16-Nov-2024

ବରଗଡ଼/ଅତାବିରା(ଆକାଶ ମିଶ୍ର): ସମ୍ବାଦ ସାହିତ୍ୟ ଘରର ମାସିକ ଅଧିବେଶନ କ୍ରମରେ ଭକ୍ତି କବିତା ସଂକଳନ 'ସମର୍ପଣ'ର ପାଠକାର୍ପଣ,ଆଲୋଚନା ଚକ୍ର ଓ କବିତା ପାଠୋତ୍ସବ କାର୍ଯ୍ୟକ୍ରମ ସଭାପତି ମନୋରଂଜନ ସାହୁଙ୍କ ସଭାପତିତ୍ବରେ ସ୍ଥାନୀୟ ଗାନ୍ଧୀ ଭବନ ପରିସର ମଧ୍ୟରେ ଅନୁଷ୍ଠିତ ହୋଇଯାଇଛି। କବୟିତ୍ରୀ ଜୟଶ୍ରୀ ଖାଡଙ୍ଗା ଙ୍କ ଉନ୍ମୋଚିତ ଭକ୍ତି ରସାଣିତ କବିତା ସଂକଳନ 'ସମର୍ପଣ'ର ସମୀକ୍ଷା କରିଥିଲେ ସାହିତ୍ୟିକ ମନୋରଞ୍ଜନ ମେହେର। ଆଧୁନିକ ଓଡ଼ିଆ କବିତା ର ଗତି ଓ ପ୍ରବୃତ୍ତି ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ ପଞ୍ଚାୟତ ମହାବିଦ୍ୟାଳୟର ଓଡିଆ ବିଭାଗର ମୁଖ୍ୟ ଡକ୍ଟର ଶେଷାନ ବିଶି। କବି ଗୌରୀ ଶଙ୍କର ପଣ୍ଡା ଓ  *ଦାମୋଦର ସାହୁଙ୍କ* ସଂଯୋଜନାରେ ଆୟୋଜିତ କବିତା ପାଠୋତ୍ସବରେ ନୂରାବତୀ ସାହୁ, ସନ୍ତୋଷିନୀ ଦାଶ, ହୈମବତୀ ମିଶ୍ର, ତେରେସ୍କୋଭା ଦାଶ, ଚନ୍ଦ୍ରକାନ୍ତି ମେହେର, ମଞ୍ଜୁଲତା ଶତପଥୀ, ଅନିମା ଚକ୍ରବର୍ତ୍ତୀ, ଦୁଃଖି ସେବକ ସାହୁ, ବିବେକାନନ୍ଦ ପଟେଲ, ଚନ୍ଦ୍ରଶେଖର ସାହୁ, ପ୍ରଦୀପ କୁମାର ପଣ୍ଡା, ଉମେଶ ପ୍ରସାଦ ଖାଡଙ୍ଗା, ଅଶୋକ ପଶାୟତ, ତୁଳସୀ ଚରଣ ଦାସ, ଡ଼ ଯଶବୀର ସିଂ, ଦୟାନିଧି ମହାପାତ୍ର, ଡ଼ ସଂଜୀବ କୁମାର ଦାଶ, ପାତଞ୍ଜଳି ମିଶ୍ର, ଗୋବିନ୍ଦ ଦାଶ , ଦେବାଶିଷ ଦାଶ ,ଡ଼ ଦୁର୍ବାଦଳ ମେହେର, ଅଧ୍ୟାପକ ପତିତପାବନ ସାହୁ, ଏନ୍ ଏନ୍ ଯୋଶୀ, ସୁଜାତା ପଣ୍ଡା ପ୍ରମୁଖ ସ୍ବରଚିତ କବିତା ଆବୃତ୍ତି କରିଥିଲେ। କବୟିତ୍ରୀ ଜୟଶ୍ରୀ ଖାଡଙ୍ଗା ସ୍ବରଚିତ କବିତା ସଂକଳନ ସମ୍ପର୍କରେ ଲେଖକୀୟ ବକ୍ତବ୍ୟ ଉପସ୍ଥାପନ କରିଥିଲେ। ପ୍ରାରମ୍ଭରେ ସାହିତ୍ୟ ଘରର ସମ୍ପାଦକ ଡକ୍ଟର ରବିନାରାୟଣ ସାହୁ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ ଓ ଉପସଭାପତି ପ୍ରିତମ ସିଂ ଧନ୍ୟବାଦ ଅର୍ପଣ କରିଥିଲେ।