28-Nov-2024

ବଲାଙ୍ଗିର(ପ୍ରେରଣାଖବର): ବଲାଙ୍ଗିର ବି ଏସ ଫିଟନେସ ର ପ୍ରଥମ ବାର୍ଷିକ ଉତ୍ସବ ଗତ ତାରିଖ ସ୍ଥାନୀୟ ବି ଏସ ଫିଟନେସ ପରିସରରେ ଅତି ଆନନ୍ଦଉତ୍ସବରେ ପାଳିତ ହୋଇଯାଇଛି l ଉକ୍ତ ଉତ୍ସବରେ ବଲାଙ୍ଗିର ପୌରାଧ୍ୟକ୍ଷା ଲିକା ସାହୁ ମୁଖ୍ୟ ଅତିଥି ରୂପେ ଯୋଗଦାନ କରିଥିଲେ l ବି ଏସ ଫିଟନେସ ର ନିର୍ଦେଶିକା ସୁଶ୍ରୀ ସ୍ଵାତିରାଣୀ ପଟ୍ଟନାୟକ ସଭାପତିତ୍ୱ କରିବା ସହ ବଲାଙ୍ଗିର ସହରର ଏକମାତ୍ର ନିର୍ଭରଶୀଳ ଓ ସୁରକ୍ଷିତ ମହିଳା ଜିମ ବି ଏସ ଫିଟନେସ  ମହିଳା ତଥା ଯୁବତୀ ମାନଙ୍କ ମାନସିକ ତଥା ଶାରୀରିକ ସ୍ୱାସ୍ଥ୍ୟ ପ୍ରତି ଯତ୍ନବାନ ହେବାକୁ ବିଶେଷ ପ୍ରୟାସ କରିଥାଏ ଏବଂ ଏଥିପାଇଁ ଏଠାରେ  କିଶୋରୀ ଠାରୁ ବୃଦ୍ଧl ପର୍ଯ୍ୟନ୍ତ ସମସ୍ତେ ବ୍ୟାୟାମ, ଜୁମ୍ବା, ଏରୋବିକ ତଥା ଯୋଗାଭ୍ୟାସ  କରିଥାନ୍ତି ବୋଲି ପ୍ରକାଶ କରିଥିଲେ l ସଭାକୁ ବୁଲବୁଲ ଅଗ୍ରୱାଲ ଓ କ୍ରିଷ୍ଣା ଭଟ୍ଟାଚାର୍ଯ୍ୟ ସଂଯୋଜନା  କରିଥିଲେ l  ପୌରାଧ୍ୟକ୍ଷା ଲିକା ସାହୁ ବି ଏସ ଫିଟନେସର ପ୍ରୟାସ କୁ ଭୁୟସୀ ପ୍ରଂଶସା କରିବା ସହ ଏହାର  ସ୍ଵାତିଧିକାରୀ ସ୍ଵାତି ପଟ୍ଟନାୟକ ଜଣେ ଜାତୀୟ ସ୍ତରୀୟ ମହିଳା କ୍ରିକେଟ ତାରକା  ଏହି ଅନୁଷ୍ଠାନକୁ ସୁଚାରୁରୂପେ ପରିଚାଳନା କରୁଥିବାରୁ ତାଙ୍କୁ ସାଧୁବାଦ ଜଣାଇଥିଲେ l ଗରିବ ସ୍ତରୀୟ ମହିଳା ମାନଙ୍କୁ ବିନା ଶୁଳ୍କ ରେ ଯୋଗାଭ୍ୟାସ ଓ ଶାରୀରିକ ବ୍ୟାୟାମ ଯୋଗାଇଦେବାଜୁ ନିର୍ଦେଶିକା ସ୍ଵାତି ପଟ୍ଟନାୟକ ଘୋଷଣା କରିଥିଲେ l ଏହି କାର୍ଯ୍ୟକ୍ରମରେ ଶତାଧିକ ମହିଳା ସଭ୍ୟା ଯୋଗ ଦେଇଥିଲେ l ମହିଳା ସଭ୍ୟା ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ l