ସହକାରୀ ଶିକ୍ଷକ ଶ୍ରୀପତି ସାହୁ, ତେଜରାମ ସା, ପଦ୍ମଲୋଚନ ବିଶି ଏବଂ ବିଦ୍ୟାଳୟ ର ସ୍କୁଲ ମ୍ୟାନାଜିଂ କମିଟି ର ଚେୟରମେନ ସାନନ୍ଦ ଦେହେରୀ ସହଯୋଗ କରିଥିଲେ।