17-Nov-2024

ବଲାଙ୍ଗିର: ସ୍ଥାନୀୟ ପଥରଚେପା ସରକାରି ଉଚ୍ଚ ପ୍ରାଥମିକ ସ୍କୁଲରେ ଜିଲ୍ଲା ପ୍ରାଥମିକ ଶିକ୍ଷକ ସଂଘର ସହସମ୍ପାଦିକା ଅନୁପମା ପ୍ରହରାଜଙ୍କ ଆବାହନ କ୍ରମେ ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି। ଶିକ୍ଷୟତ୍ରୀ ଶାନ୍ତିଲତା ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେରାଜ୍ୟ ଫେଡରେସନ ପରାମର୍ଶଦାତା ଗୌରଙ୍ଗଚରଣ ମଲ୍ଲିକ ଓ ଜିଲ୍ଲା ପରାମର୍ଶ ଦାତା ଆଚାର୍ଯ୍ୟ ସୁଚିତ୍ର ସୁନା ଯୋଗଦାନ କରିଥିଲେ।ସଭାରେ ସର୍ଵ ପ୍ରଥମେ ଶୁଭେନ୍ଦ୍ର କୁମାର ଦଣ୍ଡସେନା,ଜିଲ୍ଲା ପରିଷଦ ସଦସ୍ୟଙ୍କ ବିୟୋଗରେ ଦୁଇ ମିନିଟ ନୀରବ ପ୍ରାର୍ଥନା ସହ ଶୋକସଭା କରାଯାଇଥିଲା।
ଏହା ପରେ ରାଜ୍ୟ ସଂଘର ମିଶ୍ରଣ ପାଇଁ ଅନେକ ଆଲୋଚନା ପର୍ଯ୍ୟଲୋଚନା କରାଯାଇଥିଲା।ପୁରୀ ଜିଲ୍ଲା ସମ୍ପାଦକ ରାମ ନାରାୟଣ ମିଶ୍ର ଓ ସମ୍ବଲପୁରରୁ ଅଲଇଣ୍ଡିଆ ସ୍ୱୀକୃତିପ୍ରାପ୍ତ ରାଜ୍ୟ ସମ୍ପାଦକ ବବୃବାହନ ଭୋଇ ଏହି ସଭାରେ ଅନୁପସ୍ଥିତ ଥିଲେ ହେଁ ବଲାଙ୍ଗୀର ଜିଲ୍ଲା ସଂଘର କାର୍ଯ୍ୟକଳାପକୁ ପ୍ରଶଂସା କରିଥିଲେ।ଏହା ପରେ ଗଣଶିକ୍ଷା ନିର୍ଦେଶକଙ୍କ ଚିଠିକୁ ଆଲୋଚନା କରି ତାଙ୍କୁ ଧନ୍ୟବାଦ ପ୍ରଦାନ କରାଯାଇଥିଲା।ଦେଓଗାଁ ବ୍ଲକ ରେ ଶିକ୍ଷକ ମାନଙ୍କର ପ୍ରାପ୍ୟ ଅବହେଳା ଓ ବିଇଓ ଅଫିସର ଦୁର୍ନୀତିଖୋର୍ ମନୋବୃତ୍ତି ପାଇଁ ରାଜ୍ୟ ସ୍ଥରୀୟ ପଦାଧିକାରୀଙ୍କୁ ଚିଠି ଲେଖିବାକୁ  ପ୍ରସ୍ତାଵ ଆଗତ କରା ଯାଇଥିଲା। ସେହିପରି ମୁରିବାହାଲ ଭଳି ଅନେକ ବ୍ଲକ୍ ରେ ଲେବେଲ୍ ଥାର୍ଡ୍ ଶିକ୍ଷକ ମାନେ ତାଙ୍କର ପ୍ରକୃତ ଦରମା ପାଇବାରୁ ବଞ୍ଚିତ ଅଛନ୍ତି। ଛଅ ବର୍ଷ ପୁରି ଯାଇଥିଲେ ସୁଦ୍ଧା ଶିକ୍ଷକ ମାନେ ସ୍ଥାୟୀ ଶିକ୍ଷକର ଆଦେଶ ଡିପିସି କାର୍ଯ୍ୟାଳୟରୁ ପାଇ ନ ଥିବା ଅଭିଯୋଗ ମଧ୍ୟ ଆସିଥିଲା।ଏହା ବ୍ୟତୀତ ୩୦ ବର୍ଷୀୟ ଏମଏସିପି ଦେବାରେ ବଲାଙ୍ଗିର, ପାଟଣାଗଡ଼ ଓ ଟିଟିଲାଗଡ ବିଇଓ ଅଫିସ୍ ଉଦ୍ଦେଶ୍ୟମୂଳକ ଭାବରେ  ଅବହେଳା କରୁଥିବାରୁ କ୍ଷୋଭ ପ୍ରକାଶ କରିବା ସହ ସରକାରଙ୍କ ଦୃଷ୍ଟି ଆକର୍ଷଣ ନିମନ୍ତେ ଦାବୀପତ୍ର ଦେବାର ନିଷ୍ପତ୍ତି ନିଆଯାଇଥିଲା।
କେତେକ ଦୁର୍ନୀତିଖୋର୍ ବ୍ୟକ୍ତି ରାଜ୍ୟପାଳ ପୁରସ୍କାର ପାଇଁ ଆବେଦନ କରିଥିବାର ସୂଚନା ମିଳିଥିବାରୁ ତାଙ୍କ ବିରୋଧରେ ସଂଘ ତରଫରୁ ଅଭିଯୋଗ କରିବାକୁ ନିଷ୍ପତ୍ତି ନେଇଥିଲେ।ବଲାଙ୍ଗିର ଜିଲ୍ଲାରେ ପ୍ରାଥମିକ ଶିକ୍ଷାର ଉନ୍ନତି ନିମନ୍ତେ ଆବଶ୍ୟକ ପଦକ୍ଷେପ ନେବା ପାଇଁ ଉପଯୁକ୍ତ ଅଧିକାରୀଙ୍କ ଠାରେ ଆବେଦନ କରିଥିଲେ। ସର୍ବଶେଷରେ ସଭାନେତ୍ରୀ ଉପସ୍ଥିତ ସମସ୍ତ ସଭ୍ୟସଭ୍ୟାଙ୍କୁ ଧନ୍ୟବାଦ୍ ଦେଇ ପରବର୍ତ୍ତୀ ସଭା ଆସନ୍ତା ଡିସେମ୍ବର ୧୫ ତାରିଖରେ  ଭୀମଡୁଙ୍ଗୁରି ଠାରେ କରିବା ପାଇଁ ଘୋଷଣା କରିଥିଲେ।