28-Nov-2024

ବଲାଙ୍ଗୀର(ପ୍ରେରଣା ଖବର): ପି.ପି ଏକାଡେମୀ ଡ଼ାଇମଣ୍ଡ ଜୁବଲି କମିଟି ସାଧାରଣ ପରିଷଦ ବୈଠକ ପ.ପି ଏକାଡେମୀ ସଭାଗୃହ ଠାରେ ଅନୁଷ୍ଠିତ ହୋଇଯାଇଛି l ଆସନ୍ତା ଡିସେମ୍ବର ୨୧ ଓ ୨୨ ତାରିଖ ଦୁଇ ଦିନ ଧରି ସ୍ଥାନୀୟ କୋଶଲ କଳା ମଣ୍ଡଳ ପଡିଆ ଠାରେ ଆୟୋଜିତ ହେବାକୁ ଥିବା ଉତ୍ସବକୁ ସଫଳ କରିବା ଉପରେ ଉପସ୍ଥିତ ପୂରାତନ ଛାତ୍ର ଓ ଜୁବଲି କମିଟିର କର୍ମକର୍ତ୍ତା ମାନେ ବିଭିନ୍ନ ପ୍ରସ୍ତାବ ଦେଇଥିଲେ l ପିପି ଏକାଡେମୀ ବିଭିନ୍ନ ବ୍ୟାଚର ପୂରାତନ ଛାତ୍ର ମାନେ  ଡ଼ାଇମଣ୍ଡ ଜୁବୁଲି ପାଇଁ ପ୍ରାରମ୍ଭିକ ସହାୟତା ରାଶି ପ୍ରଦାନ କରିଥିଲେ l ଏହି ବୈଠକରେ ସ୍ମରଣିକା ପ୍ରକାଶନର ଅଗ୍ରଗତି,  ଚାରୋଟି ଅଧିବେଶନରେ ଆମନ୍ତ୍ରିତ ଅତିଥି ମାନଙ୍କ ଚୟନ, ଆଗକୁ ହେବାକୁ ଥିବା କ୍ରୀଡା ଓ ବିଭିନ୍ନ ପ୍ରତିଯୋଗିତା,  ସେମିନାର, ମିଟ୍ ଦ ଆଲୁମିନି, ଅନ୍ୟାନ୍ୟ  ଆନୁସଙ୍ଗିକ କାର୍ଯ୍ୟକୁ ଯୁଦ୍ଧକାଳୀନ ଭିତ୍ତିରେ ସମାପ୍ତ  କରିବା ଏବଂ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ରୂପରେଖ ଉପରେ ବିସ୍ତୃତ ଆଲୋଚନା ହୋଇଥିଲା l କାର୍ଯ୍ୟକ୍ରମ ଏପରି ସଙ୍ଗଠିତ ଭାବରେ ହେବାକଥା ଯେ, କେହି ବି  ଏହି ଶିକ୍ଷାନୁଷ୍ଠାନ ର ଅନୁଶାସନ, ଶୃଙ୍ଖଳା, କାର୍ଯ୍ୟଦକ୍ଷତା ଏବଂ ପୂର୍ବ ଗୌରବ ଉପରେ ଆଙ୍ଗୁଳି ନିର୍ଦ୍ଦେଶ କରି ପାରିବା କଥା ନୁହଁ ବୋଲି ଉପସ୍ଥିତ ସଭ୍ୟ ମାନେ ଦୃଢ ମତ ରଖିଥିଲେ l ପିପି ଏକାଡେମୀର ପ୍ରଧାନ ଶିକ୍ଷକ ସିନୁ ସୁନ୍ଦର ପାଢୀ ଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକରେ ଆଲୁମିନି କମିଟି ସଭାପତି ସାଏଦ ଅଫତlବ ହୁସେନ୍, ଜୁବୁଲି କମିଟିର ଉପସଭାପତି ହେମନ୍ତ ପଣ୍ଡା, ପ୍ରଭାସ ପାଣିଗ୍ରାହୀ, ସନ୍ତକ ବହିଦାର, ସଭାପତି ଶଶୀ ଭୂଷଣ ପୁରୋହିତ,  ଦତ୍ତାନନ୍ଦ ପଣ୍ଡା, ଫାଇନାନ୍ସ କମିଟିର ଜୟପ୍ରକାଶ ପୁରୋହିତ, ସ୍ମରଣିକା କମିଟିର ମନୋରଞ୍ଜନ ସାହୁ, ରଘୁ ନନ୍ଦନ ସିଂହ ପ୍ରମୂଖ ଆଲୋଚନାରେ ଅଂଶଗ୍ରହଣ କରି ବିଭିନ୍ନ ପ୍ରସ୍ତାବ ଉପସ୍ଥାପନ କରିଥିଲେ l ଏହି ବୈଠକରେ ଶତାଧିକ ପୂରାତନ ଛାତ୍ର ଭାଗ ନେଇଥିଲେ l