30-Nov-2024

ଗତ ୩ ବର୍ଷ ମଧ୍ୟରେ ଗଞ୍ଜାମ ଜିଲ୍ଲାର ପାଟପୁର ଥାନା ଅଞ୍ଚଳରେ ଆଇନ୍ ଶୃଙ୍ଖଳା ବ୍ୟବସ୍ଥା ବହୁତ ସୁଦୃଢ ହୋଇଛି। ଯାହାକି ଆଜି ଭୁବନେଶ୍ୱରରେ ଅନୁଷ୍ଠିତ ସର୍ବଭାରତୀୟ ଡିଜି ସମ୍ମିଳନୀରେ ଗୃହ ମନ୍ତ୍ରୀ ଅମିତ୍ ଶାହା ପାଟପୁର ଥାନା କୁ ଦେଶର ସର୍ବଶ୍ରେଷ୍ଠ ଦ୍ଵିତୀୟ ଥାନା ଭାବେ ପୁରସ୍କୃତ କରିଛନ୍ତି। ଆଜିର ଏହି ସମ୍ମିଳନୀରେ ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲ ପୁରସ୍କାର ଗ୍ରହଣ କରିଛନ୍ତି। ପ୍ରକାଶ ଥାଉକି ଥାନା ଅଧିକାରୀ ସବ୍ୟସାଚୀ ମଲ୍ଲ ଗତ ୨୦୨୧ ଠାରୁ ୨୦୨୩ ପର୍ଯ୍ୟନ୍ତ ଥାନା ଅଧିକାରୀ ଭାବେ କାର୍ଯ୍ୟ କରି ଅଞ୍ଚଳର ବହୁ ନିଶା ବ୍ୟବସାୟୀ ଓ ଅସାମାଜିକଙ୍କ କାର୍ଯ୍ୟକ୍ରମ କୁ ଦୃଢ ହସ୍ତରେ ଦମନ କରି ବିପର୍ଯ୍ୟସ୍ତ ଆଇନଶୃଙ୍ଖଳା ରେ ସୁଧାର ଆଣି ପ୍ରଶଂସନୀୟ ହୋଇଥିଲେ। ଆଜି ପାଟପୁର ଥାନା ପୁରସ୍କୃତ ହେବା ପରେ ସାରା ରାଜ୍ୟରେ ଅଧିକାରୀ ସବ୍ୟସାଚୀ ମଲ୍ଲ ଙ୍କୁ ପ୍ରଶଂସା ର ସୁଅ ଛୁଟିଛି।

(■କୈଳାଶ ଚନ୍ଦ୍ର ଚୌଧୁରୀଙ୍କ ରିପୋର୍ଟ)