22-Nov-2024

ଭୁବନେଶ୍ୱର(ପ୍ରେରଣା ଖବର)- ଭୁବନେଶ୍ୱର ନିଳାଦ୍ରୀ ବିହାର ବିଜୁ ପଟ୍ଟନାୟକ ବହୁମୁଖୀ ଇନ୍‌ଡୋର ଷ୍ଟଡିୟମ ଏବଂ ସହିଦ ନଗର ସ୍ଥିତ ଇନ୍‌ଡୋର ଷ୍ଟଡିୟମ ଠାରେ ଚାଲିଥିବା ୟନେକ୍ସ ସନରାଇଜ ୪୭ତମ ଜାତୀୟ ଜୁନିୟର ବ୍ୟାଡମିଣ୍ଟନ ଚମ୍ପିୟାନସିପ୍ ର ବ୍ୟକ୍ତିଗତ ଇଭେଣ୍ଟର ପ୍ରତିଯୋଗିତାରେ ପ୍ରାୟ ସମସ୍ତ ମାନ୍ୟତାପ୍ରାପ୍ତ ଖେଳାଳି ପରବର୍ତ୍ତି ରାଉଣ୍ଡ କୁ ଉନ୍ନିତ ହୋଇଛନ୍ତି । ରାଜସ୍ଥାନର ଶିର୍ଷମାନ୍ୟତାପ୍ରାପ୍ତ ବାଳକ ଖେଳାଳି ସଂସ୍କାର ସାରସ୍ୱତ, ତେଲେଙ୍ଗାନାର ସାଇ ପ୍ରସାଦକୁ ୨୧-୪, ୨୨-୨୦ ରେ ପରାସ୍ତ କରିଛନ୍ତି, ଉତ୍ତର ପ୍ରଦେଶର ଭୁମେଶ ଉତରାନି, ମିଜୋରାମର ସାଇଲୋ ଭନଲାଲଙ୍କୁ

୨୨-୨୦, ୨୧-୭ ରେ ପରାସ୍ତ କରିଛନ୍ତି । ଠିକ୍ ସେହି ପରି ତୃତୀୟ ସିଟ ଖେଳାଳି ଦିଲ୍ଲୀର ଗିନପଲ ଏସ୍‌, ବିହାରର ସାକ୍ଷମ ବତସାଙ୍କୁ ୨୧-୧୯, ୨୧-୧୩ ରେ ପରାସ୍ତ କରିଛନ୍ତି । ସପ୍ତମ ସିଡ୍ ମହାରାଷ୍ଟ୍ରର ପ୍ରଜ୍ଜଳ ସୁନବାନେ ଆନ୍ଧ୍ରପ୍ରଦେଶର ଉମା ମହେଶ୍ୱର ରେଡ୍ଡି ୨୧-୧୭, ୨୧-୧୧ ରେ ପରାସ୍ତ କରି ପରବର୍ତ୍ତି ରାଉଣ୍ଡକୁ ଉନ୍ନିତ ହୋଇଛନ୍ତି । ବାଳିକା ବିଭାଗରେ ଟପ୍ ସିଡ୍ ହରିୟାନାର ମେଧାବୀ ନାଗର ଛତିଶଗଡର ରେବାରାଜେ ବର୍ମାଙ୍କୁ ୨୧-୧୧, ୨୧-୩, ଚତୁର୍ଥ ସିଟ୍ ଦୁର୍ଗା କନ୍ଦରପୁ ଉତ୍ତର ପ୍ରଦେଶ ର କାଜନ ପନୱରକୁ ୨୧-୭, ୨୧-୧୨, ତାମିଲନାଡୁ ଖେଳାଳି ଦଶମ ସିଡ୍ ଆଦର୍ଶିନୀ ଶ୍ରୀ ଓଡିଶା ର ଗୀତାଶ୍ରୀ ଦେଇଙ୍କୁ ୨୧-୫, ୨୧-୨, ଓଡିଶାର ତନଭି ପତ୍ରି ମହାରାଷ୍ଟ୍ର ର ମଧୁମିତା ନାରାୟଣଙ୍କୁ ୨୧-୧୫, ୨୧-୧୧ ରେ ପରାସ୍ତ କରି ପରବର୍ତ୍ତି ରାଉଣ୍ଡକୁ ଉନ୍ନିତ ହୋଇଛନ୍ତି । ବାଳିକା ଡବଲ୍ସ ରେ ଓଡିଶା ଖେଳାଳି ପ୍ରଗତି ପରିଡା, ବିଶାଖା ଟପ୍ପୋଙ୍କ ଜୋଡି, ହିମାଚଳ ପ୍ରଦେଶ ର ଗାରିମା ବର୍ମା ଓ ପ୍ରଜ୍ଞା

ବର୍ମାଙ୍କ ୨୧-୮ ଓ ୨୧-୧୪ ରେ ପରାସ୍ତ କରିଛନ୍ତି । ପଞ୍ଜାବ ର ସମୃଦ୍ଧି ଭରଦ୍ୱାଜ ଓ ସାନଭି ନଟିୟାଲ ଜୋଡି ଆସାମର ଭବିଷ୍ୟତ ଚାଙ୍ଗମି ଓ ଶାନ୍ତିପ୍ରୀୟା ହଜାରିକାଙ୍କୁ ୨୧-୧୮, ୨୧-୧୯, ଆନ୍ଧ୍ରପ୍ରଦେଶର ଦିପିକା ଦେବାନବଏନା ଏବଂ ଶ୍ରାବନ୍ତି ଦେବାନବଏନା ଯୋଡି ଏମ୍‌ପି ର ଆଶିକା ଦୁବେ ଓ ସାରା ମେହେଟ୍ଟାଙ୍କୁ ୨୧-୧୯, ୨୧-୧୨, ତାମିଲନାଡୁର ଅଞ୍ଜନା ମନିକନ୍ଦନ ଏବଂ ପ୍ରସିତା ପି ଙ୍କ ଯୋଡି କେରଳ ର ନନ୍ଦଘୋଷ ଏବଂ ମିନାକ୍ଷି ବିନୋ ଙ୍କ ଯୋଡିକୁ ପରାସ୍ତ କରି ପରବର୍ତ୍ତୀ ରାଉଣ୍ଡକୁ ଉନ୍ନିତ ହୋଇଛନ୍ତି । ଏହି ପ୍ରତିଯୋଗିତା ସଫଳ ରୂପାୟନ ପାଇଁ ଏସିଆ ବ୍ୟାଡମିଣ୍ଟନ ବୈଷୟିକ କମିଟି ର ଅଧ୍ୟକ୍ଷ ଓମାର ରସିଦ, ବାଇ ପର୍ଯ୍ୟବେକ୍ଷକ ପ୍ରଭାକର ରାଓ, ଓସବା ସଭାପତି ରାଜେଶ ପ୍ରଭାକର ପାଟିଲ, ସଂପାଦକ ନିଳିନ କୁମାର, ଉପସଭାପତି ପ୍ରଦୀପ ପଟ୍ଟନାୟକ, ଶୈଳନ୍ଦ୍ର ଚୈାଧୁରୀ ପ୍ରମୁଖ ଖେଳ ହେଉଥିବା ଉଭୟ ସ୍ଥାନର ସମସ୍ତ ପ୍ରକାରର କାର୍ଯ୍ୟକ୍ରମକୁ ପ୍ରତ୍ୟକ୍ଷ ଭାବରେ ତତ୍ୱାବଧାନ କରୁଛନ୍ତି ।